ممكن تنتخب طنطاوي .... بس من غير نرفزه

[Explorer]

أكيد شوية عيال من اللي بيتفرجوا على أحمد ظبايضر

[lost2008]

المشاركة الأصلية كتبت بواسطة تامر ديزل يعني قول رايك في كلمتين من غير نرفزه ممكن تنتخب طنطاوي ؟ اه او لا او يمكن ووضح سبب اختيارك ف سطر واحد عشان الاستطلاع يكمل ونعرف راي الناس ماشي؟ ياللا بينا

ليه معملتلوش عنوان زى بتاع البرادعى؟؟:bb127bc6eab060 e3e23

[تامر ديزل]

المشاركة الأصلية كتبت بواسطة lost2008 ليه معملتلوش عنوان زى بتاع البرادعى؟؟:bb127bc6eab060 e3e23

يعني دلوقتي الاعتراض على العنوان ولا الاعتراض على انه موجه للبرادعي ؟
يعني لو كنت قولت من الاول حمرا يا طنطاوي ما كانش هيبقى عنوان فج ولا حاجه ؟ ولا هوا عنوان فج علشان موجه للبرادعي ؟ ولو موجه لطنطاوي يبقى كويس وحرية تعبير
وعلشان محدش يتلكك او يفتكر اني بدافع عن طنطاوي ولا حاجه انا بسال ليه دايما لما بيكون الكلام في صفنا حتى لو قبيح وفيه تجريح بيعجبنا وبنستميت في الدفاع عنه زي مثلا اللي طلعوا وقالوا على المجلس العسكري ده مجلس كلاب محدش من اخوانا اياهم فتح بقه وقال كده عيب ولما اسماء محفوظ قالت على الهوا :الزفت طنطاوي محدش نطق بل بالعكس دافعوا بشراسه وقالو دي حرية راي وتعبير
طبعا هيتقال اصل طنطاوي سرق الثوره ويستاهل اللي يجراله .... ماشي معاك بس احنا بنتكلم في نقطه العناوين والكلام الفج لو مسموح يبقى مسموح على الكل ولو ممنوع يبقى على الكل برضه

[lost2008]

المشاركة الأصلية كتبت بواسطة تامر ديزل يعني دلوقتي الاعتراض على العنوان ولا الاعتراض على انه موجه للبرادعي ؟ يعني لو كنت قولت من الاول حمرا يا طنطاوي ما كانش هيبقى عنوان فج ولا حاجه ؟ ولا هوا عنوان فج علشان موجه للبرادعي ؟ ولو موجه لطنطاوي يبقى كويس وحرية تعبير وعلشان محدش يتلكك او يفتكر اني بدافع عن طنطاوي ولا حاجه انا بسال ليه دايما لما بيكون الكلام في صفنا حتى لو قبيح وفيه تجريح بيعجبنا وبنستميت في الدفاع عنه زي مثلا اللي طلعوا وقالوا على المجلس العسكري ده مجلس كلاب محدش من اخوانا اياهم فتح بقه وقال كده عيب ولما اسماء محفوظ قالت على الهوا :الزفت طنطاوي محدش نطق بل بالعكس دافعوا بشراسه وقالو دي حرية راي وتعبير طبعا هيتقال اصل طنطاوي سرق الثوره ويستاهل اللي يجراله .... ماشي معاك بس احنا بنتكلم في نقطه العناوين والكلام الفج لو مسموح يبقى مسموح على الكل ولو ممنوع يبقى على الكل برضه

المقصود ليه حاطط عنوان فيه استفزاز على موضوع استطلاع البرادعى فى حين انك هنا حاطت عنوان عادى و طبيعى, بس كدة,,

[تامر ديزل]

المشاركة الأصلية كتبت بواسطة lost2008 المقصود ليه حاطط عنوان فيه استفزاز على موضوع استطلاع البرادعى فى حين انك هنا حاطت عنوان عادى و طبيعى, بس كدة,,

بصراحه نزول طنطاوي كان مستفز ومنرفز الناس العاديه زي ما شفنا بعد كده في المشاركات وفي نتيجة الاستطلاع ومتهيألي العنوان كان مناسب وهدفه اننا نناقش فكره او بالونة الاختبار اللي عملهالنا طنطاوي بس من غير ما نتنرفزوالعنوان جه معايا كده حسب مضمون فكرة الاستطلاع .. انما لما عملت موضوع البرادعي كان السبب هوا حواره على قناة الحياه بعد احاث ماسبيرو وكان باين عليه انه متوقع لنفسه تليفون بين لحظه والتانيه لتولي الوزاره مكان عصام شرف او على الاقل بيقدم نفسه من خلال الحوار ده على انه بديل كويس وياللا يا مجلس يا عسكري خدني رئيس وزرا وانا احل لك كل المشاكل .... فطلع العنوان ده
على فكره انا مستمتع بمشاركاتك وبالحوار معاك لان مش لازم الحوار يبقى بين اتنين متفقين هيبقى مالوش معنى مجرد تطمين ان افكارهم واحده لكن لما بيكون الحوار بين اتنين مختلفين في الراي بيكون افيد بكتير لان الشئ لا يتضح الا بضده