|
#736
06-09-2010, 06:55 PM
|
||||
|
||||
رد: أدب الرحلات
بس بصراحه بلد عاوزة نظام زى ما استاذ جاديكس قال 
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله 
|
|
#737
07-09-2010, 12:31 AM
|
||||
|
||||
|
رد: أدب الرحلات
ايلينا او ايرينا مش فاكر
بنت ألمانية كنا في معرض لنوادي العلوم في بورسعيد وكنا ساكنين في نزل الشباب الدولي والنزل فيه قسمين الرجال لوحدهم وليهم سلم خاص بيهم والسيدات لوحدهم وليهم سلم خاص بيهم لكن في المطعم والريسبشن مشترك هيا كانت نازلة مع نفسها وعاوزة تستكشف المجتمع المصري ( تقريبا كانت بتعمل بحث ) فكان معاها كارنية بيوت الشباب ومكان ما تحب تروح تنزل على النزل وتقعد فيه حظها المنيل وقعت في قرعتنا واحنا هناك وبنهرج وبنضحك كتير وبنضرب في بعض ومفيش فروق بين الطلاب والمشرفين لان الجو كان فري شوية بينا وقعدت تتكلم معانا بالانجليزي مكسر وكان المترجم بتاعنا ليها احمد عبد ربه من تجارة عين شمس (الله يمسيك بالخير يا أحمد) كل يوم الصبح تنزل تتفرج علينا واحنا بننتش الاكل من بعض ونهرج مع بعض وكان فيه ناس بتخرج تجيب طعمية سخنة (وده اصلا ممنوع في النزل) وهيا كانت تستغرب وكانها لقيت كنز ( الله طعميييييييييييييييييييية وهتعمل كسارة البندق بقى علشان الطعمية زي علا رامي في مسرحية مش عارف ايه) وفي يوم قررنا ننزل ناكل كشري ودي اصرت انها تيجي معانا يا بنتي مش هيعجبك ابدا لازم اجي اشوفكم واشوف الكشري ده طبعا احنا عارفين الكشري تقيل عليها ممكن تاكله وتروح الانعاش ده لو كلته لوحده من غير حاجة وجت معانا طقم كشري كبير وواحد صغير للهانم لا انا عاوزة زيكم اشمعنى انتو كبير وانا صغير لو على الفلوس انا هدفع حسابي فلوس ايه يا ست مكنوش اتنين جنية هتقرفينا بيهم هاتلها ياعم واحد كبير ونزل طقم شطة كهربا وفيه تلاته مننا مبيحوقش فيهم الشطة فممكن كل واحد منهم ياخد طبقين او تلاته شطة اللي ميعرفش يعني ايه شطة كهرباء ده طبق صغير قطره تقريبا 5 او 6 سم وبيبقى فيه خلاصة الشطة اللي على وش حلة الشطة وهما بيطبوخها في المحل وليها زبونها والمحل ما بيصدق يخلص منها حتى مبيحاسبش عليها معرفش ليه مع انه ممكن يستفيد منها تاني هبقى أسأل محل كشري واقولكم المهم جت الشطة ودي شبطت انا عاوزة زيكم اشمعنى انتو يا ستي دي حاجة وحشة ده مش اكل دي سبايسي لا انا عاوزة لا متنفعكيش لا انا عاوزة خلاص خدي من اي طبق بتاع اي حد معلقة وخلاص لا انا عاوزة منها هات ياعم ليها واحد شطة وطبعا احنا مفتررين كلنا قلبنا الشطة على الاطباق وقلبنا واكلنا والبهوات المفتريين شطه قلبو طبق والتاني ودي مصره الا تعمل زينا اتفلقي انتي حرة هيا تقريبا ملحقتش اصلا تدوق حاجة لقينا اللي بتصرخ انتو مجانين انت عاوزين تموتوني ايه فيه ايه ايه اللي انتو اكلتهولي ده محنا قلناااااااااالك بلاش تعملي زينا مش هتتحملي واحمد ده كان بيقولها الكلمة باستفزاز راحت واخده تقريبا اربع او خمس حبات رز ( كناية على الكمية القليلة ) وراحت مصوته تاني بجد انتو بتاكلو البتاع ده ازاي وعاوزة ترمي الاطباق من قدامنا واحنا نضضضضضضضضضضضضضضحك وناكل ونضحححححححك وناكل وهيا عملت زي فؤاد المهندس في فيلم معرفش ايه لما اكل شطة وقعد يشرب ميه تهدي بقه واحنا نضحك وصاحب المحل فطسان على روحه وفي نفس الوقت خايف تتهمه بحاجة لكن هو ماله هيا اللي طلبت بعد ما برقعت ميه وهيا اصل مكتش حاجة عرفناها ان الشطة بتهدي لما تشربي لبن مش مية او اي منتجات البان وطلبنالها رز بلبن وحاجة ساقعه علشان تهدي بقها وكان يوم فضلنا نضحك عليها لغايه تاني يوم وكان اخر يوم لينا هناك واحنا ماشيين بتقولنا مع السلامة يا مجانين بنت ال....................... ..........
