ارشيف الاستراحة 2010

[Injection]

أنا شفت الموضوع من أول ما أتكتب بس مارضيتش أقول رأيى علشان عارف أن المواضيع دى بتقلب بغم.

وأتفق تماما مع اللى قاله حازم باشا صاحب الدماغ العالية, بجد بحترم أراء حضرتك جدا.

الفيديو صعب الحكم على صحته, وحتى أن كان صحيح والموضوع حصل بالصدفة, فالبنت مماعهاش كارنيه, ومرضيتش تسيبلهم الشنطة تتفتش وبتكلم الأمن بطريقة مستفزة, وعايزة تدخل بالعافية, أنا مش بدافع عن الظابط, الموضوع غلط من الطالبة ومن الظابط, بس تصرف الظابط هو تصرف معظم اللى هيتحط فى موقف زى ده, والا مكانش هيبقى فيه خناقات فى الشارع بالعدد ده كل يوم.

أنا مع الرأى اللى بيقول ان الموضوع كله تمثيلية, والأنتخابات جاية والموضوع ده لصالح طرف واحد فقط, وبعدين مش برضه الفيديو ده أستخدم علشان يطالبوا بطرد الحرس الجامعى

http://www.youm7.com/News.asp?NewsID=290089

أنا الموضوع مش داخل دماغى, أشمعنى واحدة بأسدال ومش طالبة عادية, وليه فى الوقت ده بالذات, الا لو حد ليه مصلحة فى الموضوع.

ولما أتفرجت على الفيديو أفتكرت فيلم خالتى فرنسا, والحتة ساعة ماراحوا لرجل الأعمال وشالت البنت الصغيرة وراحت مسكت فى الراجل وأزاى ترمى بنتك ومراتك فى الشارع.

نظرية المؤامرة محتملة, ونظرية النظام المصرى الفاشل محتملة, وكلها أراء, وفى ظل أختفاء الشفافية محدش هيعرف الحق, وأحنا داخلين نقول أرائنا هنا علشان مش هنقدر نقولها فى الشارع, فبلاش نتصيد أراء بعض , وكل واحد بيعبر عن أرائه, ومحدش له عنده حاجة, فياريت بلاش نحول الموضوع لتغليط الأخر, لأن كل واحد نظرته للأمور مختلفة وأرائه مختلفة, واللى عايز يشوف المصريين أهمه, يدخل على لينك الخبر على مصراوى ويقرا التعليقات, ومع السلامة يابلد.

http://www.masrawy.com/News/Egypt/Po.../16/azhar.aspx

[احمد بدر1978]

المشاركة الأصلية كتبت بواسطة SuMo يا تاكسى كورسير ...................... يا مقرب البعيد بتسابق الحمام ......................... ... و السكه الحديد

هههههههههههههه
بجد تسلم ايدك

[mercedes]

السلام عليكم و رحمة الله و بركاته

الحاجة التانية اللى نسيت أقول عليها هى طريقة التداول , اللى أنا شوفته فى مصر , أن العميل بيروح شركة السمسرة و يكتب طلب بشراء مثلا عدد 50 سهم فى شركة أوراسكوم مثلا , و يببدأوا ينفدوا طلبه و كدلك عند البيع , الا ادا كان العميل , كاتب طلب بيع أو شراء لما السعر يوصل كدا , أنا مش عارف ادا كان فى طرق تانية للبيع و الشراء دلوقتى و لا لأ , بس طبعا الطريقة دى بداااااااااااائية جدا , لأن ممكن على ما العميل يكتب الطلب و الطلب يتنفد , أن السهم يطلع من 32 جنيه ل 34 جنيه مثلا , اللى أنا أعرفه فى البورصات الكبيرة زى بتاع NYSE أن العميل لما بيفتح حساب فى شركة سمسرة هناك و ليكن شركة Scottrade مثلا و دى شركة كبيرة فى أميركا, بينزل ال software بتاع الشركة على الكومبيوتر الشخصى بتاعه و بيقدر عن طريق النت أنه يخش يتابع السوق بشكل لحظى كأنه واقف أما شاشة البورصة اللى فى الشارع أو اللى فى شركة السمسرة و بيبقى أمامه سعر البيع و الشراء مكتوبين و بيتغيروا بشكل لحظى و بيقدر يشترى و يبيع من الsoftware ده و أوامره بتتنفد بمنتهى الدقة و السرعة و كمان ممكن يعطى أوامر مستقبلية للبيع و الشراء لو الأسعار وصلت الى حد معين , أنا بصراحة نفسى يطبقوا النظام ده عندنا لأنه أحسن بكتييييييييييييير من اللى بيحصل .

أنا مرة فكرت أنى أفتح code فى البورصة المصرية , ايام ما كان السهم بتاع المصرية للاتصالات نازل و كالعادة كان فيه اشاعات أن شركة المصرية للاتصالات هى اللى هتاخد شبكة المحمول التالتة فى مصر و السهم سعره ولع من 14,80جنيه الى 50 جنيه و كالعادة كانت اشاعة و المصرية للاتصالات ماخدتش شبكة المحمول التالتة فى مصر ولا حاجة و اللى أخدتها على ماعتقد شركة اماراتية و السهم دلوقتى بقى سهم عادى و سعره عادى و اكيد اللى اشتروه ب 50 جنيه , خسروا فلوس كتيييييييييير و ماقدروش يعوضوا خسارتهم , لأنهم كانوا بيشتروا و فاكرين أنه هيعمل زى سهم موبينيل و فودافون و سعره ينضرب فى 8 فى خلال 5-6 سنين !!!!

