السادة ملاك اسبرانزا الكرام .. الإجابة عن إستفساراتكم الفنية

[aelmostafa76]

المشاركة الأصلية كتبت بواسطة luckyman علشان يكون الكلام بمطنق ان الانسان لما يتجة للجديد والزيرو انة بريح باله من المستعمل ومشاكله وبيبعد عن المقامرة والمغامرة لان مهما كنت انت انسان او اى شخص محترف فى عالم السيارات فالسيارات المستعمله هى نوع من المغامرة الخ والسيارة الزيرو الانسان بيستثمر امواله فيها وبيشترى معاها راحة البال انما اشوفك حضرتك تحط قائمة بمشاكل لسيارة لازالت جديدة فهنا المقلب الكبير والخازوق كمان انى اروح اشترى معدة كالسيارة بعشرات الالوف وسعرها ليس بالقليل احنا مش بنتكلم عن نظارة شمس من على الرصيف ب 10 جينية لو طلعت بايظة بنزعل عليها محل عربية وفى الاخر نقول بس والله حلوة مش فاهم يعنى اية لو تداركنا العيوب اول باول يعنى ابدا اصلح مشاكل تصنيع ومصنع وخامات لو الموضوع كدة فعلا تبقى كارثة انا عارف وقرات فى الموقع هنا اكتر من مشكله والواضح انها مش حقيقية ومفتعله ولا يمكن تدخل العقل بخمسة تعريفة واحد بابة طار وهو ماشى بالاسبرانزا انا عارف ان دى مواضيع لا اساس لها من الصحة وان كان لها شىء من الصحة فهو اكيد عامل يرجع للمستخدم بس عايز اعرف برضة انتم لية انا بحس كانكم بتسماعونة كلام دعايات شخصية اكتر ما هو واقع يعنى توصل لانى افضل اقرا ان الخامات بايظة والكاوتش متخزن وذات جودة متدينة الخ وافضل ساكت مين السبب اكيد مش اسبرانزا الشركة الام دة يرجع للمصنع المجمع محليا لو كدة فعلا يبقى نصاب وحرامى وفين الجهات الرقابية والمسؤولة لكن اللى انا قراتة جعلنى اشك اكتر لما لانى بخبرتى المتواضعة عرفت ان فى مشاكل زى برنامج حياتى مفتعلة مصممة مسبقا ياريت اللى بيضع اى مشاركة فى المنتدى يتحرى الدقة وكل حاجة تتحط ولك منى خالص الشكر والاحترام

على فكرة يا أستاذ luckyman أنا وضحت في كلامي أن المسألة ما هي إلا قرار يتخذه كل واحد مننا عن طريق معادلة تكون أمامه من طرفين و هما (مكسب / خسارة) و هذا الأمر يختلف من شخص لآخر فمثلا هناك من هم مثلي يمكن لهم ان يتحملوا بعض العيوب البسيطة التي تظهر سريعا في سياراتهم الجديدة _ مع العلم أن سيارتي عمرها معي الآن سنة واحدة فقط _ و هذه العيوب ليست بالخطيرة التي قد تتسبب في كوارث لا قدر الله و ربنا يحفظ الجميع و هذا في مقابل فرق كبير في السعر بين هذه السيارة و مثيلتها في الدرجة في السوق المصري.
فمثلا و انا من ملاك الإسبيرانزا A113 قبل شرائها وجدت أن اقرب السيارات لها في الشبه من حيث الحجم و سعة المحرك هما (الهيونداي I10 الجديدة سعر: تقريبا 64 الف جنيه سعة المحرك: 1100cc) و (الكيا بيكانتو سعر: تقريبا 63 الف جنيه سعة المحرك: 1100cc) فول اوبشنز و لا اذكر انواع غيرهما يمكن ان يكونوا في نفس الدرجة و سعر الإسبيرانزا هو: 52900 جنيه 1300cc فول ابشنز اي ان الفرق تقريبا 10000 جنيه و الإسبيرانزا موتورها اقوى و انا إمكانياتي لا تسمح بأن ادفع هذا الفارق ففي ضوء كل هذه العوامل بالإضافة لحاجتي الضرورية للسيارة اضطررت لأن اغامر و اشتري الإسبيرانزا و اقول اغامر نظرا لأنها كانت تعتبر سيارة جديدة على السوق المصري و و صينية المنشأ و سمعة السيارات الصيني عندنا سيئة ماركتها لها تاريخ ليس بالجيد في مصر (شيري) و اشياء كثيرة كلنا يعرفها و لكن بعد كل هذه الأشياء و بعد شراء السيارة فبالفعل السيارة كانت مظلومة جدا من كلام الناس و لكن بها بعض الأشياء الثانوية التي يتم ضبطها و تسير الأمر بعد ذلك على ما يرام بإذن الله و هذا الأمر ليس عند كل الناس فهو نصيب و رزق من الله ككل شيئ في حياتنا.
هذا فقط للتوضيح كما اني اتفق معك كليا في أن التوكيلات في مصر نصابين و حدث ولا حرج لكن هذه حكمة الله ما لنا يد فيها و ربنا يكفينا شرهم.
و شكرا

[luckyman]

انا شخصيا ناوى ومقرر ان شاء اجيب فى بيتى الاسبرانزا a113لانها سيارة اقتصادية وعملية وامكانيات مع الجودة والسعر فيما يعرف بالقيمة هى صفقة ذكية للغالية بس دة لو الاسبرانزا دى صينية مش تجميع محلى اشكرك على سعة صدرك ولك منى كل الشكر والاحترم ودمت بود

[أبو أحمد]

السلام عليكم ورحمة الله وبركاته
أحب أشكر المهندس أيمن على مجهوده الرائع فى الرد على الاستفسارات وان كان بعض الردود مش مقنعة لبعض المستخدمين.
أنا لي سؤال أنا عاوز أجيب 516 أجيب ولا لأ
العربية امكتنياتها واتساعها عاجبنى بس المشاكل بتاعة الدينامو والعفشة والفتيس وحاجات كتيرة مش عارف دى عيوب ثابتة لا يمكن تلافيها ولا دى أقدار .
آسف للإطالة بس أنا زى معظم الشعب معايا فلوس على الأد ومش عاوز أرميها فى البحر.

[fineart607]

المشاركة الأصلية كتبت بواسطة monytork الحمد لله انة تم تغيرها ولم يقولو سؤ استخدام بس والله العربية كويسة بس فيها بعض العيوب الصغيرة الى بتضايق

سوء استخدام الله يسامحك ده مفيش حد بيحافظ على العربيه زى
وبعدين ده دليل ان دى ماكينه اى كلام وعلى فكره انا بقى كان نفسى يقولوا سوء استخدام علشان
..........؟
مش كفايه الى حصل لينا من وره العربيه دى والى لسه هيحصل يا رب سلم

[fineart607]

المشاركة الأصلية كتبت بواسطة monytork تاكل الكاوتش من الداخل بسبب عدم ظبط زوايا العجل الخلفى ولن يتم تغيرها على الضمان لان هيعتبر من ضمن سوء الاستخدام ( المطبات ) + كل انواع الكاوتش الموجودة فى السيارة لا يوجد عليها ضمان

كاوتش الشكمان وقواعد الماتور عليه ضمان 12 شهر