ارشيف الاستراحة 2010

[mercedes]

السلام عليكم و رحمة اله و بركاته

بص يا باشا, بالنسبة للبورصة , فهى مكان محترم جدا لتداول الأسهم بتاع الشركات الكبيرة , لكن الكلام ده فى البلاد الأجنبية المحترمة , غير مصر أو الخليج اللى هو نسخة بالكربون من البورصة المصرية .

هنا فى مصر و كمان فى الخليج , بتحس أن البورصة عبارة عن رباطية لكبار رجال الأعمال اللى هما رأس مالهم بالمليارات و أنهم هما اللى بيتحكموا فى أسعار الأسهم هبوطا و بشدة , عشان هما يشتروا , طبعا , هما و معارفهم و بعدين يقللوا العرض و بالتالى الأسهم سعرها يطلع , يقوموا هما و حبايبهم يبيعوا و يكسبوا , الضحية هنا هو المستثمر الصغير اللى رأس ماله على أده لأنه أول ما بيلاقى الأسعار بتنزل , بيخاف و يبيع و مايعرفش أنه بيتلعب بيه , على فكرة, السيناريو ده بيتكرر كتييييييييييييييير جدا و بالكربون فى كل البورصات العربية .

الحاجة التانية , ان المعلومات الهامة اللى بتأثر على تغير أسعار الأسهم , هما برضه الكبار بس هما اللى بيعرفوها الأول و قبل أى حد و بالتالى بيبقوا عارفين ايه اللى هيغلى و يشتروا فيه و ايه اللى يرخص و يلحقوا يبيعوه, ده اللى بيسموه ( عدم الشفافية ) .

حجم التعامل فى البورصة المصرية يعتبر بالمقارنة بالبورصات العالمية زى نيويورك و لندن و طوكيو, ضئييييييييييييييييييييل جدا الى حد التلاشى, وده يخلى أى تاجر أو رجل أعمال كبير من اللى معاهم مليارات , يقدر يلعب بسهولة فى الأسعار , لكن , لو جينا لبورصة زى بورصة نيويورك , هنلاقى أن حجم التعامل فيها بيعدى ال 200 مليار دولار فى اليوم و بالتالى من الصعب أن تلاقى رجل اعمال واحد أو مجموعة ممكن يهزوها بسهولة , ده غير أن موضوع الشفافية ده عندهم موضوع هااااااااااااااام و حساس جدا و مفيهوش هزار .

الحاجة التالتة , أن الناس هنا للأسف بتشترى و تبيع بناء على اشاعات بدون تحليل دقيق للسهم و لأداء الشركة عشان نعرف ادا كان السهم هيعلى ولا هينزل , لكن فى الدول المتقدمة المحترمة ( غير مصر طبعا ) فيه شركات و مؤسسات استشارية كبيرة , العميل اللى معندهوش خبرة فى البورصة زى حالاتى , ممكن يفتح معاهم حساب و يدفع فلوس شهريا نظير أنه يتلقى منهم نصايح بخصوص الأسهم اللى ممكن الواحد يشتريها و تعلى و ده بناء على أن الشركة أو المكتب الاستشارى ده بيحلل السوق كويس و بيقدر يدى نصايح سليمة و على أساس صحيح .

طبعا الكلام ده مش فى مصر خاااااااااااااااااالص , فالموضوع فى مصر بياخد شكل المقامرة فعلا .

شكرا و آسف جدا للاطالة و انا آسف لو كان رأيى بيخالف أى من الأخوة الأفاضل .

MERCEDES S550

[fepsceasar]

