ارشيف الاستراحة 2009

[AbOnOrA]

ياه ده انا مش عاجبنى فى نفسى حاجات كتير اوى

اكتر حاجة المواعيد

مواعيدى وحشة جداً ممكن اديك ميعاد انهارده الساعة 7 واجيلك بعديها باسبوع الساعة 10 بليل ptmnlo123per154

وده طبعاً بيزعل ناس كتير منى على المستوى الشخصى او الاجتماعى وعلى مستوى الشغل كمان

ده بالاضافة برضو لمشاكل العصبية والاسراف وعدم ممارسة الرياضة بشكل دائم

شكراً على فكره الموضوع يا هندسة ptmnlo123per122

واهلا بيك فى مصر موتورز نورت المنتدى ptmnlo123per171

[Dr. Bolbolan]

كتيييييييييير !! ptmnlo123per1106


أولا شرب السجاير عمال على بطال رغم علمى بأضرارها بالنسبة لى شخصيآ بغض النظر عن أضرارها العامه !

ثانيا - أحب الناس تعاملنى كما أعاملهم وهذا ما لا يحدث غالبآ !

ثالثا- عدم اهتمامى بنفسى تمامآ رغم الاهتمام الزائد بأسرتى !

رابع- بتفوت منى بعض الصلوات رغم انى يالا حسن الختام !

خامسآ- أحيانا كثيره أتطوع لخدمة الآخرين رغم أن ذلك غير مطلوب فى أحيان كثيره !

سادسا - أتجنن جدآ من الانسان الندل و أقكر كثيرآ كيف أخلص عليه !

سابعآ - اذا زعلت قوى من موقف ما - ممكن ما أنامش 3 أيام ورا بعضهم من التفكير فى الموقف !

ثامنآ - أتكلم كثيرآ بصراحه زائده ربما مع أناس ليس من المفروض أن أتكلم معهم أساسا !

( مره واحد فى موقع شغل كل الناس اللى فيه كانوا جداد على وبعد أسبوعين واحد سألنى ايه رأيك )

( فى فلان ؟ فقلت رأيى فيه بصراحه و طبعآ ماكانش حلو قوى ! طلع أخوه مع ان الآسماء مختلفه تمامآ )

( لسابع جد ! بس طلع أخوه من الآم !! ) !

وطبعآ فيه حاجات كتيره كمان بس كفايه كده ( ان الله حليم ستار ) .


Dr. Bolbolan ptmnlo123per1106

[mokhtar872000]

المشاركة الأصلية كتبت بواسطة Bolbolan أحب الناس تعاملنى كما أعاملهم وهذا ما لا يحدث غالبآ ! بتفوت منى بعض الصلوات أحيانا كثيره أتطوع لخدمة الآخرين رغم أن ذلك غير مطلوب فى أحيان كثيره ! اذا زعلت قوى من موقف ما - ممكن ما أنامش 3 أيام ورا بعضهم من التفكير فى الموقف ! أتكلم كثيرآ بصراحه زائده ربما مع أناس ليس من المفروض أن أتكلم معهم أساسا !

سبحان الله والله ياباشا الحاجات دى اللى فيك فيا بالزبط + العصبيه الشديده اللى بتخلينى ماشوفش قدامى ومؤخرا سببتلى متاعب صحيه مع انى مش اى حاجه تعصبنى لما مثلا اكون بتكلم مع حد فى موضوع مهم او هو اللى سالنى ومالاقيهوش معايا ده طبعا غير مواقف الغباوه احيانا من الاخرين بتموتنى

مش قريب من ربنا وايمانى ضعيف بمنتهى الصراحه واتمنى العكس

لما افكر فى موضوع مهم يشغلنى اجيب كل الاحتمالات وخاصه الاسوأ وتبقى ليله سوده عليا

ptmnlo123per1106

[eng.octooo]

اتصدق نفس الحاجات اللى فيا بالظبط و الله ...... برده عايز اخس عصبى جدا جدا مع الرغم برده انى طيب و ممكن اعمل المشكله و المصيبه و بعد ما اخد حقى ارجع انا اللى اقول حصل خير و مش عايز حاجه مسرف جدا برده بس معظم الأسراف على ال take away علشان بحب اكل الشارع مع ان مراتى بتطبخ تحفه . بس بزود على كلامك انى نمكى جدا .... بمعنى انى ماقدرش يبقى فيه حاجه بايظه فى البيت مثلا و ماتتصلحش يوم ما تبوظ حتى لو كان اخر مليم فى جيبى هو تمن تصليحها بس لازم اصلحها ..... و بنفس الموضوع فى العربيه يعنى انا مثلا اتحكيت يوم الخميس حكه بايخه كنت مصلحها فى نفس اليوم و راشش البطانه و تانى يوم رشيت الحته المحكوكه و لمعت العربيه كلها علشان حته 15 سم فى 10 سم بس انا بشوف ان النمكيه دى كويسه مش وحشه ... بس الباقى بقى مالوش حل (التخن - الأسراف- العصبيه )

طيب كويس طلعنا بصرة

[eng.octooo]

ياه ده انا مش عاجبنى فى نفسى حاجات كتير اوى اكتر حاجة المواعيد مواعيدى وحشة جداً ممكن اديك ميعاد انهارده الساعة 7 واجيلك بعديها باسبوع الساعة 10 بليل ptmnlo123per154 وده طبعاً بيزعل ناس كتير منى على المستوى الشخصى او الاجتماعى وعلى مستوى الشغل كمان ده بالاضافة برضو لمشاكل العصبية والاسراف وعدم ممارسة الرياضة بشكل دائم شكراً على فكره الموضوع يا هندسة ptmnlo123per122 واهلا بيك فى مصر موتورز نورت المنتدى ptmnlo123per171

شكرا على شجاعتك ومواعيدك المضبوطة