|
#581
30-08-2010, 03:00 AM
|
||||
|
||||
رد: أدب الرحلات
المؤتمر الثامن (التـدخين)
معلش بقى اخواننا اللى بيدخنو يستحملونى وكنا فى القطار العادى والجو حر والشبابيك كالعادة مكسرة وواحد راح مطلع سيجارة وولعها ويادوب خلصها وولع التانية وخلصت وولع التالتة انا / ايه ده ياعم انت سايب صدرك فى البيت ههههههههههه ادعيلى ابطلها لو انت عايز تبطل هتبطل ازاى قل لى لو عيل صغير شتمك فى الشارع هتعمل ايه هضربه ولو قل ادبه وشتمك جامد ده انا اخرب بيت اللى جابوه ليه لانه مش متربى وانا اكبر منه طيب وانت زعلان ان عيل صغير طول لسانه عليك و دى (وشاورت على السيجارة) اللىطولها لايزيد عن 5 سم بأى حال من الاحوال او 10 سم بالكتير مش عارف تتخلص منها ؟؟؟ ده كلام ؟؟؟ يعنى اللى طولها 10 سم دى تتحكم فيك هتتحكم فيا ازاى اقول لك قول اللى هقوله ده عادات كتير من المدخنين مش بتصحى من النوم تدور عليها؟ هز دماغه وقال مش دايما مع الشاى بتشربها ؟ طبعا وكل شوية تمد ايدك تولع واحدة ؟ ايوه ولو اتاخرت شوية سواء خلصت منك او مش معاك كبريت تشحت كبريت من اى حد او تقول لاى حد ولعلى او تشحت سيجارة من واحد صاحبك لحد م تشترى ؟ ايوه صح وفى رمضان بتبقى عصبى لانك مش بتدخن ؟ تمام واول م تفطر فى رمضان اول حاجة تدور عليها السيجارة ؟ طبعا يبقى بتتحكم فيك بلاش دى نقول لك حاجة تانية قول ولسه هكمل كلامى لقيت احد اخواننا اندفع بحسن نية وقال موجها كلامه ليا / استنى انت يااستاذ انت مش عارف تكلمه وبصيت لقيته اصغر منى بحوالى 15 او 20 سنة فضحكت لانه طالما لم يحترم من هو اكبر منه صاحبنا مش هيسمعه وسكتت فكمل كلامه السجاير حرام لانها تضر المال والصحة والجسم و.... و... ولسه هيكمل ولقيت صاحبنا المدخن بص له وقال /اسكت انت انا عايز اسمع الاستاذ ووجدته اتكبس او احرج وسكت وهو مش عاجبه وانا حبيت الحقة من الكبسة فقلت / معلش اخونا الصغير حسن النية برضه لكن الراكب المدخن مفوتهاش وقال / مهو علشان هو اخونا الصغير مفروض يحترمنا وميدخلش فى النص كده بدون استئذان فقلت / معلش حسن نيته يشفع له فبص لى كده وقال بتعجب / يشفع له ؟؟ مااااشى كمل انت طيب وكملت غير ان السيجارة بتتحكم فيك وفى اعصابك وممكن تؤدى الى عصبيتك وتهورك لانك مبتدخنش او معادها متأخر طب بذمتك ياشيخ لو شفت واحد كل شوية يجيب 2جنيه ونص (تمن علبة السجاير الكليوباترة وقته) كل شوية ويولع فيهم تقول عليه ايه مجنون طبعا طيب ولو جاب الفلوس دى بعد م ولع فيهم وراح راميهم جوه صدره يبقى مجنون وعايز ضرب النار كمان طيب بذمتك ياشيخ مش انت تعرف مثل اسمه ابعد عن الشر وغنى له اه طبعا والسيجارة دى خير والا شر شر طبعا ومبتبعدش عنها ليه فسكت وانا كملت بلاش دى بذمتك ياشيخ بتصرف كل يوم على السجاير اد ايه يعنى من5 الى 7 جنيه يانهار ابيض خليها متوسط 6 جنيه تولع فى نفسك ب180 جنيه فى الشهر من قوت العيال وبتجيب فاكهة بكام على كده حوالى 100 جنيه ياعيب الشوم (جملة مصرى مش فاهم معناها وتدل على الاستنكار) يعنى تضر نفسك ب180 جنيه من قوت عيالك وتجيبلهم ب100 جنيه فاكهة بس وبتجيب لحمة بكام بقى اللحمة غالية يابيه الكيلو دلوقت وصل 35 جنيه (وقتها ) مين هيجيبه كمان ؟؟؟؟ طيب متبطل تدخين وتجيبلهم 5 كيلو لحمة كل شهر وعينيه لمعت اوى و كأن الحسبة دى كانت غايبة عنه طيب بذمتك ياشيخ مش بتيجى اول السنة وبتبقى محتاس فى مصاريف المدارس بتاعة العيال اسكت متفكرنيش ده لسه فاضل 3 شهور وعايل همها من دلوقت هى مصاريفهم كام 2500 جنيه كلهم هما كام 3 ربنا يخلى الله يخليك طيب ده انت فى السنة حوالى 2000 جنيه سجاير مش لو بطلت يبقى بدل م تحتاس فى 2500 هيبقى انت محتاج 500 جنيه بس بقت سهلة اهى والله عندك حق وصاحبنا اللى نط فى الكلام قاعد جنبى هيموت ويتكلم ومش عارف لكن هو معندوش فكرة عن طريقة ادب الحوار فلكل مقام مقال ده راجل بسيط فالكلام ده يصلح له لكن واحد تانى غنى وميسور مينفعش له الكلام ده المهم كملت كلامى وقلت نيجى بقى للحلال والحرام السجاير دى حلال والا حرام مكروه مااااشى مع انها حرام لكن هنمشى معاك للاخر المكروه ده مين بيكرهه سكت شوية وفكر وبعدين قال / اكيد ربنا طبعا حلو بقى يرضيك تعمل حاجة ربنا بيكرهها لا ياراجل اعوذ بالله وانت بتشرب كام سيجارة فى اليوم كام سيجارة ولا كام علبة كام سيجارة فكر شوية وقال من 40 الى 60 طيب يعنى لما كل سيجارة تبقى مكروهة ال50 مكروه دول مجموعهم مش يعمل واحد حرام على الاقل ضحك وقال /اول مرة اسمع الحسبة دى طيب ولما ربنا يقول فى القرآن اعوذ بالله من الشيطان الرجيم (احلت لكم الطيبات وحرمت عليكم الخبائث) وجينا عمل جدول حطينا الطيبات فى الجنب اليمين والخبائث فى الشمال هتكتب السجاير فى انهى جنب قال متكملش والله م انا مدخن تانى وراح راميها من الشباك بصيت لصاحبنا وقلت له / ايه رايك فقال بفلسفة المصريين / كلامك كويس وكل حاجة بس مفروض تخلى الرأى الشرعى اولا عندك حق بس لكل مقام مقال يعنى الراجل ده مطحون فى الحياة وهو عارف انها غلط وهيقول وايه اللى فى حياتنا صح وهيتفلسف عليك وتتفلسف عليه ومتتفقوش لكن كده اهو حصل نوع من الاثر واخطر يوم بكرة اشمعنى لانه اول يوم بطل فيه السجاير والشيطان مش هيسيبه ف حاله لكن انت اول م كلمته فى الحلال والحرام محبش انه يسمعك وممكن يسمعك ومش مديك ودنه لازم الاول تكتسب ثقته وصداقته وبعد كده قول اللى انت عايزه المهم بعدها بفترة قابلت صاحبنا ماشاء الله تخن وربرب ايه ده بطلت السجاير وماشاء الله ايه العز ده ضحك وقال بقيت باكل كتير وحسيت بان صدرى فتح وكان فى حمل تقيل واتشال الحمد لله والله كلامك م نومنى طول الليل يومها وبقيت احاسب نفسى انا بحرق ف نفسى من قوت العيال وانا صحتى بتتدمر وهما محرومين وبيقول فضلت زعلان من نفسى اوى وتانى يوم الشيطان ماسكنى طول اليوم لكن قاومت وبعد 3 ايام نسيتها خالص الف مبروك الله يبارك فيك 
|
|
#582
30-08-2010, 03:27 AM
|
||||
|
||||
|
رد: أدب الرحلات
المؤتمر التاسع ( التدخين برضه)
