|
#56
08-05-2009, 03:24 PM
|
||||
|
||||
رد: حكايتى مع السيارات فى العراق !
توكلنا عاى الله ! الحلقه دى ستكون عن الموت و الحياه ! وما حدش ينزعج أوى لآن الموت ده سنة الدنيا أو نهاية
الحياه وكلنا بنموت كل يوم عند النوم ( الموته الصغرى ) ولكن بقدرة الله عز وجل البعض بيصحى والبعض بيكمل الطريق الى الآخره ! وياويله اللى كان عمله وحش ! ptmnlo123per1106 والبنى آدم بيموت فى ثانيه ! أذكر أول مره شفت واحد بيموت اندهشت جدآ ! يعنى كنت فى امتياز وبكلم الراجل وهوه نايم على السرير ولم تكن حالته خطيره جدآ ! المهم حد عمل صوت عالى أو لفت انتباهى فحولت نظرى عن المريض ده لحظه واحده ! وعندما التفت اليه وأنا واقف مكانى لقيته سافر من غير وداع ! لآ اله الا الله ! اندهشت جدآ ! أمال ما حصلش زى الآفلام العربى انك تسمع قبل الراجل ما يموت موسيق موحيه مثل آن آآآآآآآآآآن ثم راس الراجل تقوم مرميه يمين أو شمال و عنيه مبرقه ! و لا حاجه من دى ! النور انطفى والكهرباء عنده انقطعت ( زى سيارة وائل ) و بس خلاص ! المهم الحلقه الماضيه كانت عن وفاة 2 برازيليين ومالهاش دعوه بالسيارات أما اليوم سوف نحكى قصة وفاة مصرى بسيارة ! ازاى ؟؟ صاحبنا الله يرحمه كان من المنوفيه وكان شكله خواجه خالص !! شعر أصفر حرير - عيون زرقاء - وجه أحمر - جسم متناسق ! والآغرب من كده كان فى حاله خالص و عامل بسيط ! المهم فى يوم وكان حر جدآ جدا و بعد الظهر كان فيه استراحه من العمل و لم يجد مكانآ يستظل فيه سوى سيارة نقل ضخمه واقفه - راح جلس خلفما فى ظلها ثم غلبه النوم ! فجاء ساءق السياره وكان عراقى و رجع بها للخلف ليدوس على رأسه فقط !! ptmnlo123per144 و مش ح أحكيلكم على المنظر احتراما له الله يرحمه ! الخلاصه والله أعلم : ان الانسان ضعيف فعلآ وليس الا لسان ! وان الحسد موجود وأن الحذر لا يمنع من قدر ! نسيت نفسى ودخلت فى موضوع تانى ! معلهش الحلقه القادمه كيف كدت أموت أنا ( بس عمر الشقى بقى ) Dr. Bolbolan ptmnlo123per176 
|
|
#58
09-05-2009, 06:50 AM
|
||||
|
||||
|
رد: حكايتى مع السيارات فى العراق !
فى يوم كنت قاعد فى العياده فى أمان الله ! لقيت الباب مضروب بالرجل وداخل لى واحد مصرى شاب صغير
السن بيصرخ و لافف يده اليمنى بقماش يقطر دمآ ! عادى ! اتعودنا ما نتهزهش من الحاجات دى ! رفعت القماشه بالعافيه من على يده و يا هول ما رأيت ! لقيت أقصد ما لقيتش نصف كفه مع أربع صابع مش موجودين من أساسهم يعنى اللى موجود الصباع الكبير فقط ويادوب مفصل الساعد ! والسبب انه كان بيشتغل على منشار رأسى بموتور قوى ( زى اللى بيقطعوا به الخشب ) وسرح لحظه واحده و