كل الرجالة اللي في المنتدي تدخل ضروري - سواقة ستات

[mansoub504]

المشاركة الأصلية كتبت بواسطة corsair ليه يا عم منسوب هوه انا عملتلك حاجه ما انا كافي خيري شري ptmnlo123per1106 هههههههههههههههههههههه

يا باشا انت تعليقاتك مميزه ومفيش موضوع بيعدي عليك والله انا داخل الموضوع اول ماقيرته قلت ادور علي تعليقك
بس والله محبه

[Ahmed_lol2007]

هههههههههههههههههه
ماشى يا عم كروزر محدش قدك

[HaMaDa-ToUBaR]

والله يا جماعة الموضوع بقى كبير ... كبير اوى
بس هو احنا لازم نعترف بحاجة فى انسان عندة القدرة انة يسوق او لاء سواء ذكر او انثى
زى بالضبط فى رجالة متستحملش تشوف دم او تشوف فرخة بتندبح دة غير فى واحد صاحبى بيترعب لما يركب عربية وعمرة ما هيتعلم السواقة ورافض الفكرة تمام
لكن علشان الامور تكون صح ومضبوطة يبقى لازم نعمل كل حاجة صح وعلى اساس جامد
معلش انا مينفعش انتظر من اختى او من والدتى او من جيرل فريند (مفيش طبعا) او من خطيبتى (لسة بدرى) انها تسوق عشرة على عشرة وميت فل وهى مش واخدة حقها فى تعليم السواقة
بس علموهم وعلموهم صح هيبقوا ميت فل وعشرة لو كل ولد علم البنت المسؤلة منة سواء كانت اختة بقى ولا العفريتة حتى علمها بتأنى وعرفها كل حاجة وفضل معاها خطوة بخطوة لحد ما بتأكد انها بقت تمام هتبقى اية المشكلة
وقتها كل واحد هيقدر يحم اذا كانت تصلح او لا
انا مثلا على سبيل المثال للاسف الولد الوحيد فى عيلتى كلها الباقين كلهم بنات المهم حبوا يتعلموا السواقة وكدة قدمتلهم فى مدرسة وطلعوا الرخصة بس كل دة ولسة مفيش لا يفقهو شىء عن السواقة يا دوبك يحركوا العربية وخلاص وشكرا
بدات بقى اعلمهم السواقة واحدة واحدة اخدتهم بالعربية وروحنا منطقة عمل تبع والدى كلها طرق مرصوفة لكن مفهاش بشر ولا عربيات سيبتهم يسوقوا براحتهم علشان يعرفوا ازاى يتمكنوا من العربية وانا اعد جمبهم اقولهم تعليقاتى واحد واحد لحد ما بقوا تمام فى العربية وتعاملهم معاهم
دخلنا ع المرحلة الى بعديها مشينا بالعربية جوة البلد بس باليل متأخر اوى يعنى فى حركة بس خفيفة واصبح فى تعامل بردة مع مطبات
كلهم عدوها ما عدا واحدة وهى بمجرد ما شافت عربية كارو مبقتش عارفة هى بتدوس على اية بنزين ولا فرمل ولا دبرياج والحمد الله الدنيا اتحلقت بالهاند بريك هى كدة على طول معندهاش الجرأءة انها تتعامل مع الطريق
وهى من نفسها مرضتش تتعلم تانى لكن الباقين هم ما شاء الله عليهم بيسوقوا دلوقتى حلو اوى
لية؟........ علشان انا اعدت معاهم وفهمتهم كل الى محتاجين يفهموة وركبت جمبهم وهما ماشين واقولهم يعملو كذا وكذا
وفى الحالة دى يتصرفوا ازاى وكدة بس من غير ما اتدخل اسيبها هى تتعامل احاول اخليها تكسب الثقة فى نفسها انها تقدر
فبصراحة انا شايف ان اى واحد عندة اخت ولا غيرها يعلمها السواقة من نفسة احسن ما تتعلم من برة لان اكيد محدش هيعلمها صح ويخاف عليها قدك

[HaMaDa-ToUBaR]

اة وعلى فكرة بردة بالنسبة لموضوع المعاكسة دة فانا من رائى ان احسن رد ع الى بيعاكس
ان البنت تتجاهلة تماما ومتبصولش حتى لانة اكيد ميستاهلش حتى نظرة احتقار
وعلى فكرة هو كدة هيتجنن وهيخبط دماغة فى الحيط لكن لما البنت تتضايق او تتنرفزا او تبين انها اتأثرت بالمعاكسة
فدى حاجة هتبسطة انة وصل البنت للمرحلة دى انة ضايقها وخلاص
اهم حاجة بجد فى السواقة الاعصاب الهادية والبررووود والخاصية دى غير متوفرة عندى لحد دلوقتى بس بحاول بجد اوفرها لانى عصبى جدا ودة طبع وحش ومقرف جدا وبيوقع الواحد فى مشاكل كتير

المشاركة الأصلية كتبت بواسطة mansoub504 يا باشا انت تعليقاتك مميزه ومفيش موضوع بيعدي عليك والله انا داخل الموضوع اول ماقيرته قلت ادور علي تعليقك بس والله محبه

ربنا يخليك يا برنجي والله انتا انسان زوق وربنا يديم المحبة وتقبل تحياتي