استفسار في التقسيط 2009

[برنسيسة]

المشاركة الأصلية كتبت بواسطة saif el din حضرتك ممكن تدفعى 17500 فى كيا بكانتوا ممكن زوج حضرتك يكون ضامن ليكى فكرى وانا تحت امر حضرتك

الامر للة

وبعدين انا بقلك انا موظفة تقلي زوج حضرتي !!!

افرض انا مش متجوزة مثلا اعمل اية اتجوز الاول عشان اشتري عربية !!!


هي وظيفتي مش تعتبر اكبر ضامن او والدتي مثلا

[Saif eldien]

حضرتك اقولك على شى بسيط جدا
وضيفة حضرتك كفاية بس انا اشرح ليكى لما انتى مرتبك 1800 وعيزة تجيبى عربية وقسطك فيها 1290 يبقى ازاى هتكملى معايش حضرتك دة ال بيتم دراستة فى حالات التقسيط
علشان كدة لازم نجد من يقوم بضمان حضرتك لان المرتب مش كبير
ملحوظة انا بوضح لحضرتك ودة انظمة عندى زى عند غيرى وانا بكلم حضرتك فى واقع مش كلام اعلانات وميتنفش

[hamdymsr]

هقول لحضرتك على نصيحة ... يعنى هقولك على زتونة الموضوع ... استاذ سيف بصراحة رشحلك عربية اكتر من ممتازة البيكانتوا عربية محترمة وزى الفل وكمان الوكيل بتاعها كويس جدا ... انا مش معايا اسبرانزا 113 بس بقول لحضرتك نصيحةلوجة الله... لو حجم العربية مش هيفرق معاكى توكلى على الله وهاتى البيكانتوا بصراحة عربية احسن بكتير وتوكيل برضوا احسن من ابو الفتوح بكتيررررررررررررررررررر .... وحضرتك لو مش عايزا حد ضامن يبقى لازم تدفعى 40 % او 50 % من تمن العربية وتاخديها بصورة البطاقة انا جبت عربيتى بنفس الطريقة

[برنسيسة]

المشاركة الأصلية كتبت بواسطة saif el din حضرتك اقولك على شى بسيط جدا وضيفة حضرتك كفاية بس انا اشرح ليكى لما انتى مرتبك 1800 وعيزة تجيبى عربية وقسطك فيها 1290 يبقى ازاى هتكملى معايش حضرتك دة ال بيتم دراستة فى حالات التقسيط علشان كدة لازم نجد من يقوم بضمان حضرتك لان المرتب مش كبير ملحوظة انا بوضح لحضرتك ودة انظمة عندى زى عند غيرى وانا بكلم حضرتك فى واقع مش كلام اعلانات وميتنفش

انا اعرف ان الراتب لازم يكون معدي القسط ودة متوفر

طيب انا عندي دخل تاني عندي محلات وعقار ملك لوالدتي اقوم انا بالاستفادة منها مع اخوتي مما يوفر لي دخل شهري 3500 او اكثر قليلا

يعني كدة لازم

مفردات + ضامن ( الوالدةاو الزوج ) والزوج بالخارج والوالدة غير موظفة

او ضامن فقط

او مفردات ومستندات الملكية

او مستندات الملكية فقط


بصراحة انا اتلخبطت جداااااا

ولا رايك بلاش خالص

لحد موفر نص تمن العربية واشتريها بلا ضامن زي ما استاذ حمدي قال

انا راسي لفت خلاص

[حازم شاهين]

أسعار سيارات أتوماتيك زيرو
سبارك 66500
بيكانتو 69900
هيونداى I10
71900