ارشيف الاستراحة 2011

[Devill Blood]

المشاركة الأصلية كتبت بواسطة pointer زمان لما كانت الدنيا فضي كان مكن دلوقتي الواحد بيجيب 50 بالعلفيه بس قول لي قطع ايه هو اساسا بيخرم لا اما ماسوره الباكم لا اما خرطوم الباكم كل لما تفرمل بنزل باكم لاغابه ما تانك الباكم يخلص و تلبس يا جميل ايام بقي وراحت لحالها

الله ماعرف كل اللى اعرفه إنى خدها للعفشجى وده الكلام اللى قاله
هى كانت 128

[khaled seoudy]

بص يا سيدي الوهابية دي نسبة لمحمد ابن عبدالوهاب و دي نشأت كجماعة من حوالي 150 - 200 سنة كدة مش فاكر التاريخ بالظبط
الوهابية حاليا متقدرش تسميها جماعة انما ممكن تقول توجه فكري لأن الوهابيين مش مرتبطين ببعض بقيادة ولا منظمين في تنظيم او حركة
هما عامة الاغلبية العظمى منهم في السعودية اللي هي مكان بداية القصة دي
هما توجهتهم سلفية جدا و ومتفقين في كل شيىء تقريبا مع السلفيين اللي عندنا في مصر معادا انهم استعملو العنف ضد المسلمين في نشر دعوتهم في بدايتها و كفرو من لا يتبع منهجهم و اعتبرو نفسهم الفئة الوحيدة الناجية من النار من المسلمين ومن عقيدة الجماعة الوهابية تكفير من يقول يا محمد وتكفير من يزور قبور الأنبياء والأولياء للتبرك وتكفير من يتمسح بالقبر للتبرك وتكفير من يعلق على صدره حرزاً فيه قرءان وذكر الله ويجعلون ذلك كعبادة الصنم والوثن و يعاب عليهم كثرة التكفير
علماء السنة والجماعة معظمهم اتفق على ان الوهابية هي فكر غير سوي و انها اعادة بعث لفتنة الخوارج و بعضهم ذهب الى تكفير الوهابيين و في ردود كتير عليهم منهم رد الشيخ الشعراوي
في حين ان الوهابيين بيقولو انهم هم اهل السنة الصحيحة و انهم سلفيين
الاسرة الحاكمة في السعودية هم وهابيين و كتير من اهل المملكة وهابيين عشان كدة مثلا بتلاقي السعودية هي البلد الوحيدة اللي بتمنع الست تسوق مع ان دا مش من الاسلام و عندهم جماعة الامر بالمعروف والنهي عن المنكر اللي بتطبق الدين بالعافية في الشارع بما في ذلك فرض صلاة الحماعة على كل الرجال اللي في الشارع و دا بردو مش من الدين ( حوار الصلاة دا مش في كل الأماكن ) و السعودية هي من اعتى الدكتاتوريات في الشرق الاوسط لأن الاسرة الحاكمة في تحكم بصفة الخلافة يعني ما فيش دستور و كلامهم هو الدستور ( ما لم يخالف نص من القرآن او السنة ) و دا غير التعذيب و قمع المعارضين

عامة نرجع لي مصر
مصر تقريبا مفهاش وهابية و اقرب الحماعات المصرية للفكر الوهابي هم أنصار السنة المحمدية و دول بردو مش كتير

من عيوب التيارات السلفية بشكل عام ( والتيارات السلفية كتير جدا ) انهم بياخدو ب منطوق النص دون النظر الى مقاصد الشريعة و متطلبات تنفيذ النصوص و التفسيرات المختلفة ليها

انا دا اللي اقدر افيدك بيه و يا ريت يكون افاد حضرتك فعلا

[طارق ابوذيد]

بسم الله الرحمن الرحيم . اولا اشكرك على هذه المعلومات ثانيا الوهابين موجودين بالفعل فى مصر ومعترف بيهم بحكم محكمه فلو فى معلومات اكثر ياريت الافاده بارك الله فيك .

[MmFFoR]

يا شيخ طارق معترف بيهم ايه في اي محكمة؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
سيادتك قصدك البهائية؟

[طارق ابوذيد]

اسف اسف اسف كلام حضرتك حقيقى جلا ملا يسهو فعلا هم البهائيون المعترف بيهم فى مصر بحكم محكمه وشكرا على التوضيح بارك الله فيك .