والمرة دى راكب درجة اولى مكيفة وواحد كل شوية يقوم من جنبى ويجرى يقف بين العربيات ويدخن والمنظر كان نكتة وفى مرة اصطدته وقلت بهزار حضرتك رايح جاى كده ليه وللحق طلع راجل ظريف ورد بأدب / اصلى بدخن والسيجارة تساوى وجع القلب ده كله ضحك وقال / عادة سيئة بعيد عنك وضحكت وقلت له / لو شفت ابنك بيدخن تعمل ايه ده انا اقطعه ليه ؟؟؟ هو حلال عليك وحرام عليه أى ولد او بنت دايما قدوته ومثله الاعلى وهو صغير ابوه وامه فلازم يقلدك فى كل حاجة فهتقطعه ليه لانها عادة غلط وانا خايف عليه يعنى انت معترف انها عادة و غلط طبعا حضرتك بتشتغل ايه مدير عام فى شركة كذا اهلا بيك طيب لو الشركة جابت مدير امكانياته وقدراته اعلى منك هتعمل ايه لازم اطور نفسى واحاول اعمل احسن من اللى عمله صاحبنا ده كمان لانها مش قدرات عضلية طبعا طيب وهو اعترافك بانها عادة غلط مش مفروض يؤدى اللى تحسينك لنفسك واصلاح احوالك فقال عندك حق والله طيب لما ربنا يحرمها فى القرآن تدخنها برضه هو ربنا حرم السجاير فى القرآن ؟؟ طبعا فين فقلت آية الطيبات والخبائث والجدول والكلام اللى قلته قبل كده فقال والله اول مرة اعرف الكلام ده اوعدك انى ابطلها انت لازم توعد ربنا اولا ونفسك ثانيا وعائلتك ثالثا لان ابنك هيشوفك بتدخن ويحاول يعملها لانك قدوته لكن هو هيعرف انك مش عايزه يعملها فيعملها من وراك وهو ده الخطر وربنا يكرمك وتبطل فقال / والله انت ابن حلال عن اذنك بقى اشرب سيجارة تاااااااانى قال والله كلامك مأثر فيا جدا وبصراحة عايز افكر فيه وانا بدخن ضحكت لان عمر السيجارة م تساعدك على التفكير لكن دى ناحية نفسية شوية وجه وقال تصور وانا بدخن وبفكر فى كلامك اول مرة احس ان السيجارة طعمها وحش وافتكرت انها نوع مختلف محطوط جوه علبتى غلط وبصيت فيها لقيتها هيا هيا وبصراحة كلامك خلانى افكر جديا انى ابطلها بعد كااام شهر قابلته وكنت ناسيه وهو شكله اتغير شوية وشه بقى ابيض اوى وخدوده حمرا وجسمه ملى شوية بس مش اوى ازيك يااستاذ اهلا بيك حضرتك تعرفنى انت نسيتنى الحقيقة انا اسف مش فاكر حضرتك اانا فلان مدير عام شركة كذا اللى كلمتنى فى السجاير من كاااام شهر اااااه ه اهلا بيك ازيك يابيه ازيك انت انا سمعت كلامك وبطلت تدخين واللى يبطل تدخين خدوده تحمر كده ههههههههههههههه اصلى كنت بشرب مارلبورو احمر وضحكنا واتكلمنا شوية واستأذنت منه ومشيت
|
|
#583
30-08-2010, 04:01 AM
|
||||
|
||||
|
رد: أدب الرحلات
اتوبيس سوهاج والمدخنين برضه
وفى يوم كنت مسافر ولم اجد حجز فى اى قطار ولم اكن تعودت على القطارات العادية فذهبت للمنيب تذكرة اسيوط اتوبيسات اسيوط كاملة العدد والحل فى تذاكر فى اتوبيس سوهاج اقطع وانزل اسيوط والفرق كام 3 جنيه زيادة ماشى هات تذكرة آخر واحدة عندى حظك ياعم ابسط ياعم ربنا يخليك ياعمنا وكان حظى جميل الحقيقة لانها طلعت على آخر كرسى فى الكنبة اللى ورا فوق الموتور وكان الموتور بيطلع دخاان ابيض معرفش ليه والدخان طالع سخن عليا من تحت الكرسى والتكييف عمال يجيب هوا ساقع من على راسى من فوق وكان موقف عجيب سخونية جاية لى من تحت ومولعة جسمى وهوا ساقع نازل من فوق شىء صعب وجريت على السواق فقال / معلش هنصلحه فى بنى سويف ومتصلحوش هنا ليه هنا مفيش ميكانيكى وحسيت انها نصباية ورجعت الكرسى وقعدت وشوية والاتوبيس طلع وتوكلنا على الله ومسكنا الطريق الصحراوى الشرقى وشوية واحد ولع سيجارة وواحد تانى ولع سيجارة ولو سكتت على دول هموت فجريت على السواق هو التدخين مش ممنوع ممنوع طيب فى ناس بتدخن ورا راح مفرمل فرمل جاااااامدة جدا رغم ان سرعته متقولش كل