__________________
ولا نقول إلا ما يرضي ربنا إنا لله و إنا إليه راجعون
|
|
#738
07-09-2010, 01:51 AM
|
||||
|
||||
رد: أدب الرحلات
ده السفر ده شيء ممتع جدااااااااااااااااااااااا ااااا و كمان هوا انا اطول اسافر الهند و علي حساب الشركة
__________________
سبحان الله و الحمد لله و لا اله الا الله و الله اكبر و الحمد لله علي نعمة الاسلام و رضيت بالله ربا و بالاسلام دينا و بمحمد صلي الله عليه و سلم نبيا و رسولا اكتب ان شاء الله ولا تكتب انشاء , بارك الله فيكم
|
|
#739
07-09-2010, 01:59 AM
|
||||
|
||||
رد: أدب الرحلات
بس انا لو مكانكم مكنتش اخاطر اني اخرج مع واحد اجنبي و أأكله اي حاجة عشان لو حصله حاجة انتوا عارفين هيتعمل فينا ايه المنفاخ هيشتغل لحد مايبان لك صاحب
__________________
سبحان الله و الحمد لله و لا اله الا الله و الله اكبر و الحمد لله علي نعمة الاسلام و رضيت بالله ربا و بالاسلام دينا و بمحمد صلي الله عليه و سلم نبيا و رسولا اكتب ان شاء الله ولا تكتب انشاء , بارك الله فيكم
|
|
#740
07-09-2010, 03:19 AM
|
||||
|
||||
|
رد: أدب الرحلات
سيـد زيـان
هذا احد كبار رجال الاعمال فى مصر غير الممثل المعروف فالممثل المعروف كان صول متطوع فى الجيش من عندنا من الزيتون وكان يجلس على قهوة فواز امام محطة المترو يرص الدومينو لبعض جيراننا لكى لايدفع ثمن المشروب الذى يشربه الى ان اكتشفه فؤاد المهندس فى مسرحية سيدتى الجميلة نعود لرجل الأعمال هذا الرجل من اذكى رجال الأعمال الذين قابلتهم فى حياتى وكنت سعيدا وانا ذاهب لمقابلته لا لأنه شخصية عظيمة وثرى جدا وعلاقاته كثيرة و..و...و.. بالعكس هذه الأشياء لاتعنينى كثيرا لكن كان اعظم ما فيه انه حين نتحدث تجد عقلك دائما شغاااااااال لايهدأ درجة حرارة التفكير عالية جدا فحين يطلب شيئا تحاول انجازه بطريقة تبهره وتؤدى الى افضل نتيجة مما يجعله يضعط عليك بتفكيره ويطلب عمل شىء آخر بطريقة أخرى وكنت احس انه يقصدها لا اعرف هل لكى يختبرنى او يعلمنى او يتعلم منى بدون ان احس انى علمته فى يوم ياخالد انا هوسع مشروعاتى وهاخد قروض كبيرة من البنك الفلانى انت عارف رأيى من مسألة القروض انا مش عايز رأيك انا بفهمك علشان طريقة وأسلوب الشغل هيتغيرو فلو عايز شوية بضاعة او عندك حد ياخد بضاعة قل لى علشان عايز افضى المخازن ماشى ومشيت واخد قروض كبيرة وعمل مشاريع كثيرة وتوسع وتضخم حتى اننا لم نكن نتقابل تماما بعد ان كنا نتقابل مرتين او تلاتة فى الاسبوع ثم فجأة وبلا اى مقدمات افتح جريدة الأهرام ذات يوم وأقرأ الخبر وصعقت القبض على رجال الاعمال / فلان الفلانى والعشرة متهونش وروحت زرته شافنى اخدنى بالحضن وقال لما قالو اسمك استغربت انا معرفش الاسم ده وكل الناس تنكرت ليا ومحدش بيسأ ل فيا ولما شفتك عرفت ان الدنيا فيها خير ربنا يكرمك تحت أمرك ولو محتاج حاجة قل لى ربنا يكرمك ياخلود اصيل والله ومشيت ونسيت الموضوع وبعد كااااااام شهر فوجئت بواحدة بتتصل بيا فى المحل ايوه مين يافندم انا مرات الحاج /سيد اهلا وسهلا أؤمرى عايزينك فى خدمة عينى تشرفنا فى البيت ونتكلم