ارشيف الاستراحة 2011

[sad-bird]

المشاركة الأصلية كتبت بواسطة koashraf انادخلت على الموقع ولقيت ان كل المجموعات كده .... بس طبعاً بما ان اللوحات بتتباع بالالاف يبقى أكيد العيب فينا لان احنا مابنفهمش فى الفن التجريدى أوزوقنا التجريدى والتكعيبى مش كويس... بس أنا ليا سؤال خبيث شويه وعايز حد يجاوبنى عليه (بشرط يكون بيفهم فى التجريدى أوحتى التعبيرى)...... تفتكروا لما الوزير يخرج من الوزاره لوحاته العظيمه دى حتتباع بكام؟؟؟؟؟؟

والله ده يوقف على ما بعد الخروج
لكن اكيد اكيد هيبقى اكرم من اللي حصل في اوراق وملفات يحي المشد علشان أحنا في مصر

[حسام البورسعيدى]

انا ابويا معاه تويوتا كورولا 1984 اتوماتيك 1600 cc ...

وبصراحه نضيفة جدا وهو محافظ عليها جدا ما شاء الله ... وعلشان كده مكنش بيخلينى اسوقها خالص وانا صغير (كان بيتحجج انى معييش رخصة) بس من خوفه عليها هههههههههه

ابويا كان جايبها من الكويت زيرو موديل السنة وسافر بيها 3 مرات من الكويت لمصر والعكس علشان كده غالية عليه جدا وبيخاف عليها من الهوا ..

والعربية كاملة تكييف وباور واتوماتيك بس الازاز عادى ...

ولغاية دلوقتى مش بيخلينى اسوقها ههههههههههههه

[sad-bird]

انا بقى عملتها بطريقة تاني لكن طبعا مش نضيفة زي ده

جبت علبتين مربى الصفيح نفس المقاس الاولى خرمتها من الجنب فتحتين
طبعا العلبتين مقاس واحد بالملي روحت داقق على خفيف على حرف العلبة اللي انا عملتها بحيث انها توسع شوية عن التانية وبعدين حطيت فيها حته قماش قطن ( ممكن قطعة قطن) وكبيت عليها جاز كتير ( الفيديو بيستخدم سبرتو وده مش يتحمل كتير )
وروحت رامي عود كبريت فيها وكابس العلبة التانية فوقيها وفيها المية خمس دقايق او اقل وتلاقيها بتغلي يا معلم واحلى كوباية شاي

النار بتتحكم فيها على حسب الفتحات اللي عملتهافي الجنب
عيوبها
الطريقة دي تصلح للاستخدام في تسخين سوائل فقط وفي العلبة اللي جاهزة غير كده هتحتاج تعديل
لو كبيت جاز كتير والقمائة او اقطنة مفيش منها جزء ظاهر مي هتولع
لو فيه تنفيس بين العلبتين هتلاقي ربحة الحاجة اللي بتعملها لقطت جاز ( علشان كده بيستعملوا سبرتو)



فيه بقى حل ظريف واريح منوجع الدماغ ده كله
اقراص السبرتو المضغوط ( معرفش اسمها ايه بالضبط لكني انا وشفتها مرتين واللي قالي قالي كده )
ودي مادة مشتعله عبارة عن قرص قطرة حوالي 5 سم وفيه منه مقاسات اكبر بيتخزن في علب صاج زي بتاعت الدواء ( بيكون القرص زي الاقراص الفوارة فيتا سيد مثلا)
بتطلع القرص وتحطة في المكان اللي عاوز تولع عليه تجيب حجرين طوب ، تجيب سيخين حديد وتعملهم زي الفيديو زي ما تحب
تولع القرص وتمسكه في ايده ثواني علشان يولع
وتحطه وتعيش يا معلم

[ابوسهيلة]

المشاركة الأصلية كتبت بواسطة koashraf بس أنا ليا سؤال خبيث شويه وعايز حد يجاوبنى عليه (بشرط يكون بيفهم فى التجريدى أوحتى التعبيرى)...... تفتكروا لما الوزير يخرج من الوزاره لوحاته العظيمه دى حتتباع بكام؟؟؟؟؟؟

اكيد بما اننا بنتكلم عن الفن التجريدي

فممكن حد يستخدمها بعدما يتجرد من ملابسه في احد الحمامات العمومية

[sad-bird]

no comment