الفرملة دى اااايءيءيءيءيءيءيءيءيءيءي ءيء وراح ماسك المايك وقال بلهجة صعيدى/ التدخين ممنوع ياافندية واللى معاه سيجارة لو سمحتو يرميها وتلاتة بالله العظيم اللى هيدخن هسلمه ف اول كمين والناس سكتت وبطلت تدخين ووصلنا بنى سويف ودخلنا الكافتيريا واللى يدخن واللى دخل الحمام وغيره ثم ركبنا مرة تانية وراح مطلع المايك وقال نفس الكلمتين لكن الاتوبيس ماشى على مهله والمشوار طويل وعدينا المنيا و ده موقفش وقربنا من مدخل اسيوط والمشوار وصل حوالى 5ساعات ونص ويمكن اكتر من بنى سويف ولقيت المدخنين بدأو يتساقطو فى منظر عجيب واحد ورا التانى ويجرى جنب الباب اللى ورا بتاع الاتوبيس ويوطى على السلم عند اول درجة زى م يكون نايم على الارض وياخد نفس ويحطها تحت ويطلع ياخد نفس وهكذا لكن مناخيرى جابت السجاير دى وروحت رايح على السواق مسكنى احد المدخنين من ايدى رايح فين انت عارف خلاص طفيناها اعوذ بالله يااخى ورجعت لكن وعند مدخل اسيوط لقيت فرملة جاااااااامدة جدا رغم ان الاتوبيس كان ماشى بطىء ولقيته انحرف جاااامد ودخل فى الصحرا وغرز فى الرمال ووقف وحصل دربكة وهرج ومرج جوه الاتوبيس فى ايه يااسطى قال مفيش واحد حمار نط جدامى(قدامى) فى التقاطع انا / وايه يعنى م انت اصلا سرعتك بطيئة مهو انا الفرامل عندى تعبانة ولقيت الناس حصل لها رعب واللى يشتم واللى يزعق يااخواننا صلو على النبى مهو الراجل ماشى من مصر لهنا 400 كيلو وباقى 50 كيلو على اسيوط ويشوف ميكانيكى هناك والناس هديت وركبنا الكارثة بقى ان اصحابنا المدخنين فى الهيصة دى مفتكروش السجاير افتكرو الخناق بس ولما ركبنا تانى ولسه هيولعو روحت باصص لهم وقايل بصوت عالى / هااااااااااا وبعديــــــن فرموها وال50 كيلو اخدنا فى اكتر من ساعة ونص وهما بدأ يتساقطو على الارض واحد ورا التانى فى مشهد عجيب ولا المغمى عليهم فى الصحراء من قلة الميه ايه ده ينعل ابو السيجارة اللى تذل البنى آدم كده المهم نزلت اسيوط واول م نزلت من الاتوبيس وبصراحة شديدة كل الركاب كانت بتدعيلى انى منعت التدخين واولهم المدخنين بس دعوات المدخنين كانت جميلة الحقيقة لانهم كانو بيدعوووولى دعوات من ماركة غور الله يخرب بيتك الهى م ترجع وحاجات جميلة كده لكن انا ضحكت ومشيت لان مش مطلوب منهم يدعولى بعد م كتمت نفسهم وخاصة انى بعد م نزلت لقيت ناس كتير نطت بره الاتوبيس وهااااات ياتدخين سبحان الله
|
|
#584
30-08-2010, 07:03 AM
|
||||||
|
||||||
وطبعا المطرب المتميز شعبان عبد الرحيم ايييييييييييييييييييييييي ييييييييييييييييية
هههههههههههه
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 04-11-2010 الساعة 07:12 PM
|
|
#585
30-08-2010, 07:25 AM
|
||||
|
||||
انا ليا ابن عمى مدخل اولادة مدارس المانى لية ياعم الحج يقولك اصل العربى والانجليزى راحت عليهم لما جابلى شلل رعاش
اول لما العيال تخش المدرسة حبطل السجاير بهزر والله بجد اقنعتنى
__________________
الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون.... ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
التعديل الأخير تم بواسطة hazem_khidr ; 04-11-2010 الساعة 07:14 PM
|
 |
|
|
)