مقارنة بين ميسوبيشي لانسر 2010 (الشكل القديم) وبين كيا سيراتو

[حازم العطيفى]

المشاركة الأصلية كتبت بواسطة medo akef ولله يا جماعه محبي السياراتو هيخش يقول مفيش فرق الكوري زي اليباني و دي عقده عند المصريين بس و محبي اليباني و ملاك لانسر هيخشو يقولو لا طبعا انا يباني بردو و عربيه اثبتت وجود 7 سنين و لسه بينزل منها زيرو و بيتباع و انا طبعا من ملك لانسر و انتيمي من ملك سيراتو و الجدال دا ديما بنا انا اقول له يا كوري يا حقير و هو يقول لك بردو احسن منك و يعد يعدلي الرفاهيه الي فيها بس طبعا انا اقنعته ان لانسر افضل كسياره كامله و بقينا عادي بقا ربنا يبارك لكل واحد في عربيته بس طبعا السياراتو مقلب زيها زي الانترا و الي ماشي علي طريق ديما هيعرف يعني ايه ثبات و يعني ايه امان و يعني ايه راحه و كل دول طبعا في لانسر افضل من سياراتو و انا الحقيقه كنت في فرنا امبارح و عرفت اني في نعمه ملفات بخدها انا علي 150 و عادي خالص بنخدها علي 100 بنحس ان العربيه رفعت من علي الارض دا لومكنتشي رفعت اصلا و فرامل زباله و عند 140 بحس ان العربيه اعده ترقص علي الطريق كانت فلم رعب الحقيقه انا عارف ان السيراتو حاجه تنيا طبعا لكن هم من نفس العائله و الي يعمل بيت من زجاج و يسكن فيه الناس لما يعمل بيت من طوب اكيد هيكون مضروب و الحقيقه انا لا احترم اي شركه كوريه لانهم لا يحترمو ولا يحافظو علي ارواح عملائهم

كلام صحيح 100 فى ال 100

[emadnd]

صدقوني لو قلتلكم ان مشيت بسرعة 180 كم بالانسر بوما 2008 علي طريق القطامية العين السخنة والعربيه كانت ثابتة وكويسه وكانت للتجربه فقط
مش بنصح اي شخص بالسرعة العاليه مهما كانت العربيه اللي معاه

[evelution_eg]

علي فكره انا عندي العربيتين
اللانسر او المتسيوبيشي عربيه بمعني الكلمه ثبات وماتور وكماليات ويباني
يباني يباني
السيراتو شكل بس البيع الي بيتم في السيراتو علي انها مانور كوري النترا والعفشه النترا بس دا مش صحيح
الناس احجموا عن شراء اللانسر علشان ان الشكل متغيرش
علي فكره السيراتو القديمه انعم واقيم
بس شكل الجديده احسن
الثبات في اللانسر اعلي بكتير والتعليق في اللانسر اعلي بكتير
ودا التعليق اللي مخلي النشفان اللي في العفشه (التعليق الخلفي) رابط العجلتين الخلفيتين مع بعض شوف التخلف الثبات اقل في السرعات العاليه
اخيرا الناس تغفل انها فيه منظمومه بين الهورس باور والتروك الاوكتافيا عربيه قويه اقوي السيارات متانه واداء 105 هورس باور بس تروك عالي وده ميزه
نرجع لموضوعنا بكل المقاييس اليباني اللانسر اقوي في
1- العفشه
2-قطع الغيار
3-الاداءو الثبات
السيراتو تتفوق من حيث المساحه والشكل والمقصوره بس الشكل لما يثبت مثل اللانسر هتلاقي الناس بعدت عنها
ثانيا العربيه اللي تنل بموديلات وامكانيات كتير تكون علي حساب السياره
مثلا الفرق بين السيراتو والكروز والماذدا 3
انا لقوللك كلهم ذباله بس السيراتو كماليات وارخص في قطع الغيار علشان كدا بتتباع ومنتشره
علي فكره قطع غيار اللانسر ارخص بمراحل من السيراتو
السيراتو واقعه في البيع تخسر كتيير
ارجو اني مااكون طولت عليكوا

[MITSUBISHI MAN]