احنا هنتكلم مع بعض بالبلدى كده ومن الخبرة الشخصية ولو فى اى مصطلحات هنحاول نشرحها ولو فى اى حد عنده معلومة افضل ياريت يصلحلى والمناقشة هتبقى عامة ومش هنرشح اسهم معينة لكن بعد كده ممكن نبقى نبص على نماذج للاسهم فى وقتها
أولا: ايه لازمة البورصة
1- البورصة بتتيح توسيع لقاعدة الملكية يعنى انا لو عندى خمسة آلاف جنيه مش هيبقى عندى شركة لكن ممكن ابقى مساهم فى شركة محترمة، وبوكل مجلس الإدارة فى انه يديرلى فلوسى علشان كده انا ممكن أحضر الجمعية العمومية واقول رايى.
2- تخصيص أمثل للفلوس اللى عندى يعنى انا بدل ما ادى فلوس لحد يشغلهالى وهو ممكن ما يكونش عنده الكفاءة اللازمة او اروح اشارك حد مش كفء فى ادارة الفلوس انا باختار افضل شركة من وجهة نظرى واديهم الفلوس دى يشغلوهالى طبعا الطريقة بتختلف على حسب سهم او سند ودى هنشرحها بعدين.
3- آلية للتمويل قبل ما اشرح النقطة دة لازم افرق بين حاجتين
-(السوق الأولي) الاكتتابات يعنى ودى معناها ان الشركة بدل ما تروح تاخد قرض من البنك بتعمل اكتتاب وبتاخد فلوس من المكتتبين بتكلفة أقل من تكلفة القرض، ولما اشارك فى الاكتتاب انا كده بساهم فى تمويل النشاط الاقتصادى فى البلد (خليكوا فخورين بنفسكوا ايها المستثمرين) لكن خدوا بالكوا من نقطة علشان اكتتب فى شركة لازم اكون عارف الشركة دى عاملة الاكتتاب ده ليه وهتعمل ايه بفلوسى مش بتلم فلوس وخلاص.
4- آلية لتسييل أموالى ودى مرتبطة بالسوق الثانوى يعنى البورصة اللى بنتداول فيها الاسهم والسندات، بمعنى ان انا لو عايز اخلع من الشركة ابيع اسهمى فى اى وقت والاقى حد يشتريها واخد فلوسى، ودى مهمة جدا علشان ما بقاش اتدبست يعنى اروح اكتتب وامول النشاط الاقتصادى وفى الآخر يقولولى لا ما تعرفش تخرج يبقى مش هدخل ولا همول ودى فايدة مهمة للبورصة
مستنى تعليقاتكوا وتجاربكوا سواء حلوة او مرة ونحاول نتعلم من بعض.

[mercedes]

المشاركة الأصلية كتبت بواسطة hazem_khidr طب و الكاميرات اللي كانت جاهزه و بتصور الحدث من الاول دي جات ازاي و ترتيبها بالصدفه؟؟ الموضوع فيه اقاويل كتير

السلام عليكم و رحمة الله و بركاته

حضرتك طبعا ليك كامل الحرية أنك تتخد موقفك و رأيك الخاص , بس بالنسبة لموضوع التصوير, أنا متهيألى أن كل ده عبارة عن تصوير موبايلات , مكنشى فيه كاميرات جاهزة ولا حاجة .

أنا مش مع البنت بشكل مطلق , بالعكس , أنا ضدها لو كانت تعدت على الظابط فى الأول , بس لو كانت تعدت على الظابط فى الأول و كل اللى المفروض الظابط يعمله , أنه يتعامل معها بالقانون بدون شفقة ولا رحمة و كانت البنت -لو غلطانة- هتلبس قضية محترمة زى الحلاااااااااااااااااوة .

MERCEDES S430

[fepsceasar]