حاضر وذهبت للبيت ماشاء الله لاقوة الا بالله منزل فخم جدا ومنظم جدا نزل ابنه الكبير هو فى سنى تقريبا ازيك يااستاذ خالد اهلا وسهلا واجتمعت العائلة شوف دلوقت هيبيعو ممتلكات الحاج كلها علشان فلوس البنك وبعدين الممتلكات أ كبـر من الفلوس اللى علينا لكن هتتباع بربع تمنها ليه تعليمات من فوق انا بكره الكلمة دى فوق فين يعنى اصل فيه ييجى ميت فوق فى البلد دى منعرفش ده الكلام اللى وصلنا هو غالبا رجل اعمال منافس ومشهور بس مسنود هو اللى بيدبر كل ده أأأأأأأأأه ه ه ه طيب يبقى كده مش فوق اوى كلمة فوق ونسكت معناه الريس رئيس الوزرا لكن واضح ان اللى فوق هنا تحت شوية مش ده المهم ايه المهم الحاج اتفق مع مدير البنك اللى هيتعمل المزاد لصالحه يظبط لجنة المزادات بحيث ترسى العروض على حد معين اللى هيدفع نسبة للحاج ونسبة لمدير البنك طيب وانا دورى أيه دورك بقى التنسيق بين المشترى ومدير البنك وتوصيل الاخبار للحاج اول بأول ازاى يعنى تشوف مشترى للبضاعة والممتلكات وتبلغ الحاج طيب م ابلغكو وتروحو انتو مينفعش لاننا علينا العين وانت شخصية مجهولة محدش يعرفك لان ملكش تعاملات خالص ماشى يعنى انا اشوف مشترى واروح للحاج ازوره و.... قاطعونى انت مش هتزوره اومال هيعرف الاتفاق ازاى عن طريق ام احمد مين ام احمد دى واحدة بـتـبـيـع فاكهة امام محطة الزقازيق باندهاش واستنكار / فارشة فى الشارع ؟؟ اه كلام مش مقنع دىست غلبانه هتروح تزوره مين هيشك فيها لكن انت لو روحت مليون واحد هيقلبوك ويفتشوك لانك منظرك جاى فى شغل وذهبت للزقازيق وأمام محطة القطار وبجوار تمثال احمد عرابى بياعين كتير شكلهم كلهم ام احمد نفس الوجوه تقريبا الكادحة من اجل لقمة العيش يجلسون على الارض ويعرضون الفاكهة وتجرأت وسألت / ام احمد فين ام احمد مين فيهم ااااااااه ه ه لم اعمل حسابا لهذا السؤال والمحمول لم يكن منتشراااااا بهذه الصورة ومكانش معايا تليفون طبعا(وقتها الخط كان ب4000 جنيه) ولم أجد ردا وعدت الى القاهرة وسأ لت عائلة الحاج فاعتذرو واعطونى علامات معينة وطريقة معينة للتعامل معاها وهى اقوم بشراء فاكهة مثلا ب10 جنيه (وقتها حوالى 5 كيلو عنب بناتى) واديها 10 جنيه مطبقة وجواها 100جنيه فهى تعرفنى وبعد م امشى تقول ياباشا الحاجة دى وقعت منك وتعطينى مايبعثه الحاج سيد وبدأت مهمة البحث عن مشترى وجمعت 3 وذهبت لمقابلة مدير البنك وكان رجلا انتهازيا انت مين انا خالد ابن اخت الحاج فلان اهلا ياباشا اهلا بيك وعرضت عليه الاسماء فقال / احنا هنعمل حاجة خير هنقلبها مزايدة بنظام المظاريف المغلقة بدل العلنية وايه الفرق هنلعب براحتنا ازاى كل واحد يقدم عرضه ويقفله داخل مظروف واحنا ندرسه براحتنا ونشوف مصلحتنا ياا كسلانس هههههههههههه (ضحكة عالية) فى داخلى باستنكار وقرف / ايه ده ؟؟؟؟ مش دى أموال البلد اللى سيادته مؤتمن عليها وهو عارف تماما ان الشخص المحبوس ده يتم ذبحه لحساب شخص آخر بغض النظر عن تشريد عماله وموظفيه وتحويلهم الى عاطلين والكارثة الاجتماعية الناتجة عن ذلك لايهمه الا ان يلعب براحته ويشوف نفسه فقط ؟؟؟؟؟؟؟؟؟ انت معايا ياباشا وافقت من سرحانى اسف كنت بفكر فى كلام حضرتك مش عايزة تفكير طـظ فى اى عرض لان الراجل ده متوصى عليه الكريم هنشيله على دماغنا والبخيل يقعد فى البيت بتدخن ياباشا انا / شكرا مبدخنش ( أيه ده مدير بنك ده والا سواق ميكروباس ) المهم عرضت الامر على الزباين 2 رفضو وهم اصحاب اعلى سعر والثالث وافق وكان عارضا سعرا يبلغ اقل من ربع قيمة الممتلكات بكـثـيـر والاخرين ولم اقتنع ان هذا كلام منطقى ولكن عملت اللى عليا وذهبت للزقازيق لاخذ الرد على هذا الكلام وحين نادتنى ام احمد / يااستاذ نسيت الورقة دى توقف الزمن للحظات ياترى هيحصل ايه اخذت الظرف فقد كان يكتب لها التعليمات فى ورقة تضعها فى صدرها ثم تخرج تشترى ظرفا تضعها فيه وفوجئت بموافـقـة الحاج سيد مع أخذ نسبة 10% من قيمة الصفقة له و10% لمدير البنك شىء يغيظ لكن الراجل صاحب مال وعايز اى شىء من فلوسه اللى بـتـتـنـهـب لكن مدير البنك عايز 10 % ليه ؟؟؟؟؟؟؟؟؟(علشان يمشيها) واموال البلد والراجل تغور فى ستين داهية ؟؟؟؟؟؟ اعوذ بالله ده سيدنا عمر حين جمعو له الزكاة كان امامه هرما صغيرا من الذهب ووجد فى أعلاه خاتما صغيرا (كان يمكن أن يأخذه الموظف ولايحس به احد فى هذا الجبل ) فقال / الحمد لله الى وهبنى رعـيـة صالحة وعمالا (موظفين ) صالحين ودماغى كادت تنفجر لم ينقذها من الانفجار سوى صوت القطارداخلا محطة الزقازيق بهيصة كبيرة فقد كنت واقفا على حافة الرصيف وشخط فيا السائق واعتذرت وذهبت لمدير البنك وافهمته انه سيتقدم له 3 عروض وهو عليه ان يقبل العرض الفلانى وتم كل شىء ومشيت وابلغت عائلة الحاج سيد وعليهم اتما م الباقى الذى اصبح سهلا حاولو اعطائى اى نقود رفضت لان هذا لله سبحانه وتعالى ومحاولة اغاثة ملهوف لاستعادة حقه وخرجت ومشيت فى الشارع غاضبا مهزوما ماهذا البلد الذى نعيش فيه كان زمان هذا البلد وطنا يعيش فينا وداخلنا الان اصبح وطن نعيش فيه فقط مكان يأوينا وان وجدنا بلدا غيره افضل ماديا سنتركه بلا رجعة لقد تذكرت ايام الطفولة ونحن فى الابتدائية فى منتصف السبيعينيات كانت حرب اكتوبر ما ثـلة امامنا وعشناها كنا نردد فى طابور الصباح نشيد باسم الله ..الله أكبر ..بسم الله بسم الله وكنا نردد احلف بسماها وبترابها ....احلف بدروبها وأبوابها ....الخ كنا ندخل الفصول كلنا حما س ووطنية وحب لهذا البلد هل مدير البنك هذا وهو اكبر سنا منى وكان شابا وقتها هو من حارب ضد اليهود ؟؟؟؟ هل كان يحب هذا الوطن وقتها ثم تغير؟؟ ما الذى غيره ؟؟؟؟ صدقونى طارت الدمعة من عينى على هذا البلد وعلى فقراؤوه أهو الاغنياء بيعرفو ياخدو جزء من أموالهم لكن الفقير المهزوم المهضوم المطحون الذى وجد الدنيا كلها واقفة أمامه تحاربه وهو كفارس اعزل بلا سلاح يقف امام جيش جرار فيقتنع بهزيمته ويموت كمدا او غيظا او فـقـرا لااعرف لماذا تذكرت الرسام الفلسطينى ناجى العلى الذى رسم طفلا سماه حنظلة حافيا منكوشا يرتدى ملابس مرقعة وممزقة واعطى ظهره لنا ولكل شىء لانه يئس من اى شىء وكل شىء لنا ولك الله يامصر سامـــــــــحونى نكدت عليكم التعديل الأخير تم بواسطة خالدخليفة ; 07-09-2010 الساعة 03:50 AM
|
 |
|
|