بس خلاص ! المهم دى كانت فوق امكانيات العياده و كده و لا كده لازم يروح المستشفى البرازيلى الرئيسى و ممكن بعد كده يروح مستشفى حكومى ! عملت الاسعافات الآوليه و حقن ضد الآلم و الصدمات وقمت واخده جنبى فى سيارة الاسعاف الفولكس ( لا يوجد سائق ) وقمت طاير بيه على المستشفى التى تبعد 300 كم بطريق ثلثه مدق صحراوى ( ما فيش أسفلت ) والباقى أسفلت ناعم صحيح بس ضيق نسبيا ورايح جاى على فرده واحده! الفولكس دى كان أقصى سرعه فيها 100 كم رغم ان تسارعها كان حلو ! وبعدين طبعآ ما كانش فيه أحزمة أمان يعنى لازم تتشبس بالدركسيون لآنه مع كل زلطه صغيره تحت العجل تلاقى نفسك خابط أو مرزوع فى السقف ! المهم الواد ( و كان صعيدى ..... ) كان بيعيط الآول ! قلت حقه ! مسكين ! و فى نصف المسافه ابتدى أستغفر الله العظيم يعاتب ربنا مثلا يقوله ( لو كنت كريم ما كنتش عملت لى كدا و .... و... ) طبعآ أنا كنت متغاظ منه و حاولت أصبره ما فيش فايده! و طالعين مطلع يا معلم ( طبعآ بآخذ أقصى اليمين علشان مش عارف ابه المقابل ) وقبل القمه بشويه قابلتنى سيارة مجارى مسرعه ( مش عارف ليه ! ) ولما أصبح بينى و بينها مسافه قصيره اذا بخرطوم لى كبير ( يحتوى على سوست و باشبورى نحاس ) مربوط بطول السياره وينتهى بخلفها ! يقوم مفكوك من ربطته ومفرود بالعرض و لازم يلوش سيارة الاسعاف فى وجهها ( من ناحيتى طبعآ ) ptmnlo123per1106 طبعآ كرد فعل سريع أخدت أقصى اليمين ونزلت على الطبان ! لقيت ما فيش بعد الطبان حاجه ! أتارى المطلع ده جبل و أنا مش عارف ! المهم الاسعاف مشيت على سيفها ازاى معرفش وطبعا ما شلتش رجلى من على البنزين ! وعدا الموقف بسلام ! جيت فى حته هادئه بعد المطلع مانتهى ! ونزلت من الاسعاف أتشاهد و نزلت المصاب اللى معايا و انفجرت فيه !ptmnlo123per111 ح أموتك هنا يابن ال.... ح أسيبك فى الصحراء للكلاب تاكلك يابن ال.... ايه يعنى ايدك انقطعت ! مانشالله تولع كلك يا بعيد ! احترم نفسك و بطل تشتم فى ربنا ! الله يخرب بيتك ح تموتنا و تودينا فى داهيه كمان ! ptmnlo123per195 وطبعآ ما كنتش بأهزر ! المهم الراجل انكتم لحد ما وصلنا المستشفى ! وما شوفتوش بعد كده ! فى التكمله انشاء الله ح أحكيلكم على الكرنفال اللى شوفته و حكايتى مع المزز فى المستشفى و نسيب حكاية الضرب بالنار دى ليوم تانى ! Dr. Bolbolan ptmnlo123per1127
|
|
#59
09-05-2009, 03:26 PM
|
||||
|
||||
|
رد: حكايتى مع السيارات فى العراق !
والله العظيم يا دكتور انت راجل زى العسل .............متابع بشغف واهتمام
|
|
#60
09-05-2009, 06:21 PM
|
||||
|
||||
|
رد: حكايتى مع السيارات فى العراق !
