حلقة نقاش حول الاستفتاء القادم عن التعديلات الدستورية

[samirayad]

اشمعني دي بقي اللي قلت بعها وخلاص ههه

معقوله لسه مفهمتنيش

ياباشا

أنا قصدى على الدستور المرقع القديم

فا

دستور مرقع قديم = عربيه عامله حادثه وعفا عليها الدهر

وبوزها ملووح وشاسيها خلف خلاف


ودستور جديد = عربيه مرشيدس زيرو


وأمامك الخياران وربنا موسع عليك ومعاك ثوره بيضاء


فأيهما تختار .................؟

المشاركة الأصلية كتبت بواسطة nadeem55 لصوص الوطني سوف يبدلون جلدهم ويشترون زمم كثير من الناس بالفلوس ليحافظوا على مانهبوه طيلة فترة مبارك ، والخشية من قفزهم بهذا الأسلوب في الانتخابات البرلمانية ، ومن ثم سيختارون رئيسا على مقاسهم ، وسوف يستغل العوار الدستوري للمواد التي لم تعدلها لجنة تعديل الدستور ، والتي تعطي سلطات إلهية للحاكم وتكدس له السلطات الثلاث في قبضته ، وآنذاك ستعود ريما لعادتها القديمة ، ووما يزيل هذه الشكوك تعيين مجلس رئاسي مكون من ستة أشخاص لإدارة البلاد في المرحلة الراهنة ، وهذا ما رفضه الجيش مما يعطي انطباعا بوجود نوايا خفية ، وكذلك كان الأجدى عمل لجنة بتفويض من الثوار لتعديل الدستور تعديلا ثوريا كاملا بجميع مواده ، وإن رفض هذا جاليا فلابد من اطلاق الحريات وخاصة انشاء الأحزاب وايقاف العمل بالطوارئ حتى يوجد جو الحرية الحقيقية التي تولد الادراة الشعبية والاختيار الحر ، وعدم قفز القوى المختبئة للسيطرة على الموقف

المشاركة الأصلية كتبت بواسطة Ahmed Anwer قررت التصويت ب لا إن شاء الله ليس اقتناعا و ليس إيمانا بإن السناريو المرسوم سيناريو سئ و لكن فقط لإيصال رسالة بإن القوي الجديدة و الثورة صوتها عالي جدا و مدوي حتي لو جاءت الغالبية لمصلحة نعم ،، فلا أريد أن تكون أغلبية 90% دلوقتي الحزب الوطني و الأخوان المسلمين و حركة الدعوة السلفية أعلنوا تأييدهم ل نعم و حركة 6 أبريل و إئتلاف شباب الثورة و الجمعية الوطنية للتغيير ( البرادعي ) أعلنوا تاييدهم ل لأ طيب أنا هأصوت ب لأ ،، عند عشان أوصل رسالة إن القوي الجديدة صوتها عالي و مش مهم ابقي مقتنع 100%

مع كامل احترامي لرأي كل منكم
لكن ليا سؤال
هو لسة فية حاجة اسمها الحزب الوطنى
اعتقد ومن زمان مكانش فية حدا بينجح منة الا بالتزوير
او كانو مستقلين ضحكو على الناس فانتخبوهم وبعدين الحزب الوطنى يغريهم فيروحولو
دا حتى العبط اللي كانو بيترشحو ويقولك على مباديء الحزب الوطنى كانو بيسقطو على طول
ياجماعه الموضوع مش ان الي اتلسع من الشوربة ينفخ في الزبادي
الموضوع انة فعلا مافيش حزب وطنى نهائي
خلاص بح
عارفين لو حد فيكم قتل برص
بيفضل ديلة بيلعب حتى بعد مايموت
هو دا دلوقتي الحزب الوطنى

[pointer]

المشاركة الأصلية كتبت بواسطة walidelwahsh الدستور مش زي العربية فارق شاسع جدا بين الاتنين ينفع نعمل دستور دلوقتي في وقت الطواريء ووقت المطالب الفئوية لسة ماخلصتش انتم فاكرين الاعتصامات بتاعة الاقباط دول عشان الكنيسة طب ما الجيش نفسة هد بعض المباني والحوائط المخالفة في دير الانبا بشوي في وادي النطرون ولم يعترضو بل واقرو بمشروعية الهدم رغم حدوث اصابات كتيرة ساعته تفتكرو البهائيين حايسكتو دلوقتي وتفتكرو وتفتكرو....كل طلب حايبقى له مؤيدين ولازم يكون الدستور فية كذا وكذا اللي انا مقتنع بية ان لو تهدم غرفة او اتنين في بيتك واجيب بلدوزر واهدة كلة لأ أرمم اللي باظ وبعدين ابقى براحتى بقى اهد وابني من جديد بس بعد ما الوقت يكون ملاءم لكن دا مش وقت هدم دا وقت بنااااااااااااااااااااااا ء

