#61
|
||||
|
||||
رد: الكروز احسن من السيراتو بالدليل
قبل ما ارد ... للعلم الابيزا ... القوة الحصانية 75 حصان لعزم 126 لفة دوران .. التسارع من 0 إلي 100 في 15.6 ثانية السرعه القصوي 169كم ... ((( يا راجالة انا بتكلم كمان علي موديل 2008 )) وطبعا 1400 سي سي حسب ما انت جايبها في الفديو ... وحتي ال 1600 برده النسب ضعيفة مش مصدق ادخل هنا وشوف علشان متقولش ده كلامي وانا منحاز .. موقع عالمي اهه يجبلك معلومات اي سيارة يا معلم http://www.drivearabia.com/ultimatec...-2007-2008-/81 وادي رابط السيراتو http://www.drivearabia.com/ultimatec...2010-2011-/486 ومش هقول عنه حاجة ادخل واحكم بنفسك بص يا رجالة انا مش هتكلم بقلة زوق زي ما ناس اتكلمت ولا هشتم واقول هجص وفشر ومعر والحوارات ديه ... بس انا قدامي حاجة من اتنين يا اما سواق السيراتو ملوش فيها ... يا اما السيراتو في مصر منزلنها بموتور بسكلته بقي ... وده مينفعش ان شركة تنزل عربية بجودة في بلد وجودة تانية في بلد علي حد علمي ... اللي اعرفة ان مثلا الكورولا علشان متقولوش كل كلامي علي السيراتو ... تقفيلها في مصر مش ياباني يا معلمين ... جنوب افريقيا ... وهتلي حد بيفهم بقي ولا ليه فيها ويعارضني .... لأن ده كلام من الوكلاء نفسهم ... اما دول الخليج تقفيل ياباني صرف ... في مصر الكورولا مثلا عفشتها اقوي كتير من الخليجي ... وساجها اخف بنسبة 2.٪ من الخليجي ... سمك الزجاج ومقاومتة للحرارة هو والدهان اكثر من مصر بنسبة 6٪ نظراً لعوامل الطقس هنا حرارة ورطوبة ومطر ... يعني برومة من اول ليلة اما بقي ان عربية تنزل هنا موتورها اجود من موتور بلد تانية ... ((( مش هفتي ))) بس معتقدش علشان كده راجعو بقي الفديو ده وشوفو متصور ازاي
يا راجل هتلي حد عاقل يصدق ان الاتنين طالعين مع بعض .. اصلا الفديو بادئ والعداد علي 40 او اكتر ... وشوف الكورولا اندفاعها جاي ازاي .... ما يللي بيتكلم عاقل يا اللي بيتفرج مجنون
ياعم تخيطها هيه كانت من بقيت اهلي .... هيه بقي سيارة وحشة عندكم مش عجباكم متغاظين منها ... سواقينها حمير الله اعلم ... انا مليش فيه ... وربنا يخليلك سيارتك .... وتجبلها بكرة خيط كبيرة علشان تخيط اللي انت عايزة انا ليا هنا اني لما بمشي علي طريقي كل يوم الحمد والفضل لله ... اللي عايز اعملة بعملة ... وخليك في الفيات والسيات ... انت لو جيت هنا هتلاقي عربيات اصلا انت مشوفتهاش قبل كده اقولك ... ابقي حط للسيات ولا الفيات نيتروس .. ونزلها ديفل .. واعملها دعامات موتور علشان متتفكش بس لما تضرب بقي النيترو وكده ... واطلع بيها علي توكيو واعمل ريس في فاست اند فريوس
شايفني بقولك هركبها ولا اجيبها انا عايز الفت نظرك ان حتة عربيات معمرة بس والقلق ده ... مصر بالزات متتكلمش عليه ... انت عندك سيارات من سنة ستين ومن كل الماركات ... وبتترزع عمرة ماتور وعافشة وتخش فرن .. وتمشي علي الطريق تاني ومتقعدوش بقي تقولو احسن عربية بتتقلب ومش عارف ايه .. ما يللي بيسوقها بيتعلم لسة وعايز يعمل فسوكة علشان جايب عربية جديدة ... يا اما بقي الطرق الله ينور وبرده مصدق انا بتتقلب .. اصلها مش دبابة علشان متتقلبش وتعالو شوفو هنا بقي الالب بيبقي عامل ازاي من كل نوع وماركة وبعدين يا صديقي العزيز دا هنا اكتر ناس بترمي سيارات ... ياباني بقي هندي ... ان شالله يكون من الجيزة ... العربية بتترمي بعد سنة واتنين