اول خطاب لمبارك بعد التنحى ( على قناة العربيه)

[MmFFoR]

المشاركة الأصلية كتبت بواسطة فادى بلاش الحجة دى بالذات, لا أعتقد ان حضرتك تعانى من اى من هذا. و بعدين كل بلاد الدنيا فيها فقراء حتى أغنى البلاد, السعودية فيها فقراء, أمريكا فيها فقراء يمكن احوالهم اسوأ من مصر. دى سنة الحياة, و ربنا وزع الارزاق و فى ذلك حكمة لا يعلمها الا هو سبحانه و تعالى. يا , لا تنجرف مع هذه المزاعم, فالثورة أصبح بها للأسف رائحة شيوعية و اشتراكية بغيضة قد تعود بمصر عقودا الى الوراء.

انت خايف على الثورة؟ انها تبقى فيها رائحة اشتراكية او شيوعية؟
انا كنت فاكر انك ضد الثورة!
عموما كلامك عن ان وجود فقراء في كل مكان ده كلمة حق اريد بها باطل
لان في امريكا و العالم كله السكير او المدمن او الللي مبيشتغلش هو اللي بيبقى فقير

لكن في مصر في عهد مبارك ( اسم على غير مسمى ) اصبح الطبيب بياخد 250 جنيه من بعد ما بيتخرج الى ما شاء الله مع بدلات و علاوات و نفخ في الميت بيوصل 600 جنيه ( مش للجميع ) يعني المفروض دكتور متزوج و يعول يصرف 20 جنيه يوميا شاملة مواصلاته و ايجار السكن و الفواتير و الاكل و الشرب ( حنقول انه مبيتفسحش و مبيلبسش مقضيها نيوديتي و مبيعياش!!! )
اديلك 20 جنيه في اليوم و تتصرف؟ بس قوللي حتجيب شقة و تأجرها بكام الاول
انا و لله الحمد كنت باخد فوق ال 3 الاف جنيه بس اخواتي 3 دكاترة كلهم بياخدوا اللي انا بقولك عليه ده!
اصدقائي من محاسبين بياخدوا 550 جنيه و واحد بس شغال في شركة مقاولات بياخد 900 جنيه

[فادى]

المشاركة الأصلية كتبت بواسطة attef1 سبحان الله الناس عايزه اعدام بالاهواء كده من غير محاكمات ولا اى حاجه هو المفروض كمان الواحد ميدافعش عن نفسه هو المفروض يسجد وهو بيتكلم دا كان فى ايديه يخرج بنفس الطياره اللى ودته شرم لاى مكان تانى فى العالم الا انه ادى درس فى الوطنيه للحكام والشعوب العربيه وحفظ كرامة البلد ادام العالم ومع ذلك فيه "غل" غريب جدا يعنى بالمنطق راجل كبييييير فى السن ومريض ومطرود من الحكم ايه اللى يقعده فى مصر المخروبة ؟؟؟؟؟؟؟؟ لاهو هايرجع للحكم ولا ينفع وبمحاكمته مش هايرجع اللى راح عجبت لك يا زمن

كلمة الغل تلخص كل ما أصبحنا فيه,
كانت ثورة سلمية من أجل الديموقراطية,
فأصبحت ثورة "غل" و حقد و كراهية و تدمير و قتل.
و الثورات الدموية مصيرها دائما ما يكون مظلما.

[samirayad]

المشاركة الأصلية كتبت بواسطة فادى بلاش الحجة دى بالذات, لا أعتقد ان حضرتك تعانى من اى من هذا. و بعدين كل بلاد الدنيا فيها فقراء حتى أغنى البلاد, السعودية فيها فقراء, أمريكا فيها فقراء يمكن احوالهم اسوأ من مصر. دى سنة الحياة, و ربنا وزع الارزاق و فى ذلك حكمة لا يعلمها الا هو سبحانه و تعالى. يا , لا تنجرف مع هذه المزاعم, فالثورة أصبح بها للأسف رائحة شيوعية و اشتراكية بغيضة قد تعود بمصر عقودا الى الوراء.

إيه ياجدعان

بتحسسونى

إنكم مش مصريين

ولا عارفين حاجه عن مصر

يا أخوانا مصر مش المهندسين فقط

________________

مصر فيها بلاوى كتيييييييييييييييييييييير

وإللى مش مصدق

يحاول يعمله مشوارين تلاته

للصعيد ووسط الدلتا وخلافه

ويروح يشوف زرزاره وخلافه ببورسعيد

________________

بلاش نتعبك معانا ياعم فادى

وللمقيمين بالقاهره

( وعلى المقيمين بخارجها مراعاة فروق التوقيت )

علشان منتعبش بتوع القاهره

عليكم وعلى منطقة الدويقه وأنت رايح على القلعه

( بس سمى وأنت رايح على القلعه )

هتشوف الناس عايشه إزاى

_______________

فحقيقة عجبت لك يازمن

فيك ناس

لا تنظر إلا لأنفسها ولا تنظر إلى الفقراء والمعدومين

وفى ذات الوقت تدعى

أنها مسلمه وموحده بالله

________________

ألا يتذكر هؤلاء الناس أن المصطفى

عرض عليه أن يتنعم

ويعيش كأغنى الأغنياء

فماذا قال (ًًص)

لقد رفض أن يعيش متنعما وغيره معدما

فلقد قال

اللهم أحينى فقيرا ....وأمتنى فقيرا ....وأحشرنى فى زمرة المساكين



لقد كان ينظر لغيره

قبل أن ينظر لنفسه

_______________

فهل كان رئيسك الذى تبكى عليه دما

يا أخ : فادى

يفعل ويقتدى ولو بشعره من خلقه

[samirayad]

المشاركة الأصلية كتبت بواسطة فادى بلاش الحجة دى بالذات, لا أعتقد ان حضرتك تعانى من اى من هذا. و بعدين كل بلاد الدنيا فيها فقراء حتى أغنى البلاد, السعودية فيها فقراء, أمريكا فيها فقراء يمكن احوالهم اسوأ من مصر. دى سنة الحياة, و ربنا وزع الارزاق و فى ذلك حكمة لا يعلمها الا هو سبحانه و تعالى. يا , لا تنجرف مع هذه المزاعم, فالثورة أصبح بها للأسف رائحة شيوعية و اشتراكية بغيضة قد تعود بمصر عقودا الى الوراء.

دى سنة الحياه

مع من ينظرون لأنفسهم فقط

وعندما نتحاور بخصوص حاجه تمس بيتنا الأكبر ( مصر )

لا يجب أن نذكر أمثله

ملناش دعوه بغيرنا ( على فرض صحة كلامك )

لنا دعوه ويخصنا فقط

مشاكل بيتنا الأكبر

(مصر )

[nktis]

متابع...............