المشاركة الأصلية كتبت بواسطة m_o_sakr بغض النظر عن عقده اليابانى و الكورى لدى البعض انا شايف ان السيراتو احسن كتير من لانسر شكل قديم (بوما) موتور السيراتو افضل 124حصان و 156نيوتن.متر و موتور لانسر 106حصان و 139نيوتن.متر لا يا باشا اللانسر 121 حصان مش 106 وبعدين سيبك من الكلام النظري ... عن تجربة اللانسر سحبها أقوى بكتير خاصة مع التكييف أنا بركب لانسر وبشد بيها مع أخويا بيكون الار بي ام بتاعه على 6 وعربيته بتصرخ وانا الار بي ام بتاعي لسه على 4 وبعديه ثبات السيراتو افضل كتير جداً (عن عدة تجارب) سوري بقه ... الكلام ده مش مظبوط وانا واحد صاحب كان معاه سيراتو غيرها وجاب كروز علشان موضوع الثبات ده لان السيراتو ثباتها على السرعات العالية مش حلو خالص شكلاً السيراتو احلى كتير (ازواق) علشان شكلها لسه جديد .. اللانسر شكلها بينزل من سنه 2004 يعني 7 سنين الناس زهقت منه ... وكلها كام يوم والسيراتو بردو الناس تزهق منها وهي في الاول والاخر ازواق السيراتو اوسع و عزلها افضل دي بردو مش مظبوطة ... السيراتو اصغر من اللانسر وده بيبان حتى من منظرها الخارجي مش بس من جوه وعزلها لا يقارن باللانسر واقل زلطة بتخبط في العربية من تحت بسمع صوتها في الصالون وبحس بيها ده غير اني ببقى راكبها وحاسس بخشونه الاسفلت تحتي غير اللانسر خالص السيراتو عوامل امان اكتر abs,ebd, 2 airbags لانسر فيها abs,airbags كل اللي انت قولتو ده في لانسر سواء ABS أو EBD أو اتنين اير باج ضيف عليهم ان صاجها امتن وثباتها أعلى السيراتو كماليات اكتر كتير و سعر اقل كل كماليات السيراتو موجوده في اللانسر السوبر أكشن .... يمكن فرق السعر في صالح السيراتو بس في مقابل جودتها أقل من اللانسر كتير السيراتو بدأت فى الإنتشار بكثره و ده حيخلى سعر اعادة البيع ممتاز و توافر قطع الغيار بالتوكيل و خارج التوكيل بأسعار اقل لو نزلت السوق سألت عن أسعار قطع غيار الاتنين هتلاقي اللانسر أقل كتير ده غير انها ماسكه سعر كويس جدا في السوق وعربية محبوبة جدا موضوع الجوده بتاعت الخامات الداخليه لو السيراتو ex او sx مفيش مشكله خالص و افخم من لانسر كمان تؤ تؤ تؤ ... اركب اللانسر السوبر اكشن وشوف التابلوه الأبنوس وخبط عالتبلوه وشوفه عامل ازاي مش زي البلاستيك بتاع السيراتو ... عندك في اللانسر فرش جلد وطارة جلد وفتيس وهاند بريك جلد خامات ايه بس كفاية مقبض الباب بتاع السيراتو اللي بحسه هيتكسر في ايدي خبط على صاج العربية من بره وحس بالفرق ..... مفيش مقارنه بجد و الى بيقول يابانى و بيعيش و يعمر و الكورى عمره قصير يبص على الكورى الى ماشى فى البلد من 15 سنه و شغال زى الفل و اكيد كمان الصناعه الكورى اتقدمت فى ال 15 سنه دول ( يعنى العربيات حتعمر اكتر كمان) طيب بص على الياباني اللي ماشي من 30 سنه وأكيد بردو اتقدمت ... ويكفي لانسر علامة ميتسوبيشي انا شايف السيراتو تكسب و مفيش مكان للمقارنه مفيش مكان للمقارنه ! كمان ؟

بجد حرام المقارنه دي ومش معاك فيها خالص .... مفيش حد شفتو ركب العربيتين قال كده وأنا معايا لانسر 1600 أوتوماتيك 2006 ... وأخويا معاه كيا سيراتو 2010 وعارف الاتنين كويس جدا
فعلا مفيش مقارنه ... لكنها لصالح اللانسر طبعا

[MITSUBISHI MAN]

المشاركة الأصلية كتبت بواسطة emadnd صدقوني لو قلتلكم ان مشيت بسرعة 180 كم بالانسر بوما 2008 علي طريق القطامية العين السخنة والعربيه كانت ثابتة وكويسه وكانت للتجربه فقط مش بنصح اي شخص بالسرعة العاليه مهما كانت العربيه اللي معاه

والله والله والله انا جبت بيها 200 على الطريق الدولي الساحلي ... سيراتو بجيب بيها 140 وبحس اني بطير في الهوا