واخرها 3 سنين ... اللي بيجبها بعد كده اللي حالتة المادية تعبانة بقي يعني انا النهاردة سايق بي ام السنة الجاية هسوق لكزس .. واللي بعدها هسوق موستانج .. واللي بعدها غيرهم وعلي فكرة ... اقولك علي حاجة يللي بتقولو السيارات ومش عارف ايه ... انا كان قدامي بي ام دبليو 330 اي 2006 يعني الشكل الجديد ... وعلي 60 الف درهم ... ومجبتهاش بالرغم انها سوري يعني ( ...... أم اي عربية جمبها) لا تقولي يا باني ولا كوري ولا الجن الازرق .. انت بتتكلم في وحش بس هنا سيارة زي ديه اتباعت اعرف انها اتعلم عليها واتخيتط انا اجيب سيارتي ب 70 الف وكالة احسن واضمن .... في مصر بقي لو الحوار ده موجود كله بيجري علي المستعمل واديلة ويرجع يقولك انا سوقت بي ام زبالة ... وسوقت سيراتو زفت ... و والله العظيم يا عم سوقت كامري زي البطيخة ... معفنة طيب ما تشوف انت بتجيب ايه الاول ... وبعدين اتكلم اخر الكلام يا شباب ... ولكل اللي اتكلم ... انا بحترم وجهة نظر كل الناس ... وشكرا يا رجالة علي اننا اتكلمنا اصلا واتناقشنا مع بعض ... اللي عايز يجيب سيراتو .. اهلا وسهلا ... اللي مش عايز انا مش باخد عمولة من الشركة يعني انا عن نفسي جبت سيراتو مش علشان هيه بتسبق فيراري ولا بيطلعلها جنحات يا رجالة زي ما بتتريقوا انا جبتها لأني راجل متجوز ومخلف وعايز سيارة جديدة (كويسة) فيها راحة في الركوب امان (من وجة نظر الوكيل والاختبارات الكرتون اللي بتخبط فيه هههههه ) وشكلها مقبول ... يعني مغلطش لما جبتها ... كل واحد وليه زوقة حكاية بقي افرح بيها او لأ ,,, ترجعلي انا ... وانت مش عايز تفرح بيها ليك حق تفرح بسيارتك طبعا وتقول سيارة حلوة بس في الاخر ... برجاء محدش يزعل مني لو قولت حاجة بلهجة مش كويسة وعلي فكرة للمعلومية مش علشان نعيد النقاش ( كل كلمة قولتها بحلفان او من غير حلفان انا صادق فيها وربنا يحاسبني علي كده سواء بقي سبقت فلان ... اتقطعت من النيسان التيما انا قولت اللي حصلي من ساعت ما جبت السيارة ... حتي لما دخلت في رصيف والعربية حصلها اللي حصل ... قولت .... علي فكرة انا اسمي يوسف وهدان ... مش يوسف سيراتو او يوسف كيا ... يعني الحمد لله مش عميل هههههههه شكرا يا رجالة ... والواحد برده استفاد من المناقشة سلام عليكم التعديل الأخير تم بواسطة YusufWahdan ; 29-06-2010 الساعة 09:57 AM |
#62
|
|||
|
|||
رد: الكروز احسن من السيراتو بالدليل
يا بنى والله اشك انك عندك عربيه اصلا والله
لا حول ولا قوه الا بالله ياعنى جاييبن فيديو وبرده بتتهجص طب يا عم جيب فيديو او اى حاجه يمكن انا معرفش وفيات وسيات الى انت بتتريق عليهم دول لو جيت مصر يا عم حاول تشد بس فكر مجرد تفكير وياعم انتا هتقولى عزم ومش عزم وقدره حصانيه انت شوفت العربيه وهيا ورا ولا بس ياعنى عايز اكتر من كده ايه وعلى فكره ملحوظه انت عارف السيات والفيات ليه محدش بيجبهوم فى الخليج عشان سيارات صغيره هاتش باك وانتو بتحبوا العربيات 10 متر فامش هتنفعكم اصلااا وياعم الحاجات ديه نازله بالفبريكه بتعتها ياعنى لا بركبلها حاجه ولا بتنجان العربيه بتبقى كده ووتخش فاستتتتت اند فريوس وتعمل احلا شغل ملحوظه ياعنى يابانى ايه الى بيترمى بعد 3 او 4 سنين ده واضح انك مييييييييييييح خالص ده السيراتو وكله دماغك هههههههههههههههههههه والمفروض اصدقك وانت بتحلف و تقول انا كذا وكذا وكلام مش منطقى ولو روحت قولت كده لأى واحد خليجى هيدحك عليا المهم ولا اصدق الفيديو الى شوفتو بعنيا اذا كانت 1.4 س سى 75 حصان او غيرو يا عم ده يدل ان الكوريين دول اكبر كدابين وناصبين وارقام اصلا خاطئه ويابنى الكلام الى انت بتقوله ده انا هعمله قصه ومسلسل قصه يوسف وهدان و الكيا .................. مش هتقدر تغمض عينك الذى تخلى عن بى ام الفئه ااالسابعه واتى بالكيا سيراتو لانه يعلم انها افضل طبعا يا معلم السيراتو اشد من الماكلرين ارحمنا يا ارحم الراحمين
