تجربه شيفروليه كروز (حازم خضر)

[hazem_khidr]

المشاركة الأصلية كتبت بواسطة miroseba استاذ والله انت ميه ميه تقرير اكتر من رائع وعلى فكره انا بعتبر العربيات الكورى ديه منظر ورفاهيه فقط لكن هناك سيارات فى نفس الفئه السعريه افضل بكثر مثل الكورولا والفيات برافو و سيات ليون والفورد فيستا صح ولا انا بكلم غلط

اهلا وسهلا يا باشا
بالنسبه للكوري و مقارنته بالياباني او الاوربي فكل عربيه و لها طعم و لو حنقارن يبقي نقارن بالياباني
الكورولا عربيه متفوقه و سمعتها ممتازه علي مستوي العالم بالنسبه لقله الاعطال
لكن لا مانع ان يكون فيه موديل جديد من اي شركه تانيه ينافس الكورولا او الياباني عموما
يعني الكروز كشكل افضل و كثبات افضل بمراحل من الكورولا و تقفيل العربيه ولااروع من كده
لكن فيه نقط بسيطه ممكن تكون نقط ضعفها زي العفشه مثلا و دا بيخلي العربيه تطلع صوت علي المطبات من المستحيل تسمعه في الكورولا سياره الراحه الاولي يعني من الاخر مافيش عربيه كامله نهائي

المشاركة الأصلية كتبت بواسطة mesho70 انا فى انتظار انطباعك الشخصى عن العربية من مميزات وعيوب ويفضل معدل استهلاك البنزين وثبات العربية على الطريق و ..............

الانطباع الشخصي تم دمجه في التجربه يا ميشو بالنسبه لاستهلاك الوقود ما قدرتش اني احدده ودا لاني كنت بستعمل العربيه باسلوب قاسي بعض الشي و تجربه و فرامل و الظروف دي عمرها ما تدي نتياج مضبوطه بالنسبه لاستهلاك الوقود

المشاركة الأصلية كتبت بواسطة mahmoudnada80 روعه التقارير العالميه حصريا علي مصر موتور اخراج أ.حازم خضر

متشكرين يا محمود باشا علي كلامك اللذيذ
و تقبل تحياتي و نتمني نشوفك في المقابلات قريب

المشاركة الأصلية كتبت بواسطة corsair ايو كدا يا حازم باشا هوه ده اللي احنا عايزينه تسلم علي التقرير الجميل ده وسلامي لقريبك اللي اداك عربيته وخلاك تعملنا التقرير الجميل ده

الله يخليك يا كروسير باشا و سلام وصل خلاص

[bmkbmk]

تسلم ايدك يا باشا .... هو ده الكلام
تجربة و انطباعات مفيدة جدا يا كبير

[hazem_khidr]

المشاركة الأصلية كتبت بواسطة مهند سالم تمام، تقرير رائع، بس أنا ما زلت عند رأيي: إنها لا تنافس فئة الياباني، فما زالت أقل من الكرولا واللانسر وطبعا أقل من المازدا 3 وطبعا الهوندا سيفيك، لكنها عربية جيدة ، يعني أفضل بالنسبة لي من الالنترا والسيراتو، وشكرا لصاحب التقرير.

شكرا مهند باشا بالنسبه للمقارنه فهي مش محسومه لصالح عربيه بعينها
يعني مثلا الكورولا الجديد كان فيها مشاكل في التفيس غير موجود زيها في الكروز و اللانسر ال1500 المايفيك كتير بيشتكوا من تسارعها و تسارع الكروز افضل اما بالنسبه للهوندا و المازدا 3 فطبيعه انتاجهم تختلف لانهم سيارت ذات طابع رياضي اكتر من الكورولا لذلك لا تقارن بيهم نهائي

المشاركة الأصلية كتبت بواسطة فادى شكرا يا حازم باشا على التقرير الرائع و المحترف, فعلا جعلنى اقيم السيارة, و اى شخص مقبل على شرائها هيستفيد بوصفك الوافى و الدقيق. و حسنا فعلت بتركيزك على طابع السيارة الاوروبى, فالكروز عربية كورية الصنع لكنها تميل الى كونها المانية أكثر, و ليس ذلك بعجيب, فدايو من زمان تصنع سيارات معتمدة على تكنولوجيا جنرال موتورز و بالتحديد اوبل, فممكن نقول انها سيارة امريكية المانية التصميم تصنع فى كوريا, و لهذا تعتبر افضل الكوريات.

بالضبط يا فادي باشا العربيه فعلا تميل لوصفها بالاوربي اكتر من الاسيوي و بالفعل عربيه معقوله جدا
يالا عقبالك لما تبيع الشاهين و تجيبها

المشاركة الأصلية كتبت بواسطة gobeltoffire_2008 استاذ حازم الا ترى ان الباور الهيدروليكى افضل من الكهربائى خاصه على السرعات العاليه؟

بص يا جلوبل باشا كل نظام و ليه مميزاته و عيوبه
الباور الكهربائي سهل جدا في التحكم و دقيق جدا و علي الطريق بيبقي اتقل بكتير من جوه البلد و بيخليك تحس اوي بالدركسيون
لكن في المقابل الباور العادي ذو مرونه معقوله داخل البلد و علي الطريق بيقلل من ثبات العربيه لو انت مش واخد بالك منه او مش متعود عليه
فالمجمل بيقول ان الكهربائي احدث و افضل
لكن انا بفضل الهيدروليك لسبب و هو انه سهل الصيانه و غير معقد ولا تظهر به مشاكل زي الباور الكهربائي
و علشان كده بقول ان كل حاجه ليها ميزه و ليها عيب

المشاركة الأصلية كتبت بواسطة lol64 تقرير جميل ياحازم وانا كنت مستنى الكماله والتفاصيل عشان اشكرك بشده من التقرير انا كونت فكره ان العربيه فخامه فى التصميم الخارجى والداخلى لكن اداء السياره مش داخل دماغك صح؟ اسلوبك رائع ياحازم فى السرد وتسلم ايدك ياجميل

تمام كده يا لول انا فعلا العربيه عجباني جدا حتي التسارع بس اللي مضايقني فعلا التسارع و انت ماشي من الانطلاق
يعني لو اشاره قفلت عليك مثلا و انت عاوز تلحق تعدي و بتدوس للعربيه حتلاقي فيها شويه كسل و دا بيضايقني جدا في اي عربيه اركبها
اما تسارعها من الثبات فهو ممتاز و علبه التروس متجاوبه

[فاطومه المصريه]

اضافه رائعه للتقرير استاذ حازم

[elprince_dody]

شكرا يا باشا تسلم ايدك