ما هو رايك في خطاب الرئيس وخطاب نائبه ...؟؟

[Komy]

بالظبط انا معاك يا استاذ علاء مش عشان واحد بس وحش نبهدل شعب بحاله 85 مليون والاجيال اللى لسه هتطلع, هتطلع تلاقى خراب وبلد مفككة وممكن نبقى زى السودان وهنروح بعيد ليه , عايزين تبقوا زى العراقولا السودان ولا ولا ولا.

يا جماعة ارجوكوا حكموا عقلكوا دول 30 سنة اللى فاضل 6 شهور وصدقونى ال 6 شهور دول هما اللى فاضلين لنا عشان نحافظ على بلدنا مش عشان نحافظ على الريس ,

بصوا حواليكوا انتوا عاجبكوا البلد واللى احنا فيه؟

[lol64]

المشاركة الأصلية كتبت بواسطة Ahmed Anwer لا معلهشي يا لوول فرد واحد بس !!!!! عارف إحنا بقينا عاملين زي اللي مش قادر علي الحمار بيتشطر علي البردعه مش قادرين علي الريس فبنتشطر علي المتظاهرين الأبطال

والله ابدا يااحمد انت اكيد عارف انى مع رحيله كفايه عايزين حريه وكرامه بره مصر وجوه مصر
لكن اديك شايف ان فيه حاجات اتحققت مع بدايه الثوره مكناش نحلم بيها فى يوم من الايام والمطالب الباقيه هاتتحقق بقدرتنا على انتخاب من يمثلنا
اللى بيفقعنى ان المعتصمين فى التحرير مش لاقيين حاجه يقولوها لما يتزنقوا فى الكلام ويضطروا يقولولك حاجه زى عايزين ضمانات -اصل مبنثقش فيه -اصله ممكن يقبضوا علينا لو مشينا
كل دد كلام فارغ وصدقنى يااحمد انا كنت حاسس من بعد يوم 27 انها هاتقلب مراجيح مولد النبى

[lol64]

وائل غنيم نفسه سمعته فى الجزيره دلوقتى بيدعوا لعدم المواجهات وان نحقن الدماء

[lol64]

المشاركة الأصلية كتبت بواسطة hazem_khidr نحن انتصرنا بالفعل ونجحنا فى التغير وهز عرش النظام وسحبنا الكرسى من تحت الريس ورايته اليوم وهو يتكلم فى وقت ماساوى وعصيب فى تاريخ مصر هو الذى وضعنا فيه ولكنه انحنى تحت مطالبنا وركع امام ارادة الشعب وليس استجابة لاستفزازات خارجية فيجب ان نعلم انه مننا وليس علينا فهو ليس من اعدائنا ....اننى اقول من كل اعماق... قلبى ان ما فعله الرئيس مبارك ليس طمعا فى شيء فهو فى منتهى الحكمه السياسية وقمة الولاء للوطن والشعب فهو لم يرد ان يضع مصر فى تاريخ اسود لمصر وليس لشخصه وان تنزلق مصر فى معمعة الفوضى والخراب وننتهى الى مصير مجهول لا اعلم مداه واخاف كل الخوف على مستقبلنا ........ليتنا نستجيب فحان وقت اعمال العقل والاستجابة وليس العند ! فالعند يولد الكفر ..........وكان الله بنا رحيم ورؤف بالعباد الا نرحم هذا الرجل ام اصبحنا قاسين القلب مغيبين العقل؟

اقسم بالله ياحازم انك قلت اللى انا عايز اقوله وعبرت احسن منى عن اللى جوايا

[lol64]

المشاركة الأصلية كتبت بواسطة Komy بالظبط انا معاك يا استاذ علاء مش عشان واحد بس وحش نبهدل شعب بحاله 85 مليون والاجيال اللى لسه هتطلع, هتطلع تلاقى خراب وبلد مفككة وممكن نبقى زى السودان وهنروح بعيد ليه , عايزين تبقوا زى العراقولا السودان ولا ولا ولا. يا جماعة ارجوكوا حكموا عقلكوا دول 30 سنة اللى فاضل 6 شهور وصدقونى ال 6 شهور دول هما اللى فاضلين لنا عشان نحافظ على بلدنا مش عشان نحافظ على الريس , بصوا حواليكوا انتوا عاجبكوا البلد واللى احنا فيه؟

بص ياكومى انا النهارده رحت اجيب مراتى من الشركه اللى بتشتغل فيها لانها مش عارفه تخرج والمتظاهرين قافلين الشركه لاحد يخش ولا يخرج
ركبت معايا العربيه بتترعش كانى انتشلتها من الغرق
ومعظم اللى بيتظاهروا راكبين موجه وخلاص وعايزين يحرقوا الشركه
ركب معايا واحد منهم سواقفى الشركه بيقفل فوق ال 3000 جنيه بقاله سنه ونص ومش عاجبه عايز يتثبت
طب انا عايز اعرف كام واحد فى المنتدى هنا بياخد نص المبلغ ده؟
الجهل بعيد عنك بقى موضه فى بلدنا