انا من الاغلبية الصامته وعايز اتكلم

[تامر ديزل]

لقيت دي على النت وانا بدعبس عن اي اخبار بخصوص مليونية 9 سبتمبر
قلت انقلهالكم كده بعبلها زي ما هيا
وللعلم لست مع هذاالرأي او ضده ولكن هوا سيناريوا متوقع ممكن يحصل وممكن ما يحصلش
المصدر اجابات جوجل : والعنوان للمصرين فقط ضروري ...احذروا من مليونية 9 سبتمبر
( حيوزعوا ورق ويقولوكم دى مليبونية لاقالة حكومة شرف و وقف المحاكمات العسكرية و تطهير القضاء و اقالة النائب العام والاسراع بمجاكمة مبارك و تطهير الاعلامووضع حد ادنى للاجور 1200 جنية واعانة بطالة و التوقف عن قيادة الثورة المضادة وووووو
حيملوها حجات كدة من اللي يلموا بيها الشعب ويتاجروا بالامهم المهم يجمعوا ويحشدوا اكبر عدد ممكن
المهم انك بعد ما حتروح الملايونية دى بحسن نية ...مش حتلاقي حد بيقول المطالب دى المذكورة اعلاه ..حتلاقيهم بيقولوا حاجة تانية وهى (يسقط المشير ..يسقط حكم العسكر ...يسقط الجيش) وحتلاقي نفسك مشترك معاهم في الاشتباك مع الجيش لاضعافة واسقاطة وحرق دباباتهم .
ودة بسبب ان الانتخابات اللي منظمها الجيش قربت خلاص فاضلها اقل من شهرين ..وهما عاوزين يلحقوا يسقطوا المجلس العسكري قبل الانتخابات ..علشان يعملوا مجلس مدنى منهم ينقلب على الثورة ويمسك الحخكم بالعافية 3 سنين) انتهي الاقتباس

[تامر ديزل]

بمناسبة مليونية 9 سبتمبر
كيف تعمل مليونيه في اربع خطوات
واحد : دعوات على الفيس بوك للتظاهر مع ذكر سبعتلاف سبب عادل للتظاهر وسبعتلاف مصيبه هاتحصل لو لمظاهرة ما اتعملتش
اتنين : الخروج من المساجد بعد صلاة الجمعه بشعارات سلميه سلميه سلميه
تلاته : التوجه لميدان التحرير ووبدء التجمع وتصعيد الشعارات
اربعه : بس خلاص بقت مليونية لان الشعب المصري هيكون كله موجود اللي بيتفرج والي بيغير جو واللي بيخرج طاقته وعندك تلاتين الف بائع جائل مفرد باعه جائلين وتلاتين الف بلطجي جاي في اي مصلحه وتلاتين الف مخبر امن وطني وتلتميت الف بني ادم عايزين يعدوا م الميدان ويروحوا مصالحهم لقوه مقفول وقفوا بالمره يشاركوا
عفوا هذه الوصفه للاستخدام المستقبلي فقط علشان محدش يقول بيشوه الثورة
انتو عارفين تحليلي للثورة وبرضه محدش يقدر ينكر انه النوعيات اللي قلت عليها في الوصفه دي بتييجي الميدان وبتشارك بكل قوه وبكل حماس وبكل فهم وعدم فهم وكل مليونيه وانتم طيبين

[تامر ديزل]

سؤال
ياترى الشرطه والجيش ها تكون موجوده في الميدان يوم الجمعه 9 سبتمبر ولاهاتسيبهم للمتظاهرين؟
سؤال تاني
ياترى المتظاهرين ها يخلوا الميدان بعد المظاهرة ولا ها يعتصمولهم قد عشره خمستاشر قول شهرين كده؟
السؤال التالت
لو العساكر في الميدان وراح عليهم المتظاهرين ممكن يتجاهلوا بعض ويعدوا يومهم ولا ؟؟؟؟؟

[The MERCURY]

انا مش مبسوط من التهريج اللى بيحصل فى البلد

[fourseasons]

لا تعليق كل الى حضرتك بتؤلوه حصل امبارح و ديح حق الشهداء الى ماتوا على الحدود و ممكن يتسبب فى ازمة دولية لمصر و الى يقول يتحرقوا. انا مش قصدى اسرائيل ,يتحرقوا بجاز.لاكن انا قصدى لما يحصل عندك اقتحام سفارة ديه كارثة كارثة كارثة يعنى من الاخر احنا دولة هلهولة مش عارفة تحمى السفارات و الرعاية الأجانب.وربنا يسترها علينا فى الايام الى جايه