ممكن تنتخب طنطاوي .... بس من غير نرفزه

[azzat 55]

لأ طبعاً مش هنتخبه لأنه ببساطه مش هيرشح نفسه

[b A d R]

بكل تأكيد مش هنتخبه

لأن بالعقل كدا احنا ليه كنا بنقول علي انتخابات مبارك و مجلس الشعب مزورة لأنها كانت في ايد رجالة مبارك و كان بيزورها لصالح الحزب
طيب ليه كنا رافضين جمال رئيس .. لأنه لما يرشح نفسه ابوه كان هيزورله الأنتخابات لأن الصناديق و زمام الأمور في اديهم
و بالتالي طنطاوي مينفعش يترشح اصلا للرئاسة لأنه هيخلي رجالته يزوروله الأنتخابات .. و بعدين هو بيقود الفترة الأنتقالية اللي مبارك كلفه بيها .. فإذا كنت انا رافض وجود طنطاوي علي رأس السلطة في مصر في الوقت الحالي لمجرد إنه مكلف من مبارك اللي انا رافضه شكلا و موضوعاً .. اكيد هبقي رافضه برضه انه يكون رئيس لمصر .. لو هو راجل بقي بجد يتفضل يسلم مصر لمدني و يعمل انتخابات نزيهة و اللأنتخابات القادمة اللي هتبقي في 2016 يتفضل يرشح نفسه و يورينا قوته علي الساحة السياسية

دا بعيد بقي عن ان العسكريين لا يفهوا شئ الأ في ساحات الحروب .. عبد الناصر كان عسكري شاطر لكنه سياسي غبي
و السادات كان عسكري ممتاز لكنه رئيس خلق في مصر الطبقية و الرأسمالية و رجع الأقطاعيين و عرفنا علي ايده معني المعتقلات و ادوات التعذيب
و مبارك علي عينك يا تاجر كلبو ابن كلب مش محتاج اتكلم عنه

كفايانا عساكر بقي .. كفاااااااااااية

[خالدصالح]

لا من غير نرفزة

احنا شبعنا من حكم العسكر كفااااااااااااااااااااااا اية

[lost2008]

المشاركة الأصلية كتبت بواسطة تامر ديزل بصراحه نزول طنطاوي كان مستفز ومنرفز الناس العاديه زي ما شفنا بعد كده في المشاركات وفي نتيجة الاستطلاع ومتهيألي العنوان كان مناسب وهدفه اننا نناقش فكره او بالونة الاختبار اللي عملهالنا طنطاوي بس من غير ما نتنرفزوالعنوان جه معايا كده حسب مضمون فكرة الاستطلاع .. انما لما عملت موضوع البرادعي كان السبب هوا حواره على قناة الحياه بعد احاث ماسبيرو وكان باين عليه انه متوقع لنفسه تليفون بين لحظه والتانيه لتولي الوزاره مكان عصام شرف او على الاقل بيقدم نفسه من خلال الحوار ده على انه بديل كويس وياللا يا مجلس يا عسكري خدني رئيس وزرا وانا احل لك كل المشاكل .... فطلع العنوان ده على فكره انا مستمتع بمشاركاتك وبالحوار معاك لان مش لازم الحوار يبقى بين اتنين متفقين هيبقى مالوش معنى مجرد تطمين ان افكارهم واحده لكن لما بيكون الحوار بين اتنين مختلفين في الراي بيكون افيد بكتير لان الشئ لا يتضح الا بضده

نختلف ماشى, بس ابعد التريلا ديه عن فيرنتى وشكرا لسعة صدرك

[د.كمال]

لأ مش هنتخبه .............عشان جاب زيت من زمان