المهم , ربنا ما أرادش أنى أفتح ال code فى شركة عندنا هنا فى المنصورة اسمها شركة المتحدة فى شارع قناة السويس و اللى أخدوا منى 20 جنيه و قالولى تعالى بعد أسبوعين استلم الcode و كل ماروح أسأل , يقولولى لسه , كنت كل ماروح هناك , بشوف الناس اللى -ياعينى- شاريين فى البورصة , الشركة عاملالهم قاعة تحت مقر الشركة فيها شاشات عشان يقعدوا يتابعوا أسعار الأسهم بتاعتهم و تلاقيهم قاعدين مسهمين أودام الشاشات كأنهم بيتفرجوا على نهائى كاس العالم و مصر بتلعب فيه مثلا .

أنا أعتقد أن النظام ده اتحسن شوية و أصبح الناس تقدر تتابع الموضوع من بيوتها عن طريق النت بشكل لحظى زى مابيحصل بره , أصل الكلام اللى أنا بقوله ده كان فى 2006 , اكيد الأمور اتحسنت , على فكرة نفس المنظر بالمللى , انا شوفته فى البورصات الخليجية بس على أفخم بقه, تلاقى الشيخ منهم لابس الجلبية النااااااااااااااصعة البياض و لابس عليها الشماغ الأحمر ده أو الغترة البيضا و تلاقيه قاعد فى القاعات الكبيييييييييييرة المكيفة اللى هناك أمام الشاشات يراقب الأسعار , قال يعنى الأسعار لمل تشوفهم قاعدين , هتتكسف على دمها و ماتنزلش و بس كده و لا شغلة و لا مشغلة .

لكن اللى أنا شوفته فى كندا , أن فيه ناس كتيييييييييير بتضارب فى البورصة , لكن مابيحطوش فلوسهم كلها فى سهم واحد مهما كان السهم ده مبشر بكل تأكيد بالارتفاع لكن بيعمل ال portfilio بتاعه فيه كدا سهم و بالتالى مابيحصلش أنك تلاقى حد خسر مثلا نص فلوسه فى البورصة فى يوم ما و كمان بيعتمدوا بشكل صحيح على الآراء الاستشارية من المكاتب الاستشارية الكبيرة و مابيشتروش و يبيعوا كده من دماغهم .

شكرا و آسف جدا للاطالة .

MERCEDES S550

[@واحد من الناس@]

تقع هذه البحيرة في بيركلي ، في ولاية مونتانا يبلغ طولها 1 ميل بعرض نصف ميل و عمقها 270 متر .



كانت في السابق منجم نحاس. تبدو حقا جميلة في هذه الصورة.... يمكنك شراء التذاكر لمشاهدتها من على مكان خاص. لكنها رغم جمالها الى أنها سامة جداً لدرجة لا يستطيع اي كائن العيش فيها.

على أي حال تقتل هذه البحيرة كل شيء تقريبا يأتي بالقرب منها. حيث أنه يُمنع السياح من الغوص فيها .و هذا ما تنصح به السلطات بشدة. لكن ما سبب تكون هذه البحيرة القاتلة و السامة، كما ذكرنا سابقاً فقد كانت هذه البحيرة منجما للنحاس اغلق عام 1982 و غُمرت مخلفات المنجم بالمياه الجوفية .

تتكون مياه البحيرة بشكل كبير من المنجنيز و مركبات النحاس و الحديد التي تذيب ملابسك و تحرق عيونك و تذيب جلدك و تتلف الحلق و ... حسناً, لقد اتضحت الصورة. يمكن تشبيها كالمياه الحارقة، لا يوجد أسماك في البحيرة و لا يوجد عشب حولها و حتى البعوض لا يقترب منها ليضع بيضه.

الصورة في الأعلى اخذت من محطة الفضاء الدولية في 2006 في وقت كانت به البركة بعمق 270 مترو لكنها لا تزال تزداد عمقاً، تتلقى هذه البحيرة المهجورة الغير مسيطر عليها الكثير من الإهتمام من الحكومة بسبب المخاطر التي من الممكن أن تؤثر على النظم الإيكولوجية و الناس. فيجب مراقبة المياه بشكل دائم للتأكد من عدم تسربه للمياه الجوفية. وهنالك خطط تجري لفلترة هذه المياه و ضخها لجعل مستويات السم تحت السيطرة و لكن تشير البيانات الى أن تنفيذ هذه الخطط سيستغرق وقتاً طويلاً.

لكن المفاجأة و قد صدق الله تعالى حينما قال ( يُخْرِجُ الْحَيَّ مِنَ الْمَيِّتِ) ; سورة الروم (19) ، فقد اكتشف العلماء مؤخراً وجود مئات المايكروبات الفريدة من نوعها و البكتيريا و الطحالب و الفطريات التي تحتويهم هذه الحفرة السامة و التي من الممكن أن تساعد في علاج أمراض السرطان.

منقووول

[مهند سالم]

سبحان الله، لو جعل هذا الكون بيد ابن آدم لخربه أولا عن آخر.