مليونية عودة مبارك - 25 ابريل - مطالب تيتتتتتتتتتتتت

[tarek elbadry]

المشاركة الأصلية كتبت بواسطة Ahmed Anwer من علي شاشة الجزيرة ، عاجل : حسني مبارك يغادر شرم الشيخ إلي ألمانيا مش متأكد من صحة الخبر بس لو حصل ......................... .......ز يبقي استهبال رسمي

الجيش نفى الخبر
عودة حسنى مبارك للحكم تانى دى كدبة ابريل

[waelsalah]

المشاركة الأصلية كتبت بواسطة attef1 لا يا أخى اثبت مكانك والا يطبق عليك حكم الهارب من المعركة اصحاب الحق مستعدين يضحوا فيه بالدم مش شوية كلام لا راحوا ولا جم لكن الحق اليومين دول ملتبس على الناس و معذور الفقير ان اشتكى بس يكون فقير مش لاقى اللقمة مش يبقى بياخد الدعم وهوه ميستحقوش وتلاقيه اول الطابور مش يبقى بيطلع حج القرعه وهوا ميستحقش ويرشى ووووو ويقولك برضى ربنا واقسم بالله ان الناس بتروح المكتبات الاسلاميه ليستعيروا كتب الدين ولا يرجعوها سيبها على اللى خلقها هو اعلم بها ولا تيأس فالله لا يضيع اجر المحسنين وكما يدين ابن ادم يوما ما سوف يدان

مش هروب
لكن لازم نتغير من جوانا فرد فرد ونتحد فى وجه الثورة المضاده اللعينه
ومنساهمش فيها ولو بدون قصد او بطريق غير مباشر
يارب وحد الصف وهيئ لنا من امرنا رشداً

[koashraf]

المشاركة الأصلية كتبت بواسطة إنسانة حد يقولى لما الرئيس مبارك ترك الحكم اية الجديد اللى حصل؟ انا هقولكوو الجديد مفيش امن ولا امان والبلد بتخرب حد فيكووو حاسس بالامان على بيته ولا اختة ولا مراته ؟ اتقوا الله في بلادكم اكرموا رئيسكم مهما كان عادلا كان او غير ذلك واعيدوا حاكما لكم حتى تستقر مصر وتهدأ

شوفى ياانسانه الامان لم يكن موجود فى عهدمبارك الميمون الذى تتباكون عليه وكنا فى عهده نتحدث على فقد الامن الجنائى فى مقابل اهتمام الشرطه بالامن السياسى،وكانت حوادث السرقه والاغتصاب والقتل منتشره رغم عدم التوسع فى النشر عنها بالاضافه الى احداث العنف الطائفى وبعدين مش الحزب الوطنى بتاع مبارك وحزبه هو اللى اخترع استخدام البلطجيه فى الانتخابات وبقى ظابط المباحث الهمام يلم العيال السوابق كل انتخابات سواء بالتهديد عن طريق احتجاز أقاربهم أوبالوعد بالافراج عنهم مقابل تهم ملفقه أوبالتغاضى عنهم فى نشاطهم الاجرامى ان وقفوا معاهم فى الانتخابات أوبالفلوس.

ياعزيزتى كل مانحن فيه من تركه مثقله تركها لنا حاكم غير وطنى كان لايهتم بتدمير وطنه وبلاده فى مقابل بقاؤه على العرش وتوريثه لابنه .

[koashraf]

والله ياجماعه الثوره دى طيبه جداً ومحترمه كمان ، كل الثورات فى الدنيا بتقوم نتيجة الظلم والقهر والنهب والفساد الثوار بعد نجاح الثوره وقبل اقامة النظام الجديد لابد من التخلص من كل ماله علاقه بالنظام الفاسد السابق اما بالسجن أوبالاعدام مثل الثوره البلشفيه التى اعدمت اسرة رومانوف وكل من له علاقه بيهم ومن حامت حوله شبهة التعاطف مع النظام السابق (تعاطف بس ) تم ارساله الى سيبريا ليقضى بقية عمره هناك.......
الثوره بتاعتنا الطيبه كل ماترجوه وتترجاه من الساده رموز ومنظرى وسدنة النظام الفاسد انهم يحرمونا من طلعتهم وطلتهم علينا بس يظهر انهم مستكترين علينا ده وشغالين فى المنتديات والفضائيات والحنفيات وكل حته كلام وتعليقات..........

طيب حنرد عليهم رد بسيط بالدعاء الى الله بأن يرزقهم واحد زى جمال عبد الناصر مش حنقول زى لينين وييبقوا يفكروا ولافى احلامهم فى عودة المومياء حسنى الى الحكم أوعودتهم الى الظهور فى اى حته ولاحتى فى البوتجاز.

[koashraf]

المشاركة الأصلية كتبت بواسطة الدملاوي أتمنى على الله ولا يكتر على الله أن الأخ أو الأخت اللي أسمه أنسانة يقولي بيقبض كام في الشهر ولا بيتحاسب باليوم وبالساعة لأن واضح ان الموضوع مربح جداً من كتر عددهم ما شاء الله في كل المواقع وكمان الواحد ممكن يشتغل معاكم من منازلهم يعني وأنا موافق مبدئياً على المرتب بتاعكم ها قلتوا أيه؟ عرض عميل على الهوا أهه .... جاتكم ....... مليتوا البلد ربنا ...... أنتوا واللي مشغلكم شوية ...... وأعتذر عن ما سوف تفهموه من نقاط الجملة السابقة

القبض بالتعليق وعدد المشاركات ابسط ياعم .........
بس ترضى تبيع زمتك بفلوس الدنيا؟ وعجبى!!!!!