أبحث عن تقسيط سيارات بدون بنك :: أرجو المساعدة

[eng_abdo_eg]

والله يا اخ سيف الدين المشكله ان الى بيخش فى تعامل ربوى والله بيتخرب بيته مهما كان حاسبها صح ودا سبب ان البنك المركزى عامل بلوك على ناس بالهبل تقريبا اكتر من 50% من الناس الى بتتعامل بالتقسيط ودى معلومه من مندوب تسويق فى بنك لان الربا بيمحق البركه وانا كان ليا تجربه فى السعوديه على كاش لوون معموله بنظام اسمه التورق الاسلامى لكن هيا بصراحه فيها شبهه كبيره للربا الى بتسمى بالعينه الثلاثيه وهى ان البنك بيشترى لك معدن من بورصة المعادن وبيكون تمنها بالتقسيط وبيبعها لك تانى فى البورصه كاش وانتا بتاخد الفلوس لكن طبعا الكلام كله على الورق انتا من الاخر بتمضى على شوية توكيلات للبنك بالبيع والشراء وفى خلال 72ساعه بتنزل الفلوس فى حسابك المهم ان فى ناس كتير افتوا انها معامله ربويه وانا ركبت دماغى وقلت مهى حلال واسلاميه كمان والله العظيم انا قعدت فى السفريه دى سنتين اقسم بالله انى رجعت مديون رغم ان مرتبي كان محترم ومفروض امسك فلوس لكن والله انا شفت الخراب فى كل حاجه
الشاهد يا اخوانى موضوع الربا ده صعب جدا جدا جدا وخرااااب من كل ناحيه وقلة بركه لان ربنا هوا الى بيحاربك وده من اكبر الكبائر
ربنا ييسر لنا الامور وبيفرجها بالكاش من عنده

[tamermegahed]

طب ياريت لو سات فى عبد اللطيف جميل تفيدنا وتقولنا على الانظمه بتاعتهم لو اسلاميه وجزاك الله عنا كل خير

[eng_abdo_eg]

والله يا تامر انا مش اقدر احكم على اى معامله انا بحكى عن تجربتي واللى فهمته فيها وعلى اية حال اى واحد مفروض يسيفسر كويس عن المعامله الى هيعملها ويسأل فيها شيخ ثقه او دار الافتاء على الرقم بتاعها وصدقني الى بيدور على الحلال ربنا بيوفقه ليه وهيلاقيه بالنسبه لعبداللطيف جميل انا كنت كلمتهم وهما بياخدوا مقدم 25% والباقى ب8% تقريبا دا لو هتأمن ولو مش هتأمن تقريبا 9.5% وبصراحه المعلومات دى كانت بالتلفون ومبدأيا المعامله شكلها بيع تقسيط عادى مفيش فيه مشكله لكن كل المعلومات دى كانت بالتلفون المهم الى هيكتب فى العقد وانا لو عرفت اى معلومه عن عبداللطيف جميل هبقى انزلها هنا انشاء الله

[شريف يوسف منصور]

صاحب السياره السوزوكى عايز 41320 فى موديل فات عليه سنتين و كمان سياره 800cc اه الجمال ده كله

[moshaks83]

ha mafish gaedid 3an 3abd el latif gamil ?????????????