وصلت المستشفى البرازيلى متأخرأ ( قبيل المغرب ) و طبعآ ماكانش ممكن أرجع الكامب بتاعى مساءٍ لذلك
د/ لويس كارلوس دوجونكيرا ( المدير ) قال لى نام فى المستشفى فى أى حجرة تعجبك لآن الفلل بالخارج كلها مشغوله علشان الليله العيد بتاعنا ! و طبعا الآكل موجود بميس المستشفى و خاص بالآطباء و الممرضين فقط وكله تمام ! اتعشيت لوحدى ولقيت برده واحد من الطباخين مصرى صعيدى .... و كان مبسوط جدآ ان فيه دكتور مصرى وسألته طبعآ فيه خنزير فى الآكل ؟ قالى ماتخافش دى أمانه ! جلست لآكل ولسه بأضرب ملعقة أرز لقيت فيها قطع كده زى البسطرمه ! قلت عال أنا متربى ع البسطرمه ! فجأه لقيت طعم غريب فى فمى ! لا هو بسطرمه و لا لحمه ! ptmnlo123per1106 يا لهوى ! خنزير !! قمت غسلت بقى و غسلت صاحبنا الصعيدى ده ! اللى قال لى غريبه مع انى شايلهم من الرز بتاعك ! أعملك بيض مقلى ؟ قلت له خلاص شكرآ عرفناكم يا بنى عبس ! ولسه ح أنط فى كرشه سمعت ضجه شديده وطبله و مزيكا ! ايه ده يا جدع ؟ الكرنفال ابتدى والحق اتفرج عليه يا دكتور دى حاجه مش ح تشوفها غير مره فى العمر ! فقلت فى نفسى ماشى اليوم خمر ونساء وغدآ سيكون أمر !! هاهاها ( ملحوظه : دى هذار حاكم أنا أياميها كنت بذقن عظيمه و ذبيبتين صلاه كمان ! ) خرجت أتفرج لقيت بالضبط زى الآفلام اللى بنشوفها نسوان بلابيص و مغطيين بس العوره بريش أو هلاهيل ملونه وعربيات متزوقه و النسوان و الرجاله هاتك يا رقص أو مشيه راقصه جميله مع موسيق برازيليه رائعه تشبه موسيقى الصالصا وصواريخ بنتضرب فى السما و ناس بتشرب خمره بجميع أنواعها وعيشه تانيه خالص !ptmnlo123per154 وشفت بعينى واح سكران قام عامل بول فى زجاجة ويسكى فاضيه واداها لواحد تانى قام دالقها على بقه وبعدين طبعا تفها و طلع يجرى ورا الآولانى و نظام مقالب وكله بيلعب مع كله وكلهم بيقولوا لبعض فليز ناتال ! يعنى عيد ميلاد سعيد ! الآول كنت فرحان بالمنظر لكن بعد شويه زهقت و دخلت أنام ! اسنضفت حجره بها سريرين و فردت طولى بهدومى على واحد منهم وطبعآ عينى لم تغمض علشان مش واخد على المكان ! ptmnlo123per172 بعد حوالى ساعه لقيت الباب بينفتح ! قمت عامل نفسى نايم بسرعه بس شايف من بين رموشى ! دخلت بنتين ممرضتين برازيليتين انما ايه ! فشر الفراخ البرازيلى والبط و الوز البلدى كمان ! نظروا الى باستغراب و اتكلموا مع بعض بسرعه ما فهمتش طبعآ هما قالوا ايه ! و هوب راحت واحده ناطه على السرير الفاضى اللى جنبى و التانيه هوب على السرير اللى أنا نايم عليه ! يا ليله سوده ! دانا ماتعملش فى كده و أنا صغير ! يقوم يحصلى كده و أنا كبير ptmnlo123per111 طبعا الحمدلله ذقنى نقحت على و الزبيبتين و قمت صاحى ! فيه ايه يا وليه ! انجليزى على برازيلى فهمتهم موضوعى فقالت لى وماله أصل ده سريرى ومش مشكله تنام جنبى ! فقلت لها كلا و ألف كلا ! نعم ياختى ؟؟ptmnlo123per154 ما تروحى تنامى جنب صاحبتك ! فرفضت و قعدت تشرح لى ليه و أنا مش فاهم ! ولكن فى النهايه ( الله غالب ) و أعطيتها ظهرى وعملت نفسى نايم و أنا طبعا لا نمت و لا حاجه ! و كأن جسمى كله دبابيس و مطلع صهد ! أنا ايه اللى جابنى هنا ptmnlo123per144 نكمل بقى المشاركه الجايه و فيها حتشوفوا فضيحتى اللى كانت بجلاجل فى المستشفى و تعرفوا ليه بنت اللذين دى ما راحتش تنام جنب البنت التانيه ( ملحوظه : لا يوجد أدنى فشر أو تأليف فى هذا الكلام ) و أنا طبعآ عارف ان فيه ناس كتير منكم زمانهم زعلانين منى دلوقت ptmnlo123per184 بس اللى حصل حصل ! والسلام عليكم و رحمة الله . Dr. Bolbolan ptmnlo123per1127
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| احدث جهاز لكشف اعطال جميع انواع السيارات launch pro3 | شركة الجراج | مراكز الصيانة | 0 | 18-11-2014 03:32 PM |
