|
#726
06-09-2010, 10:55 AM
|
||||
|
||||
رد: أدب الرحلات
مين غادة عبد العال لانى غير متابع تمااااااما للتلفزيون اللهم الا بعض البرامج الاخباريه على دريم والمحور وطبعااااااااا برنامج محطة مصراللى لفت نظرى اسمه وبقيت اتابعه بعد كده
ثم جميع القنوات الدينية 
|
|
#727
06-09-2010, 11:00 AM
|
||||
|
||||
رد: أدب الرحلات
الله يرحمها ويرحم موتانا وموتى المسلمين اجمعين يا سلااااااااااااااااااااااا ااااام لو كنت تاخد صورة بامنظر ده تبقى تحفففففففففففففففة هههههههههه احنا كمان كنا كده بنجيب صاجات من الفرن ونعمل في البيت ونروح نسوية في الفرن وبعدين لما نقلنا بيتنا من 16 سنة الفرن بقى بعيد عن البيت قالت خلاص نعمل الكعك والبتي فور والغريبة في البيت والبسكوت ابقى اعمله في الفرن وتروح تشيله في كرتونة وتيجي ، لكن دلوقتي مفيش غير انا وهيا ووالدي وهما الاتنين الحمد لله الصحة متساعدش على اكل اي حاجة وانا مبقاش ليا نفس لاي حاجة فبقت الكميات قليله فقالت نعمل كل في البيت بقى خصوصا مع وجود الغاز الطبيعي مفيش هم تغيير الانابيب بس عيلتنا فيها عادة معرفش كويسة والا زي الزفت ، هما مترابطين ببعض شوية لكن في اوقات بحس انها تمثيل وكله بيعرف اخبار كله ولما بيتعرف ان حد عمل حاجة بتلاقي كله يقول نعمل زيك ورينا عملت ازاي فلو العيلة عرفت اننا عملناه في البيت كله هفتح فرن في البيت هنا لمدة العشر الأواخر كلهم وحصلت قبل كده في بيت خالتي كنت عندها ونفسها تجرب تعمل بسكوت في البيت وعندهم في البلد فرن صاج كبير اتسحرت وقعدت انا وخالتي وامي الصبح طلع نزلت على الشغل رجعت لقيت نص البلد عرفت وعاوزين يعملوا عند خالتي وهاي مرضيتش تكسفهم تقولهم هاتو الانبوبة وتعالو واتدبست انا في اكتر من 500 كيلو بسكوت ادور المفرمة عليهم ( طبعا لان ده في البيت مفيش مكنة كهرباء ولو كنت اعرف انها هتوصل لكده كنت فكيت اي ماتور من اي حاجة وركبتله طنبوره وشغلته على المفرمة او حتى كنت اجرت واحده من اي فرن) وكانت النتيجة اني قعدت اكتر من اسبوع منامش يدوب انام ساعه واسمع الجرس وازيك ياحاجة والطقطقة بتاعت الاحضان ونفسنا نعمل مش عارف ايه ةاشرب يا محمد وخالتي كل شوية معلش يا محمد يعني اكسف الناس لا ياخالتي متكسفيش حد طلعي عين اللي جابوني انا هههههههههههههههههههه وليلة العيد 3 عرايس عاوزين يعملوا البسكوت والكعك والغريبة والبتي فور بتاعهم وما فيه حد يحط ايده فيهم غيري انا وخلص العيد وخارج مروح البيت وانا على الموقف في البلد قدام الفرن الافرنجي الوحيد فيها ولقيت صاب الفرن بيرمقني بنظرات كلها استهجان واستحقار وغل وحقد اي ياعم انا عملتك حاجة عرفت بعد كده ان الفرن ده مكنش انتاجه كويس فراح جاب صنايعيه علشان تشغل الفرن كويس وقالهم البلد كبيرة وفيها ناس كتير ومش هتلاحقوا شغل (البقشيش طبعا لان ده اكتر من يومياتهم ) وفي السنة دي الانتاج كان كويس لكن نص البلد جت علي الموكوس اللي هو انا طبعا وهو قعد ينش والصنايعية يهزقوه الواحد مش كان فتح فرن احسن من الهم بتاع المذاكرة ده
