ارشيف الاستراحة 2010

[moslem2]

عايز حل ياجماعه للكهرباء الاستاتيكيه فى السياره خاصة لما اجى افتح الباب

كل مره بتكهرب وكهرباء مش بسيطه ومره كان فى ايدى وجبة ديلفيرى واتكهربت وانا بفتح الباب والوجبه طارت منى وهو ده الى مزعلنى .,,قولت يمكن علشان اكرة باب لانسر نيكل لكن الموضوع معايا علطول مهما غيرت العربيه ومهما غيرت نوعية الملابس ..مش عارف اعمل ايه؟؟؟اعمل سلك ارضى ويمشى مدلدل من باب العربيه وخلاص؟؟..ولا اعمل ايه؟؟؟

والله الموضوع بجد عامل لى مشكله فارجو الافاده من اصحاب العلم والخبره
وشكرا جزيلا

[bmkbmk]

المشكلة فى اسمك يا باشا ... محمد الحديدى ....

ماتزعلش منى بهزر طبعا ,,, لك من كل الود و الاحترام و ان شاء الله الاخوة الاعضاء يقدروا يفيدوك

[atgps]

المشاركة الأصلية كتبت بواسطة moslem2 عايز حل ياجماعه للكهرباء الاستاتيكيه فى السياره خاصة لما اجى افتح الباب كل مره بتكهرب وكهرباء مش بسيطه ومره كان فى ايدى وجبة ديلفيرى واتكهربت وانا بفتح الباب والوجبه طارت منى وهو ده الى مزعلنى .,,قولت يمكن علشان اكرة باب لانسر نيكل لكن الموضوع معايا علطول مهما غيرت العربيه ومهما غيرت نوعية الملابس ..مش عارف اعمل ايه؟؟؟اعمل سلك ارضى ويمشى مدلدل من باب العربيه وخلاص؟؟..ولا اعمل ايه؟؟؟ والله الموضوع بجد عامل لى مشكله فارجو الافاده من اصحاب العلم والخبره وشكرا جزيلا

يا ريت جضرتك توضح!! المشكلة ديه لما تفتح الباب من الداخل أم من الخارج؟
اذا كانت من الداخل فالمشكلة فى نوعية فرش السيارة (الكراسى) اذا كان سنتيتيك، فمع احتكاك الملابس بالكرسى يمكن ان تولد تلك الكهرباء الاستاتيكية.

[احمد على 1999]

قبل ما تخرج من العربية حط ايدك على قايم الباب او على السقف و رجلك على الارض

[moslem2]

المشاركة الأصلية كتبت بواسطة atgps يا ريت جضرتك توضح!! المشكلة ديه لما تفتح الباب من الداخل أم من الخارج؟ اذا كانت من الداخل فالمشكلة فى نوعية فرش السيارة (الكراسى) اذا كان سنتيتيك، فمع احتكاك الملابس بالكرسى يمكن ان تولد تلك الكهرباء الاستاتيكية.

المشكله اخى الغالى وانا بفتح الباب من الخارج خاصة لما انزل من العربيه وارجع تانى والمشكله مش بتحصل خالص وانا بفتح الباب من الداخل مع ان اكرة الباب من الداخل نيكل برده .,,,وشكرا للرد والاهتمام