|
#716
06-09-2010, 03:56 AM
|
||||
|
||||
رد: أدب الرحلات
ياعم محمد (sadbird)
اولا / انا والله بحبكم فى الله لكن الشىء الزائد عن حده بيبقى صعب وغير مقبول ثانيا / الموضوع فعلا بدأ فى دماغى فى شهر 1 وتم الرد عليه مرتين او تلاتة وتوقف لان لم يشجعنى عليه احد وهذا لا انكره الى ان اكتشفه احمد كروزير ( احد افراد فريق المشاغبين) وكلمنى وقال لى كمله وطلعها فى دماغى تانى يوم 15 / 7 بدات مرة تانية بل بدأت انظمه اكتر واعمل عناوين للموضوعات بعد فترة لكن وبصراحة شديدة حين اقتربت الفكرة التى ارجوها وهى فائدة الناس فوجئت بفريق الأسد المرعب يدخل الملعب فينسى الناس الموضوع او يملوه (يزهقو منه)واشتكى انجيكشن وامتنعت فاطومة عن التعليق ثالثا / انا والله لايهمنى كثيرا تثبيته من عدمه فأكبر تثبيت له هو كم المشاهدات عليه وكم المتابعين له رغم انه لاعلاقة له بالسيارات وأسعدتنى جدا مقولة الرجل المحترم الاستاذ / نبيل عبد الرحمن حين قابلته فى الاسكندرية وفوجئت به يقول جملته التى اسعدتنى فعلا رغم انه ربما يكون نسيها فقد قال / انا كل يوم لازم ادخل اشوفك كتبت ايه رغم ان له تعليق واحد فقط هنا واشكر لاخى محمد على (ساد بيرد) قيامه بتجميع المشاركات فى ملف وجزاه الله خيرا نهزر مع بعض ماشى لكن اخرج اتمشى شوية وارجع اتسحر واجى اشوف الموضوع الاقى 15 صفحة كلها لاعلاقة لها بالموضوع شىء صعب جدا وانا ارحب بأى تعليق ولكن فى الموضوع لكن نعود للزواج والاكل وعربية كروزير مرة تانية بعد حذفهم قبل كده فأسمحولى هذا شىء صعب جدااااااااااااااااااااااا ااااااا اخيرا اشكر اخى جاديكس على موضوع الهند الذى تكلم فيه وهى المعايشة الحياتية والتجربة الشخصية وهى خير عين على البلد او المكان 
|
|
#717
06-09-2010, 06:27 AM
|
||||
|
||||
|
رد: أدب الرحلات
استاذ خالد انا لم امتنع عن التعليق
 بالعكس انا لسه بقراء اللى حضرتك بتكتبه بس انا حاليا مشغوله جدا فى الشقه الجديده يدوبك بدخل اقراء واخرج على السريع عموما فى انتظار حضرتك للتكمله ان شاء الله واستاذ جاديكس كتابتك جميله فى انتظارها ايضا وكل سنه وانت طيبين بمناسبه اقتراب العيد
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#718
06-09-2010, 09:16 AM
|
||||
|
||||
|
رد: أدب الرحلات
من أجـــل الكعك
البدرى ده محل مشهور جداااا فى دمياط لبيع الحلويات وهو فى منطقة تجارية كبيرة كما الموسكى هنا اسمها التجارى ودايما اعدى عليه ماشاء الله لا قوة الا بالله زحام مبيخلصش لكن انا من النوع الذى لايشترى بسهولة ولا اقتنع بان الهيصة والدعاية من الممكن ان تجعلنى اشترى بل بالعكس حين اجد الدعاية المكثفة اقلق من المنتج نفسه ولا اشترى اى منتج فى المواسم لانى سأجد اسوأ البضاعة بأغلى الاسعار و فى يوم لقيت تقريبا زحام يكاد يصل الى القـتـال وكنا زى الايام دى عيد الفطر داخل كل سنة وانتم طيبين ومجرد اقترابى فقط من الزحام كاد ان يفـقـأ احدى عيناى وطارت الشنطة على الارض ايه الحكاية يااخواننا رد احدهم بلهجة دمياطى مثل البورسعيدى تقريبا /اصل البدرى منزل كعك طب و ليه المولد ده كله اصله بالملبن وب12 جنيه (وقتها ) و كده رخيص ؟ طبعا ليه لانه بره اقل واحد بيبيعه ب 20 ياسلام ياسلام ده ايه انت هـتـتـساير معايا؟؟ وقفز فى الزحام واختفى ايه المولد ده ؟؟ كل ده علشان الكعك وهيصة وزعيق وخناق(اسف قتـال )علشان الكعك ؟؟؟ ده على كده الكعك ده سلعة اساسية ومهمة بقى وراجع طول الطريق بستعجب ورجعت البيت سالت صاحب الفرن اللى جنبنا الكعك بكام ب25 ابو ملبن ؟ لا السادة ابو ملبن ب35 وبينى وبينكو الموضوع خرم فى دماغى قلت اما اشوف اخرتها وعديت على بسكو مصر جنبنا بكام الكعك ابو ملبن ب45 الله الله الله ورجعت دمياط بعدها بأسبوع لأجد نفس الطابور لكن فى حالة هدوء ثم فجأة صاح احدهم عربية الكعك جات وبدأت الهيصة والخناق والزعيـق وفوجئت ان مفيش اكتر من 2 كيلو للفرد وقلت ياواد جرب حظك ويادوب اتخذت القرار وخطوة للاماااااااام مااااارش وطررررراااااااخ خ خ حاجة جات على دماغى مش عارف ايه هيا وواحد زقنى والتانى وراه ووقعت على الارض وواحد داس عليا وبشق الانفس خرجت اولا من المعركة وقلت انظم نفسى واعاود الهجوم لكن هجوم ايـــــــه البنطلون اتقطع وزراير القميص طار منها 3 وكم القميص اتقطع وشعرى كان منكوش واتعورت ف كف ايدى ايه ده ايه ده ايه ده والعرق الصعيدى هـجـم عيب ياواد يهزموك الدمايـطة طب والله م انا سايبكو ياانا يانتو النهاردة هجوووووووووم م م م ودخلت بغباء وركبت على كتف واحد راح مزعق ومتخانق ولما لقانى مغـتـت و مش نازل من على كتفه راح عمل تصرف عجيب خرج من الدوشة دى وانا على كتفه انا من فوق / رايح فين ياعم انت هخلص منك وخرج بيا بره ورمانى من على كتفه وزعق فيا / حرام عليك هتموتنى وسابنى ودخل على المعمعة بتاعة الكعك قلت ياواد مش مهم بقى هدومك اتقطعت واتبهدلت واتعورت وشعرك منكوش ولا اللى جاى من معركة التل الكبير وافتكرت الفلوس واتطمنت على فلوسى لقيتها زى ماهيا عدلت نفسى قدر المستطاع لكن مستطاع مين؟؟ مش نافع حاجة اهل الخير دلونى على واحد اشتريت منه ابرة وفتلة ودلونى على جامع مفتوح وحارس المسجد ادانى جلابية من عنده لحد م خيطت هدومى وشكرته ومشيت رجعت على موقف الميكروباس مصر بغلاسة / ايوه مصر الاجرة 14 جنيه (أيامها ) معاك فلوس ؟ معايا شكلك ممعاكش ولو طلعت بتشتغلنى مش هسيبك فى عبود متخافش معايا بعدم تصديق وريبة / خلاص اركب انت حر انا اغتت سواق فى الموقف ماشى ياعم الأغـتـت وقرب قليوب الاجرة يافندية بعد جمع الاجرة الجدع ابو دقن دفع ؟؟ انا / لأ فواحد من الركاب رد بغيظ معاك اجرة كام 14 وعربيتك كام 14 يبقى دفع والا لأ السواق / بحسب الراكب / ولابتحسب ولاشفت حساب خليك فى طريقك خلينا نوصل بالسلامة فى عبود السواق /شكلك ابن ناس الدنيا بهدلته انا / ابن ناس الكعك بهدله باستغراب / كعك ايه ده موضوع كبيــــــــــر سلام سلام ياخويا وركبت ميكروباس المرج من رمسيس وعند محطة متروكوبرى القبة وجدنا كمين كانت الساعة 1 بالليل الظابط بص على العربية وقال للسواق امشى وبعدين عينه جات عليا فقال له استنى سأ لنى جاى منين من رمسيس وقبل رمسيس عبود وقبلها دمياط بطاقتك اتفضل بص فيها واندهش انت صاحب شركة أيوه بس ده مش شكل صاحب شركة ضحكت ده موضوع كبيـــــــــــــر بجدية / موضوع ايه كنت بشتر ى كعك العيد بقرف / بطاقتك اهى ومتوجعش دماغى وصلت البيت حين رأتنى أم عمر كاد ان يغمى عليها (وبالبلدى كده ...... ترقع بالصوت ) وشهقت شهقة عالية / يالهوى فى ايه فتعجبت هو كل اللى يشوفنى مش طايقنى ليه ونظرت فى المرآة وليتنى مانظرت فقد كرهت نفسى لمدة اسبوع وانا باصص فى المرايه كنت هقول لنفسى بطاقتك ياد ههههههههههههههههههههههههه التعديل الأخير تم بواسطة خالدخليفة ; 06-09-2010 الساعة 09:34 AM
|
|
#719
06-09-2010, 09:43 AM
|
||||
|
||||
رد: أدب الرحلات
|
|
#720
06-09-2010, 09:52 AM
|
||||
|
||||
|
رد: أدب الرحلات
المشاركات من 1 - 210 = الصفحات من 1- 30
المشاركة تبدأ بالتاريخ ثم اسم صاحبها ثم الموضوع الخاص بالأستاذ خالد خليفة ثم التعليق على المشاكرة نفسها من الاعضاء وقد استبعدت اغلب تعليقات الشكر ان احببتم اضافتها اضيفها مرة اخري وعذرا ان نسيت اي تعليق ( جل من لا يسهو ) وعذرا اني لم انسق المف نظرا لضيق الوقت ، ان شاء الله تعالى عند اكتمال المشاكرات كلها اقوم بتنسيقه ( على الاقل لما نرو نوديه للمطبعة لا نحتاج لمجهود إعادة الكتابه ) ان شاء المولى عزوجل سيترم اعادة طرح الملف مرة اخري كل 10 صفحات حتى يتسني للأعضاء الجدد متابعة الموضوع من اوله بدون اي تعليقات غير ضرورية
__________________
ولا نقول إلا ما يرضي ربنا إنا لله و إنا إليه راجعون
|
 |
|
|
