احداث رياضية لاعوام 2008 2009 2010 2011

[Dr.A]

والله يا اخي انا معاك انها حاجة تحرق الدم
بس حنقول ايه
نعمل زيهم ونولع احنا كمان في السفارة الجزائرية
كان لازم يكون معاهم امن كافي من الاول لان دة شئ متوقع
واللى عملوه السودانيين متوقع لانهم لو اخدوا جانب لازم الجانب التاني يزعل فلازم يحاولوا يبعدوا لما الاتنين يخلصوا على بعض
يبقى الغلط علينا احنا اللي ما عملناش حسابنا
و حسبنا الله ونعم الوكيل

[Dr. Bolbolan]

أظن اللى توقعته حصل و لسـه بيحصل حتى كتابة هذه السطور و مش ح نعرف قبل أسبوع كامل الآحداث !

مش عايز أقول ان أنا " جدع " أو أتفاخر ! بس عاوز أقول انى قلت قبل كده وقبل الخبر بتاع ارسال الجزائر

لقوات أمن للسودان بصفه رسميه رغم انه غير مقبول دبلوماسيآ ولا عقليا " قلت يجب أن نرسل قوات صاعقه

مصريه متخفيه لحماية المصريين ! وقلت ان اختيار السودان للمباراه من جهتنا اختيار خاطىء لآنهم ضمن أشد

الناس كرهآ للمصريين ! و ما توقعته حدث و علشان كده العنوان ده مكتوب من 3 أيام وأكثر !

النقطه اللى عاوز أوصل لها ! اذا كنت أنا مواطن بسيط و عادى و عارف الكلام ده و أكيد فى مثلى آلاف

عارفينه ! ازاى تجاهلته حكومتنا السـنيه النظيفه أو ما جاش على بالها ؟؟؟ حرام ...حرام...حراااااااااام !

Dr. Bolbolan ptmnlo123per111

[a7lahamada]

يا جماعة انا عندي تعليق لازم اكتبوا اولا الماتش بتاع امبارح اللعيبة بتعنا كانوا زي الزفت مفيش كورة ثابتة ولا ركنية بتتلعب صح وكل العب بتاعهم في نص ملعبنا اكنهم بيضيعوا وقت ليهم وعلي حد علمي ان حسن شحاتة غير موفق تماما في هذة المبارة وبعدين اية الناس ارايحة تشجع دي ممثلين وممثلات هيعملوا اية هيفضلوا قاعدين فين الجمهور بتاع استاد القاهرة مكان يبعتوا منهم حبة ولا دول ليه الفضل عن الشعب .............ثانيا ودا الي لفت نظري بطريقة كبيرة تعالوا ياجماعة نشوف شوارع مصر عاملة ازاي امبارح انا مش بمانع ان الناس متفرحش لا بس مش بطريقة دي قبل الماتش 1.العربيات كلها معلقة اعلام مصر واكن صر فازت ورحنا المونديال 2.الشوارع زحمة بطريقة مستفزة في مدينة نصر وروكسي في المكان الي كنت فية وقت الماتش يا جماعة احنا لو كنا دخلنا حرب مكناش هنعمل كدة ولا يفط في الشوارع ولا كلام في الراديو والتلفزيونات ولا اعلام ولا شي احنا كشعب اتعلق امل لينا بحلم المونديال ب اية فيدتة علينا احنا كشعب كل لاعب لو كان كسب كان هيقبض 3 مليون واحنا كان اتحرق دمنا علي الفاضي يا جماعة الشعب المصري هيفضل الشعب الغلبان الي بيضحك علية لاننا طيبين وهنفضل طيبين

[Bendary]

بجد مرارة شديده
اكثر ما يحززنى هو ضياع الفرحة وكسر النفس
والادهى من كل ده ما يحدث لكرامة المصريين فى السودان
ولكن لو كانت حكومتنا تدخلت بشكل ايجابى بعد احداث اوراسكوم ومكتب مصر للطيران فى الجزائر ، كانت تدخلت فى السودان
منهم لله كل من اضاع هيبه المصريين

[ayman abdelrazek]

المشاركة الأصلية كتبت بواسطة Dr. Bolbolan أظن اللى توقعته حصل و لسـه بيحصل حتى كتابة هذه السطور و مش ح نعرف قبل أسبوع كامل الآحداث ! مش عايز أقول ان أنا " جدع " أو أتفاخر ! بس عاوز أقول انى قلت قبل كده وقبل الخبر بتاع ارسال الجزائر لقوات أمن للسودان بصفه رسميه رغم انه غير مقبول دبلوماسيآ ولا عقليا " قلت يجب أن نرسل قوات صاعقه مصريه متخفيه لحماية المصريين ! وقلت ان اختيار السودان للمباراه من جهتنا اختيار خاطىء لآنهم ضمن أشد الناس كرهآ للمصريين ! و ما توقعته حدث و علشان كده العنوان ده مكتوب من 3 أيام وأكثر ! النقطه اللى عاوز أوصل لها ! اذا كنت أنا مواطن بسيط و عادى و عارف الكلام ده و أكيد فى مثلى آلاف عارفينه ! ازاى تجاهلته حكومتنا السـنيه النظيفه أو ما جاش على بالها ؟؟؟ حرام ...حرام...حراااااااااام ! Dr. Bolbolan ptmnlo123per111

لأ من حقك تقول انك جدع وتتفاخر علشان غباء المسئولين وعنادهم الدائم

للأسف هذه المباره كشفت لنا عورات سياسيه خطيره جدا جدا

اولها ان شعبية مصر والمصريين فى المنطقة تدنت لأبعد الحدود وهذا بسبب قيادتنا السياسيه العظيمه

ثانيها ان بفقد هذه الشعبيه هنفقد ثقلنا السياسى والثقافى والرياده التى كنا ومازلنا نتشدق بها


احنا من الاخر عملنا زى اللى رقص على السلم لاعرفنا نكسب ود وثقة وشعبية الغرب ولا قدرنا نحافظ على ثقة و ود وشعبية اعداؤنا اللى كانوا اخوانا فى المنطقه


واخيرا احيى وبكل الود والعرفان الكابتن ابراهيم حسن اللى وقف بمفرده امام الاعلاميين وهم ينتقدوه عندما درع للجزائريين فى ملعبهم ووسط جمهورهم بمفرده وكأنه كان يعلم لغة الحوار مع هؤلاء
واقسمت امس ان احاول مقابلته و ان اقبل يده التى فعلت ذلك


ولك الله يامصر