__________________
ولا نقول إلا ما يرضي ربنا إنا لله و إنا إليه راجعون
|
|
#728
06-09-2010, 11:07 AM
|
||||
|
||||
رد: أدب الرحلات
غادة عبد العال صيدلانية عملت مدونة اسمها عاوزة اتجوز من حوالي 3 سنين والمدونة دار نشر طلبتها تتعمل كتاب عملت اعادة تنقيح لما ورد في المدونة وتم طبعها في صورة ورقية (كتاب ) وبعد الطبع والانتشار الواسع طلب منها انها تعملها سيناريو لمسلسل اجتماعي كومدي اسمه عايزة اتجوز وهو ده الموضوع اللي سيادتك دخلته واتريقت عليا فيه علشان موضوعات ال 39 واحده اللي كنت فكرت فيهم مشورع جواز وافتكرت اني انا كاتب الكلام ده في موضوعك انت هنا وبوظت الموضوع اوبمعني ادق  4 44546هربت من الموضوع علشان مش تقول تجربتك مع ام عمر واللي حصل معاك ايه وضرب النار اللي حصل وال 120 واحده اللي الحاجة اتحايلت عليك تاخدهم ههههههههههههههههه بعرف ادبس الناس كويس انا مش كده تدفع كام واسيبك تخلع 
__________________
ولا نقول إلا ما يرضي ربنا إنا لله و إنا إليه راجعون
|
|
#729
06-09-2010, 11:59 AM
|
||||
|
||||
|
رد: أدب الرحلات
سعيد أنا بـيــب
وف يوم رايح احصل فلوس من واحد فى المنصورة سلام عليكم وعليكم سلام الأستاذ فلان فين عنده فرح بنته النهارد وسايبلك خبر تخلص شغل وتروح له فندق رمادا وفعلا خلصت وروحت فندق رمادا ماشاء الله لاقوة الا بالله حاجة ابهة جدا والبوفيه شىء مفتخر والف مبروك ياحاج الله يبارك فيك ياخلود وشوية وهتبدأ الحفلة فقلت استأذن انا قال لايمكن ده انا جايب عبد الحليم حافظ بتاع الدقهليه ولازم تسمعه ياسيدى شكرا والله م ادفع لك الدفعة غير لما تسمعه ده نقاوتى امرى لله مااااااشى ودخل المطرب شكله لايزيد عن واحد راكن عربية الفول بره الفندق او عامل من عمال الفندق وفى الاول كلنا افتكرناه احد عمال الفندق وواضح ان فى بومبة لان صاحبنا مكانش واخد خوانة وفوجئنا بيه يعتلى المسرح ومسك الميكروفون وغنى بصوت قبيح جدا وتخين جدااااااااااااا حاجة كده تقدر تقول بيهددنا وهو بيغنى(مطرب الاخبار) وغنى اغنية لا اتذكر منها غير كلمتين النهاردة فرحى ياجدعان وهتجوز هتجوز ولقيت صاحبنا اصابته هيستيريا وزعق بصوت عالى جدا اسكت .... اسكت.....أسكت مين قال لك تغنى بغباء رهيب / حمادة بعصبية / حمادة مين بنفس البلاهة واللامبالاة /اللى بيشتغل معاك بقمة الغيظ / تقصد احمد وبنفس البلاهة / آآآآه انا اش عرفنى بعصبية رهيبة / اند هولى زفت انا / هدى اخلاقك ياحاج ازاااااااااااااااااى؟؟؟؟؟ ؟؟؟؟؟؟؟ بقوللك عبد الحليم الدقهلية ودفعت له فلوسه كمان آجى يطلع لى ده؟؟؟؟ ده كبيره يغنى فى خرابة وهيقبضو عليه كمان اخفيت ضحكى فالموقف لايتحمل ضحك جاء حمادة انت جبت الواد ده منين وفين المطرب بتاعنا اصل المطرب بتاعنا لقيته عيان فجبت سعيد ... ده واد مية مية وسعيد ده يطلع ايه ده سعيد انا بـيـب ياباشا سعيد انا .... ايه ؟؟ بغباء رهيب لايتحمله الموقـف / بــيـيــيـب وكنت هفطس على روحى من الضحك من ردوده الغبية وسكتت بالعافية وبـيــب بتاعك ده مطرب ؟؟؟؟؟؟؟؟؟؟؟ بثقة رهيبة / طبعا ده الصبح يابـيـه يـبـيـع انا بيب واخر النهار اجدع فرح فيكى ياميت عنتر لازم هو فتى الشاشة فتى الشاشة ؟؟؟ ده انا هخرب بيتك وراح واكله بالقلم على وشه وانا تدخلت / خلاص ياحاج اعصابك بص لى وقال / وانت كمان مفيش دفعة خليك للاسبوع الجاى لما اشوف مطرب ميت عنتر ده ايه انا / ماشى ياحاج مش مهم بس اعصابك وفضلت وراه لحد م اعصابه هديت ورجعت مصر ورغم انى كنت متغاظ على الفلوس للى طيرها سعيد انا بيب منى لان الراجل ده بتبقى دفعته دسمة لكن كل م افتكر الموقف افطس على روحى من الضحك بعد اسبوع روحت له المحل اول م شافنى اعتذر لكن فوجئت بيه بيضحك وبيقول / معلش اصل انا اتفرست من حكاية سعيد انابيب مطرب ميت عنتر وادانى الدفعة وفوقها شوية كعك وبسكويت وحاجات كده التعديل الأخير تم بواسطة خالدخليفة ; 06-09-2010 الساعة 12:14 PM
|
|
#730
06-09-2010, 12:59 PM
|
||||
|
||||
|
رد: أدب الرحلات
سيد عسليــة
وسيد ده لايركب الا قطارين فى اليوم 1914 ويقوم من المنصورة 6 ونص صباحا ويصل المحلة 7 صباحا ليركب سيد واول محطة له بعد المحلة بنها ثم القاهرة ويعود فى 1915 ويقوم فى الخامسة عصرا من القاهرة وهو نفس المحطات ولايدخل طنطا يعنى من الاخر قطار زباينه من الحلة والمنصورة فقط واضيفت اليه بنها مؤخرا وغالبية ركابه يعرفون بعضهم البعض ومعظمهم طلبة او موظفين ويطلع سيدوعلى اول عربة القطار يقف و ينادى على العسلية ويقول ابيات معرفش جابها منين انا عندى ى ى ى ى العسليـــــــه واللى يقول هات واحده يبقى عسل لية واللى يقول 2 يبقى مصنع العسل لية والواحدة ب50 قرش الواحدة (على وزن اغنية هتجوز هتجوز ) بعد ان تنتهى القصيدة كنت اعتقد انها سيقوم باللف فى القـطار لكن يناديه احد الطلبة ياسيد ويجرى عليه سيد شفت الزمالك عمل ايه امبارح فيجلس جنبه وهات ياكلام عن الزمالك من مجلس الادارة الى بيع وشرا ءاللعيبة الى خطة مباراة الامس ولولا الحكم ابن...... كان الزمالك فاز 17 مرتاح وهااااااااااااااات ياحكاوى واكتشفت ان عسلية زملكاوى رهيب لكن مش وقت حكاوى القطار زباينه قليلة وسريع لايقف والمحطة الجاية بعد القاهرة هى المحلة مش هيدخل طنطا نقول هيركب زبونين يبيع لهم وتعجبت وبصراحة صعب عليا عسلية فمسكته فى يوم هات واحدة يابو السيد( رغم انى لا أكلها) عينى ياباشا كام ياسيد خلى ياباشا اشكرك نص جنيه قل لى ياسيد نعم ياباشا انت زمالكاوى طبعا واوعى تغلط دى كبوة وهنعديها صحيح بقى لنا سنتين (ايامها) لكن هنعديها وانتو لولا جوزيه مكنتوش عملتو حاجة انا مش اهلاوى اومال انت ايه صعيدى بعدم اهتمام /انتو بتلعبو ماتشين كل سنة وتنزلو ياعم سيبك من ام الكورة القطار مشواره قريب ومحطاته مفيش تقريبا سيبك من العيال دى .... دى عيال معندهاش مسئوليات طلبة جامعة لسه لكن انت عند ك بيت الرزق لابيزيد ولابينقص ومحدش بياخد رزق حد عن أذنك ياباشا وناداه احدهم وتحدثو فى نـفـس مباراة الامس للزمالك وغاظنى الرد م انا عارف ان الرزق لابيزيد ولاينقص نقوم نبطل شغل و نحكى فى الكورة ؟؟؟؟؟؟ وصممت بصراحة ادور وراه مهو مش معقول يعنى الكيس اللى مفيهوش ب20 جنيه عسلية والكيس التانى اللى فيه باكيتة مناديل هيأكل عيلة وبعد كام يوم نفس الفيلم انا / ازيك ياابو السيد اهلا ياباشا الزمالك عمل ايه امبارح اومال صعيدى ازاى ليه مهو ياعم كان بيلاعبكو ياراجل ومين كسب اسمنت اسيوط هههههههههههههههه الزمالك طبعا بس بصراحة قطعتونا امبارح طول عمرنا بنقطعكو طول عمركو ايه انتو طالعين الدورى السنة اللى فاتت وهما سنتين شوية؟ طب اما نشوف هتعملو ايه السنة دى (بعدها بعدة شهووووور جاء ليهنئنى بهبوط اسمنت اسيوط) احنا مش هننزل عن السادس ان شاء الله (وانا اساسا لااعرف غير مواعيد مبارايات مصر حين اجد اعتذرات التجار كثيرة والشوارع خاوية) ابقو قابلونى وبعد كام مرة بقينا اصحاب قل لى ياسيد عينى ياباشا مرتب الحكومة مكفيك؟؟؟ اندهش وهمس فى ودنى / عرفت منين مشيت وراك الصبح و انت جاى الله يخليك محدش يعرف ماشى اشمعنى اصلى موظف فى المحافظة والقرشين اللى جايين يدوب مكفـيـيـن ولو عملت اشتراك فى القطار للمحلة ب450 جنيه فى السنة وهو مبلغ برضه فبعمل نفسى ببيع وبراضى النقطة(نقطة شرطة القطار) مرة ومرة لأ وبتمشى وبخلص شغل الساعة 2 والقطر بيقوم 5 قلت اجيب شوية عسلية الف بيهم فى الشارع لحد معاد القطار فلقيتهم بيتباعو وبيجيبو قرشين تانىو5 الا تلت تلاقينى على المحطة ولما يقرب معاد القطار اجرى اركبه واشتغل زى مبتشوف جه قرشين تانى خير وبركة مجاش اهى متعشية من بره والحمد لله ريحتنى ياسيد ليه ياباشا افتكرتك صاحب عيال والكورة شاغلاك عن اكل عيشك انا مجنون كورة اه لكن لحد اكل العيش ومينفعش وفجأة انتبه مش انت مشيت ورايا أه طب انا موظف فين هههههههه فى المحافظة (مهو لسه قايلها) محافظة ايه وطالما قال محافظة ايه يبقى مش القاهرة لاننا جواها قلت الجيزة قال لا القاهرة انت عرفت منين انى موظف ضحكت وقلت اكيد واحد مش مهتم بأكل عيشه كده يبقى ليه أكل عيش تانى وفهمت انك موظف لان البياع السريح لو سر ح طول النهار فى القاهرة هيركب القطر يسرح برضه ضحك وقال انت مية ...مية وطلع اتخن واحدة عسلية عنده واداهالى / دى هدية قلت له مباكلهاش فاستغرب / انت اشتريت كذا مرة كنت بتعرف عليك علشان انصحك لوجه الله تسلم ياباشا لكن كان شخصية لاينفع هذا القطار بدونها واذا ركبت فيه ولم اجده احسن انى ناسى حاجة او فى حاجة ناقصة واكتشفت ان هذا احساس الركاب كلهم وليس انا وسبحان الله التعديل الأخير تم بواسطة خالدخليفة ; 06-09-2010 الساعة 01:08 PM
|
 |
|
|
