ما موقفك من الجماعات الاسلامية الموجودة علي الساحة؟

[gadix]

المشاركة الأصلية كتبت بواسطة nadeem55 الأخ الفاضل لا يمكن أن يختزل المنهج السلفي في شخص أو حزب أو جماعة ، وذلك لأنه هو الإسلام في ذاته الذي أمرنا به رسولنا صلى الله عليه وسلم ،

شكرا اخي الكريم علي الرد
يلتبس علي موقف شيخ الازهر و مفتي الجمهورية من الطرق الصوفية و التي يغلب عليها الابتداع
و نسمع ان الازهر يسيطر عليه الاشاعرة و سمعت علي جمعة يتحدث عن الماتريدية و لا اعلم هل هي طريقة ام مذهب ام منهج

[gadix]

المشاركة الأصلية كتبت بواسطة akerima انا ساكن جنب شارع السكندرانية يعرفوه كويس اسمة هدي الاسلام الناس اللي فية سلف ولهم شكل معين - ناس في منتهي الجمال تفخر بهم كمسلمين هما دول اللي يدخلوا عقلي كجماعة اسلامية ورغم عدم انتمائي لهم الا اني افخر في يوم ما اني ابقي واحد منهم

ممكن تكلمنا اكتر عن الناس الي انت معجب بيهم اوي كدة
سلوكهم ايه في الشارع؟
سلوكهم ايه مع المسلمين غير المنتمين لهم؟
سلوكهم ايه بين بعضهم داخل جماعتهم؟
سلوكهم ايه مع غير المسلمين لو تعرف مواقف؟

[nktis]

متابع بشغف............
وللصدفه البحته انا انبارح بعد ما روحت سمعت حلقه واحد من الناس وكان عمرو الليثي مستضيف الشيخ محمد حسان وطرح عليه جميع الاسئله ورايه وراي الاسلام في الفن والسياحه وبصراحه انا مع الشيخ محمد حسان في ردوده المقنعه وهي الاعلام الموجه وليس المحرك لغرائز الشباب ...وكذلك السياحه ..منع تقديم الخمور ووضع قوانين تخص الملبس المحتشم واللي عايز يجي اهلا وسهلا..احنا مش هنعصي ربنا عشان فلوس السياحه وعشان يقولوا علينا متحضرين

[alymonir]

sorry
i have problems in writing with arabic
i will be back soon

[alymonir]

المشاركة الأصلية كتبت بواسطة د.كمال الاخوان المسلمين جماعه معتدله ولهم سياساتهم البعيده عن العنف اما الجماعات الاخرى مثل الجهاد والسلفيين نظرتهم ضيقه وليس لديهم برنامج انتخابى ولا رؤيه سياسيه ولهم اجنحه عسكريه متخفيه وشاهدنا مؤخرا قطع الاذن وهدم الاضرحه فأرجوا ان يبتعدوا عن السياسه ويتركوا الشعب المصرى فى حاله .

اخي العزيز لابد ان تتعرف اكثر على المنهج السلفي

المشاركة الأصلية كتبت بواسطة Ahmed Anwer الأخوان المسلمين أنا بستريحلهم ،، و بأعتقد إنهم جماعة وطنية ذات تاريخ عريق و خدمت مصر في مجالات عدة ،، بأخذ عليهم فقط مبدأ الولاء و الطاعة و الله أعلم ممكن المنهج ده يتغير خصوصا في نطاق المطالب المستمرة لشباب الأخوان بتغيير آلية اتخاذ القرار في الجماعة و المطالبة بعملها العلني ،، أما المنهج السلفي ،، فالصراحة أضع يدي علي مسدسي ،، لما يذكر اسمه ،، و موقفي منه دينيا قبل سياسيا أو اقتصاديا أو اي حاجة تانية المصيبة إنهم بيسوقوا لنفسهم علي اساس إنهم الدين الصافي النقي علي منهج أهل السنة و الجماعة و الرسول الكريم عليه الصلاة و السلام و أصحابه و السلف الصالح و ده بيلقي رواج عند الناس علي الأقل لو مش قادرين علي التطبيق بيتعاطفوا معاهم علي إنهم الدين الصافي السليم و الحقيقة إني أعتقد إنه منهج ليس الثواب المطلق ،، و لكن يشوبه الكثير و الكثير و عندي اسبابي و تجاربي الشخصية بس ما أقدرشي اخوض فيها ،، الموضوع ده محتاج علماء أفاضل ينقدوا المنهج ده و يكشفوه للناس ،، الخلاصة بعودة الأزهر الشريف لدوره اللي أختذل و تشوه خلال الستين سنة الماضية ،، كل المناهج دي هتقع و هنرجع للإسلام الوسطي اللي بيجمع بين النقل و العقل

واضح انك هندك تجارب أليمة شخصية مع بعض الناس و ليس المنهج
تابع معنا نستفيد من بعض إن شاء الله

المشاركة الأصلية كتبت بواسطة akerima بارك الله فيك ولم اكن لاعبر كما عبرت انت - بالبلدي كده - انا مع الناس اللي تيجي تقولي ادي الحلال وادي الحرام ودا الصح ودا الغلط لكن ضد الناس اللي عايزه تغيبني وتقلي ادخل يمين او شمال والدين بيقول كده وهما ملهومش دعوة بالدين وكل اغراضهم دنيوية - انا ساكن جنب شارع السكندرانية يعرفوه كويس اسمة هدي الاسلام الناس اللي فية سلف ولهم شكل معين - ناس في منتهي الجمال تفخر بهم كمسلمين هما دول اللي يدخلوا عقلي كجماعة اسلامية ورغم عدم انتمائي لهم الا اني افخر في يوم ما اني ابقي واحد منهم

أحييك على فطرتك السليمة إن شاء الله
اللهم أرنا الحق حقا و أرزقنا اتباعه

المشاركة الأصلية كتبت بواسطة gadix شكرا اخي الكريم علي الرد يلتبس علي موقف شيخ الازهر و مفتي الجمهورية من الطرق الصوفية و التي يغلب عليها الابتداع و نسمع ان الازهر يسيطر عليه الاشاعرة و سمعت علي جمعة يتحدث عن الماتريدية و لا اعلم هل هي طريقة ام مذهب ام منهج

نوضح مع بعض لاحقا هذا الامر أيضا

المشاركة الأصلية كتبت بواسطة nktis متابع بشغف............ وللصدفه البحته انا انبارح بعد ما روحت سمعت حلقه واحد من الناس وكان عمرو الليثي مستضيف الشيخ محمد حسان وطرح عليه جميع الاسئله ورايه وراي الاسلام في الفن والسياحه وبصراحه انا مع الشيخ محمد حسان في ردوده المقنعه وهي الاعلام الموجه وليس المحرك لغرائز الشباب ...وكذلك السياحه ..منع تقديم الخمور ووضع قوانين تخص الملبس المحتشم واللي عايز يجي اهلا وسهلا..احنا مش هنعصي ربنا عشان فلوس السياحه وعشان يقولوا علينا متحضرين

كلام موزون جدا