__________________
|
#63
|
|||
|
|||
رد: الكروز احسن من السيراتو بالدليل
انت بتقارن تكنولوجيا بتكنولوجيا تانيه خالص
كوريا تكنولوجياتها قديمه نسبيا في العربيات الصغيره و بتحاول تحط كماليات علي قد ماتقدر لكن ماتور عفشه فرامل بادي كيت كل دا مابيتغيرش غير فين وفين العربيات الكوري بتنجح في مصر بس دونا عن العالم كله و غير كدا هو مش نجاح بمعني نجاح هو نجاح تجاري و تحقيق اكبر مكاسب علي قفا الزبون انا شوفت السيراتو الهاي لاين في المعرض و لقيتها عربيه عاديه مفيهاش اي جديد و من الداخل خامات الطبلو متوسطه و يمكن سيئه بالنسبه للفئه دي ردي مش هجوم لكن انا بقول الي شوفته مش اكتر |
#64
|
|||
|
|||
رد: الكروز احسن من السيراتو بالدليل
علي فكرة اسلوبك في منتهي الـ ........ انا مش عارف انت المفروض بتتكلم علي منتدي بوجهة نظر محترمة ... لكن جو اسلوب الكلام ده ... الصراحة بتاع ناس ............ قول بقي اللي تقولة ... واقرأ كويس قبل ما تقول بي ام الفئة السابعه ... انا كاتب 330 يعني اساسا مش بتقرأ صح ... وانت مش هتفرق معايا اقنعك طلعت من كرولا ولا ديناصور حتي ... انا ليا اللي عندي ومكفيني .. اشبع بالفيات يا بتاع الفيات ... يعني انا قايل اخر كلام بإحترام وبقول للناس شكرا برده علي وجهة نظركم وانت ماشي في خط مع نفسك اقولك افتح منتدي لوحدك وخلي الفيات تخيط كل العربيات الموجودة ... ايه رأيك يارب بس ده يرضيك وقلة الزوق طبعا ... لما تقول واضح انك ميح ... تعالي ياللي تعرف كل حاجة ... وشوف ايه اللي بيحصل هنا ... لما تسافر الامارات والسعودية والبحرين ولا غيرهم وتشوف الاول ابقي اتكلم وأسأل فعلا عن سيارات متحلمش تركبها وناس بتركبها وترميها باي سعر بعدها بسنة ولا صحيح ما انت اخرك جمصة بالفيات ماشي علي سرعة النملة وفاكر نفسك شومخر خليك بقي في مسلسلك انت بتاع الفيات والسيات .. ومازنجر وافروديت شكلك هتروح في الاخر البرازيل مع كابتن ماجد وتركب علي كورة وتسوقها مكنتش احب ابدا اني اتكلم بالشكل ده ... بس يا اخي لازم ناس تستفز الواحد بالأسلوب ... يعني ممكن تقول اللي انت عايزة ويكون برده بتكلم بشكل محترم نهايتة .... مات الكلام علي كده التعديل الأخير تم بواسطة YusufWahdan ; 29-06-2010 الساعة 03:34 PM |
#65
|
|||
|
|||
رد: الكروز احسن من السيراتو بالدليل
طبعا انا معاك في اللي بتقولة ... يعني اجيب لكزس ولا نيسانات ولا بعض التويوتات لكوري ... لأ اكيد بس اللي بنتكلم فيه يا اخي الفاضل ... ان السيارة ديه علي سعرها ادت الغرض واكتر وبالنسبة لخامات التابلوة ... انا بالنسبالي مش سئة للغاية زي ما موجود مثلا في المازدا اوقات او الرينو ... بس برده مجبهاش زي تابوة السيفك مثلا ... ومش هنجيب حاجة اقول علشان منخرجش عن الرنج اللي بنتكلم فيه السفك تابلوه بالنسبة لوجهة نظري برده .... خامات ونظام اضاءة ومريح وعملي كده شكرا علي وجهة نظرك |
|
|