المشاركة الأصلية كتبت بواسطة mercedes السلام عليكم و رحمة اله و بركاته بص يا باشا, بالنسبة للبورصة , فهى مكان محترم جدا لتداول الأسهم بتاع الشركات الكبيرة , لكن الكلام ده فى البلاد الأجنبية المحترمة , غير مصر أو الخليج اللى هو نسخة بالكربون من البورصة المصرية . هنا فى مصر و كمان فى الخليج , بتحس أن البورصة عبارة عن رباطية لكبار رجال الأعمال اللى هما رأس مالهم بالمليارات و أنهم هما اللى بيتحكموا فى أسعار الأسهم هبوطا و بشدة , عشان هما يشتروا , طبعا , هما و معارفهم و بعدين يقللوا العرض و بالتالى الأسهم سعرها يطلع , يقوموا هما و حبايبهم يبيعوا و يكسبوا , الضحية هنا هو المستثمر الصغير اللى رأس ماله على أده لأنه أول ما بيلاقى الأسعار بتنزل , بيخاف و يبيع و مايعرفش أنه بيتلعب بيه , على فكرة, السيناريو ده بيتكرر كتييييييييييييييير جدا و بالكربون فى كل البورصات العربية . الحاجة التانية , ان المعلومات الهامة اللى بتأثر على تغير أسعار الأسهم , هما برضه الكبار بس هما اللى بيعرفوها الأول و قبل أى حد و بالتالى بيبقوا عارفين ايه اللى هيغلى و يشتروا فيه و ايه اللى يرخص و يلحقوا يبيعوه, ده اللى بيسموه ( عدم الشفافية ) . حجم التعامل فى البورصة المصرية يعتبر بالمقارنة بالبورصات العالمية زى نيويورك و لندن و طوكيو, ضئييييييييييييييييييييل جدا الى حد التلاشى, وده يخلى أى تاجر أو رجل أعمال كبير من اللى معاهم مليارات , يقدر يلعب بسهولة فى الأسعار , لكن , لو جينا لبورصة زى بورصة نيويورك , هنلاقى أن حجم التعامل فيها بيعدى ال 200 مليار دولار فى اليوم و بالتالى من الصعب أن تلاقى رجل اعمال واحد أو مجموعة ممكن يهزوها بسهولة , ده غير أن موضوع الشفافية ده عندهم موضوع هااااااااااااااام و حساس جدا و مفيهوش هزار . الحاجة التالتة , أن الناس هنا للأسف بتشترى و تبيع بناء على اشاعات بدون تحليل دقيق للسهم و لأداء الشركة عشان نعرف ادا كان السهم هيعلى ولا هينزل , لكن فى الدول المتقدمة المحترمة ( غير مصر طبعا ) فيه شركات و مؤسسات استشارية كبيرة , العميل اللى معندهوش خبرة فى البورصة زى حالاتى , ممكن يفتح معاهم حساب و يدفع فلوس شهريا نظير أنه يتلقى منهم نصايح بخصوص الأسهم اللى ممكن الواحد يشتريها و تعلى و ده بناء على أن الشركة أو المكتب الاستشارى ده بيحلل السوق كويس و بيقدر يدى نصايح سليمة و على أساس صحيح . طبعا الكلام ده مش فى مصر خاااااااااااااااااالص , فالموضوع فى مصر بياخد شكل المقامرة فعلا . شكرا و آسف جدا للاطالة و انا آسف لو كان رأيى بيخالف أى من الأخوة الأفاضل . MERCEDES S550

كلام حضرتك مظبوط جدا ، بس حضرتك تعرف ان ده اللى بيخلى الأجانب ييجوا يستثمروا عندنا وبرضه صناديق الاستثمار الكبيرة، فى البورصات بتاعت برة ما عندهمش فرصة يحققوا ارباح غير عادية ولكن عندنا ممكن طبعا يعملوا ارباح بالهبل وطبعا التداول اليومى للبورصة المصرية والبورصات العربية مجتمعة ما يجيش دقيقة فى بورصة نيويورك، ده طبعا للفرق الكبير بين اقتصادنا واقتصادهم.
علشان نستفيد من الأوضاع اللى عندنا لازم نحط فى دماغنا حاجتين
ان البورصة مش مكسب لطرف وخسارة لطرف ممكن كانا نكسب not zero sum game
ما ينفعش يسيطر علينا الخوف فاما ييجوا المستثمرين الكبار يرموا رمية نطلع نجرى ونديهم اسهمنا باقل اسعار وكمان نبعد عن الطمع ولاقى سهم طالع اروح اشتريه فى اعلى نقطة لغاية ما ينزل بية، بالعكس انا قبل ما ادخل اشترى لازم اعرف قبل ما اشترى امتى هبيع، وكمان لو سهم نزل بية لازم اعرف امتى اعمل وقف خسارة وده فى ناس كتير بتتجاهلها ما افضلش اغرق مع السهم ينى بالبلدى كده خسارة قريبة ولا مكسب بعيد وهنتكلم بعد كده بالتفصيل عن الحاجات دى.
ملحوظة: ما تقلقوش لو لاقتونى بتكلم فى حاجات اولية واساسية ومن وجهة نظر البعض تافهة وبعد كده اتكلمنا فى حاجات متقدمة شوية، علشان الكل يقدر يتابعنا وكل منا يجد ضالته

[mercedes]

المشاركة الأصلية كتبت بواسطة mido_4up بعدها بيومين رحت انا و اصحابى قفلنا الكليه كلها و ضربنا الامين ضرب لحد ما هدومه اتقطعت و الضابط برده خدله من الطيب نصيب

السلام عليكم و رحمة الله و بركاته

ياااااااااااااااااااااااا ه

بقه كل الهندسة و التخطيط ده و مايجيش فى بالك أنك تصورها بالموبايل عشان نتفرج و ننبسط معاك .

ده أنت لو كنت صورتها و رفعتها عاليوتيوب , كانت زمانها دلوقتى من أكتر الفيديوهات مشاهدة عاليوتيوب !!!!!!!!!!!!!!!!!

MERCEDES S550