ارشيف الاستراحة 2011

[topman100]

الرد_
طبعا" الموضوع انا حاسس انة مش صحيح لان الحصان او الحمار وزنة تقريبا"بعد ما يتشفا هيبقى حوالى 60 او70 كيلو لحم خالى من العظام ، يعنى لو قسمنا 3000 \ 60 = 50 جنية للكيلو الواحد ، مع العلم ان فية لحم برازيلى مجمد سعر الكيلو 25 جنية والحم السودانى ب 28 جنية ولحم من البراجوى ب25 جنية ، يعنى حتى لو الحصان بعد اخلااة من العظم طلع حتى 100 كيلو بردوة الحم البرازيلى والبراجوى والسودانى والاثيوبى هيكون ارخص من كدة ،
واقول مثل قول النبى صلى اللة علية وسلم (المسلم لا يروع اخوة المسلم)ويجب ان نتحرى الصدق لان ممكن يكون الراجل الى كان فى المدافن كذاب واللة اعلم ويجب ان نقول عندما نرا باعيننا وليس على السمع فقط .
دة الموضوع القديم_
ياجماعه الموضوع اخطر مما كنت اتخيل وحبيت اقوله وانشره عشان الكل يعرف وينصح غيره وبعد مااتأكدت بنفسى من ان كل انواع البسطرمه واللانشون والبرجر والسوسيس ماهى الا نفايات حيونات نافقه وده ينطبق على شركات كبيره زى شركه حلوانى للحوم واتأكدت بنفسى من ده والقصه كلها صدفه بحته ححكيها لكم بالتفصيل

كنت بسلم طلبيه بلاط لشغلى فى المعادى وانا راجع مع عربيه المصنع النقل بتاعنا طريق الأوتوستراد من المعادى للسيده زينب يوم الخميس اللى فات الساعه 11 الصبح السواق دخل من البساتين كأختصار للوقت وعشان يمون من البساتين واحنا ماشيين فى مدافن وحته مقطوعه لقيت السواق وقف على جنب لما شاف واحد واقف طلع صاحبه وقالى ناخده معانا فطريقنا وطلع الراجل اللى ركب معانا ده اسمه جمال وبيشتغل فى شركه حلوانى فأول سؤال سألته له انت كنت بتعمل ايه فى الحته المقطوعه دى مردش عليا راح السواق قايلى مهو ده شغلته ولقيت السواق بيضحك طلع شغله البيه اللى ركب معانا انه بيورد الخيول والحيوانات النافقه لشركه حلوانى تحت مسمى وظيفى مورد لحوم وطبعا مسكت خيط الموضوع مسبتوش استفزيته وقولتله كداب لأن شركه حلوانى شركه كبيره قالى بعد مااستفزيته للأخر ولا كبيره ولا حاجه ده انتو اللى غلابه انت متعرفش ياباشا ان فى جهاز كبير جدا ب12 مليون جنيه فى مصنع حلوانى اللى فى العاشر مخصوص لفرم الحيوانات لتصبح لانشون وسوسيس وبسطرمه وعرفت منه انه بيبيع الحصان الميت الواحد ب3000 جنيه شرط انه يكون ميت فى نفس اليوم طبعا مصدقتوش قولتله كداب اثبتلى قالى طيب جرب تجيب بسطرمه وحطها فى التلاجه يومين بدون اكل ولاحاجه وشوفها بعد كده هتلاقى لونها مال للأزرق كدبته للمره التانيه وكدبته واستفزيته اكتر طبعا بعد الحاح منى واستفزاز قالى هثبتلك بس دى نصيحه لوجه الله وليك عشان عملت معايا حركه جدعنه وركبتنى معاكوا وعشان شكلك ابن حلال ( بيعرف ربنا قوى الكافر الفاسد ) طلع موبيله وطلب نمره مسجلها على تليفونه بأسم احمد حلوانى واما سألته مين ده قلى ده ماسك مدير فرع فى حلونى وكلمه جمال و فتحلى الأسبيكرعشان اسمع بودنى المكالمه ودارت المكالمه دى بالنص والحرف كالتالى
احمد : الو ايوه ياجمال
جمال : ايوه يااحمد باشا
احمد : طالبنى ليه متأخر كده
جمال : معلش ياباشا بس عندى امانه من اللى بجبهالك واصحابها عايزيين 5000 جنيه فيها
احمد : الأمانه ميته النهارده ولا من كذا يوم
جمال : النهارده ياباشا
احمد : حاول تخلص معاهم على 3000 بس ويكون كبير ولو وفقوا ابعتهولى بكره الساعه 2 بليل وهحاسبك على تمن العربيه النقل اللى هتجيبوا
جمال : ححاول مع الناس واكلم ساعدتك الصبح
احمد : بس خلى بالك
جمال : هى دى اول مره ياباشا انا مش تلميذ سلام

والمكالمه انتهت على كده وانا فى ذهول وعدم تصديق للشوفته وسمعته واما وصلنا المصنع بتاعنا وهو نزل قبل مانوصل لقيت السواق برده مندهش ومش مصدق اللى سمعه وقالى انا كنت فاكره بيهزر لكن طلع بيتكلم جد ومن ساعتها انا مش عارف اعمل ايه ولا اتصرف ازاى لأن مفيش دليل على كلامى ده عشان ابلغ عنه حتى السواق ميعرفوش غير معرفه سطحيه ولا حتى يعرف تليفونه وكل اللى الواحد يقدر يقوله حسبى الله ونعم الوكيل

وانا بعتذر ياجماعه عن القرف والغثيان اللى هيسببهولكوا الكلام ده بس انا فكرت كتير اعمل ايه ملقتش غير ان احنا لازم ننصح بعض ونوعظ بعض من الخطر والسموم دى ومره تانيه بتأسف ليكوا كلكم

[احمد السمان]

انا مش عارف مخرج ومؤالف الاعلان ده جابوا الفكره دي منين ...؟؟؟
على فكرة واخدين شتائم كتيروتريقه على الـ youtube

http://www.youtube.com/watch?v=7JXKg...embedded#at=57

[مهند سالم]

أنا فعلا رديت في الموضوع ده وبينت النقطة إلا حضرتك بتتكلم فيها: فعلا الأسعار مبالغ فيها جدا، المفروض واحد عايز يتخلص من حيوان ميت هيبيعه بأي ثمن، مش بالأرقام الجامدة دي.

[AbOnOrA]

تسلم ايدك سواء ناقل او مبدع

المشاركة الأصلية كتبت بواسطة sad-bird http://www.masrmotors.com/vb/showthread.php?t=46111

المشاركة الأصلية كتبت بواسطة sad-bird اخي العزيز جل من لا يسهو والموضوع في الرابط ليس لي ولكنه لاحد الاخوة في المنتدي واول ما قرأت العنوان ارسلت لك الرابط لكن اولا واخيرا شكرا على التذكرة

sad-bird
:fun_36_3_ 3[1]:

:01F6 EB~150: