#646
|
رد: أدب الرحلات
يادى الجواز طيب اشد حيلى الاول واوعى تقول لها انى 45 سنة قول 35 شكلى يركب عليه السن ده
|
#647
|
||||
|
||||
رد: أدب الرحلات
لا ماتقلقش ما قولتش حاجة وهى من عندكم فى القاهرة وعندها 32 ودكتورة واى تفاصيل تانية انا تحت امرك ياعم خالد
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
#648
|
رد: أدب الرحلات
زنقة الستات
فى يوم كنت رايح لزبون واتصلت بيه انت فين فى المنشية انزل المنشية واسال عليك ؟؟؟ ضحك وقال / لا طبعا روح زنقة الستات واسأ ل على جامع الخراطين ماشى وركبت ميكروباس بحرى من امام محطة القطار(منطقة فى اسكندرية بها سوق كبير للسمك) نزلنى المنشية القديمة ولا الجديدة هو فى قديمة وجديدة؟؟ اه اللى فيها زنقة الستات تبقى الجديدة عند فندق آمون تسلم ياعم الاسطى ونزلت وسألت فين الزنقة شاورو عليها ودخلت عبارة عن مجموعة ممرات ضيقة جدا لاتتسع الا لشخص متوسط الحجم يسير ببطء شديـيــــــــــــــــــــ ـــــــد جدااااااااااااااا وذلك لسببين الاول /لان اللى ماشيين فيه يسيرون بسرعة تقريبا ربع كيلو فى السنة (دى مش غلطةفى الكتابة ده بجد ) ثانيا / لضيق الممرجدا وبالتالى لايمكن تخطى من هم امامك وزنقة الستات متخصصة فى كل شىء متعلق بالسيدات والبنات من الاكسسوارت الحريمى للستائر للعطور للانجيرى للذهب لانك تخرج منها على شارع فرنسا وهو معقل الذهب فى الاسكندرية مثل الصاغة فى القاهرة واول مرة امشى فى الشارع (الزنقة ) غشيم طبعا مش فاهم الاقى نفسى وقعت ترابيزة عليها بضاعة / خبطت فى فاترينة / لكن الاسوأ كنت افتح الخطوة بسرعتى فى المشى فأخبط فى واحدة ست مش تفتح انا اسف وامشى تانى فاخبط فى اخرى ايه قلة الذوق دى انا اسف وهنا وقـفـت ثوانى معدودة (مينفعش تقف اكتر من كده لان اللى وراك هيشخط فيك علشان تتحرك) ولمحت الطريق بسرعة وفهمت الستات والبنات بيمشو على مهلهم جداااااااااااااااااااا لانهم بيتفرجو على البضاعة طبعا واللى عايز يجرى طبعا يشوف حتة تانية وفضلت ماشى ولا المزنوق بعربية فى طريق المرور فيه واقف وفيـــــــــــــــــــن وصلت مسجد الخراطين وهى مسافة لاتزيد عن 300 متر مشيتها فى تلت ساعة تقريبا ووصلت للراجل وكأنى كنت فى حالة حرب وضحك وقال لما تبقى جاى ابقى انزل عند فندق أمون وادخل فى وشك فى الشارع اللى فيه سوق الخضار وعند بتوع الفضه ادخل يمين هتلاقى نفسك عندى بدل الوش ده وصحيح الشارع التانى هيصة وزحمة ومولد لكن اهو الواحد بياخد راحته فى المشى من ألذ مواقف زنقة الستات مرة حبيت اخرج على شارع فرنسا من ورا على سوق الخيط ووقعت فى دهاليز زنقة الستات وبقيت الف حوالين نفسى اكتر من ساعة وغيرت الطريق كذا مرة وفى كل مرة ارجع نفس المكان اللى كنت فيه ووقفت افكر كده فى غلطة معينة بتحصل بتخلينى ارجع نفس المكان لكن محدش ادانى فرصة اكمل وزقونى واتخانقو معايا واضطريت بعد معاناة فى الاسئلة لان كلهم تجار وبينافسو بعض وانا عايز سوق الخيط واسئلة من ماركة رايح لمين وعايز ايه وشوف اللى انت عايزه ولما يلقانى مصر(بضم الميم) اروح سوق الخيط وبس منهم اللى يتوهنى ومنهم اللى يوصف وصفة شكلها حلو ويتضح انه بيتوهنى برضه واتصلت بالراجل اللى كنت عنده جه اخدنى وخرجنى بره لكنه مااااااااااااات على روحه من الضحك وأما الموقف الثانى ده كوميدى بجد واحد قريبى /انت فين ياخلود انا فى المنشية 5 دقايق اكون عندك ماشى وقابلته وكان عايز يشترى ملابس واكسسوارات للاولاد من الزنقة بكام دى البائعة وكانت بنت ضخمة الجثة شكلها من أكلة لحوم البشر وشريرة / ب10 جني (جنيه) خمسة بس فأنا استعجبت من 10 الى 5 ؟؟ وفوجئت بيها بتزعق فيه / انت اتجننت ياراجل انت هات معندناش جتكو البلاوى وراحت ناتشة منه الحاجة (مش فاكرها اعتقد طاقية بناتى ام استك)ورمتها وهو سمع كلمة جتكو البلاو ى والعرق الصعيدى حضر فقال / والله لولا انك مرة ( أمرأة ) كنت وريتك شغلك فردت بوقاحة / يالا ياراجل انت امشى من هنا غور فى داهية وصاحبنا راح زاقـق الفاترينة اللى واقفة وراها قلبها هيا والفاترينة على الارض وكانت معركة خلصت بالعافية نظرا لتمسكة بأخذ حقة من هذه البنت اللى مش متربية ومن صاحب المحل اللى مش عارف يحكم موظفينه وبعدما خرجنا بقول له / الفصال مش كده تنزل النص مرة واحدة فضحك وقال /المدام قالت لى بتوع الزنقة دول حرامية وفى الصيف بيزودو الحاجة للضعف فاللى يقول لك سعر قل له نصه على طول قلت الله يسامحك انت والمدام يعنى نصايح المدام تعطلنا 3 ساعات ومعركة حامية وضحكنا ومشينا وبصراحة انا نفسى افهم زنقة الستات دى كانت ايه قبل المحلات دى كلها اكيد حاجة ضد القانون زى الباطنية كده التعديل الأخير تم بواسطة خالدخليفة ; 04-09-2010 الساعة 04:50 AM |
#649
|
||||
|
||||
رد: أدب الرحلات
ههههههههههههههههه
ادى اخرة اللى يمشى وراء كلام الستات يودوة فى داهية تاريخ زنقة الستات يعود تاريخه إلى أوائل القرن الماضي، حيث كان التجار في المغرب العربى وليبيا يتمركزون في حي المنشية عند مجيئهم لبيع متجاتهم داخل مصر وهكذا أقيم السوق. كان يسمى هذا السوق في البداية باسم "سوق المغاربة" الذي كانت تحيط به الأسواق القديمة ومنها سوق الصاغة، وسوق الخيط الذي ما زال يبيع أفضل أنواع القماش.
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 06-11-2010 الساعة 06:17 PM |
#650
|
رد: أدب الرحلات
حمد الله على سلامتك استاذ خالد وعافاك الله ومتحولش تجهد نفسك بالكتابه
مواقف زنقه الستات جميله جدا بس موضوع الفصال دة بيبقى صعب اوى
__________________
اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله |
|
|