زي بعض يا باشا
امشي معايا وحده وحده و هتعرف ان كل كلمه ليها مغزي ,

الثوره المضاده هي اللي بتحرك المظاهرات الفئوبه
لاحظ ان الجيش قال هنعاقب البلطجيه ما شفناش اي حاجه فئويه تاني
الله مش كانت مطالبهم مشروعه
ايوه مشروعه بس مش وقته الان خالص
فالثوره المضاده المحركه للاعتصامات اتلمت فالناس العاديه حست بغلطها وتسرعها فبطلوا الحجات دي

المشاركة الأصلية كتبت بواسطة pointer زي بعض يا باشا امشي معايا وحده وحده و هتعرف ان كل كلمه ليها مغزي , الثوره المضاده هي اللي بتحرك المظاهرات الفئوبه لاحظ ان الجيش قال هنعاقب البلطجيه ما شفناش اي حاجه فئويه تاني الله مش كانت مطالبهم مشروعه ايوه مشروعه بس مش وقته الان خالص فالثوره المضاده المحركه للاعتصامات اتلمت فالناس العاديه حست بغلطها وتسرعها فبطلوا الحجات دي

أنهى أغلب الأقباط المتواجدون أمام ماسبيرو اعتصامهم اليوم الأحد، بعد بدء القوات المسلحة في بناء كنيسة الشهيدين بأطفيح، ولقاءهم مع الدكتور يحيى الجمل نائب رئيس الوزراء الذي وعدهم بتنفيذ مطالبهم، بينما رفض بعضهم إنهاء الاعتصام وأصروا على البقاء، رافعين مطالب جديدة خلاف بناء الكنيسة تمثلت إقرار قانون دور العبادة الموحد والقبض على من مارس العنف ضد الأقباط في الأزمة الأخيرة.

وكان الآف من شباب الأقباط قد بدأوا اعتصاما مفتوحا أمام مبنى ماسبيرو منذ ثمان أيام، عقب اندلاع أحداث أطفيح الأخيرة، والتي احترقت على إثرها كنيسة الشهيدين بقرية "صول"، مطالبين بضرورة إعادة بناء الكنيسة والتوقف عما أسموه باضطهاد الأقباط، وكان مجموعة من رجال الدين الإسلامي منهم محمد حسان وعمرو خالد ودعاة من الأزهر وشباب ائتلاف الثورة قد زاروا المدينة في محاولة لوأد الخلافات بين أهلها من المسلمين والمسيحيين.
منقول(الدستور الاصلي)

[pointer]

المشاركة الأصلية كتبت بواسطة walidelwahsh مع كامل احترامي لرأي كل منكم لكن ليا سؤال هو لسة فية حاجة اسمها الحزب الوطنى اعتقد ومن زمان مكانش فية حدا بينجح منة الا بالتزوير او كانو مستقلين ضحكو على الناس فانتخبوهم وبعدين الحزب الوطنى يغريهم فيروحولو دا حتى العبط اللي كانو بيترشحو ويقولك على مباديء الحزب الوطنى كانو بيسقطو على طول ياجماعه الموضوع مش ان الي اتلسع من الشوربة ينفخ في الزبادي الموضوع انة فعلا مافيش حزب وطنى نهائي خلاص بح عارفين لو حد فيكم قتل برص بيفضل ديلة بيلعب حتى بعد مايموت هو دا دلوقتي الحزب الوطنى

وليد بك
ايوه في حزب وطني
امال القيادات دي استقالت من كام يوم ليه لو مافيش حزب وطني
الحزب الوطني طبقات وفي كل حته في الدوله
هم بس اللي بيشتغلوا
و ولدهم و اي حد تاني لا
كان فيه حد من البرامج بيقول والعهده علي الراوي ان المعارضه كان بيسلطوا عليها الضرايب و الله اعلم هاحاول اجيب الفيديو

http://www.youtube.com/watch?v=JjIXjQrVZ4Y

يعني من الاخر كل واحد في الحزب صاحب مصلحه بيحارب علي شان المصلحه دي
لازم نتحصن كويس و نضبط الموضوع من فوق علي شان يبقي مضبوط واللي كان مع الحزب مصلحه هيبقي مع الثوره مصلحه بردو ولا ايه