ابتسامة فى استراحة مصر موتورز

الموضوع عبارة عن حلقات علشان منزهقش


الحلقة الاولى :



اول ما قام المشرف
من النوم لقى الموبايل بتاعه بيرن

فلقى الادمن بتاع المنتدى بيتصل بيه


المشرف : اصطبحنا واصبح الملك لله ....
صباح الخير يا فندم ..

الادمين : خير هييجى منين الخير يا سيدى

انت سايب قسمك ونايم .. الله يخرب بيت اللى شار عليا
الشورة السودة دى انى امسكك مشرف انت متنفعش حتى
تبقى عضو موقوف ..

المشرف : ليه بس يا فندم دا انا حتى مغسلتش
وشى ودخلت على طول على المنتدى ..


الادمن : عموما ادخل شوف قسمك ودا اخر انذار ليك ..

وانتهت المكالمه والمشرف طبعا مضايق
وبيقول انا ايه بس يا ربى اللى دبسنى التدبيسه
السودة دى ما كنت عضو وميه ميه ..
المهم دخل على الرسايل الخاصه


بتاعته بقى لقى الرسايل دى ..

الرسالة الأولى

السلام عليكم ...ازيك مشرفنا .. بقولك أنا اضفت
موضوع بس معرفش شكله نزل ثلاث مرات بالغلط
أحذف أي واحد فيهم .. اللي يعجبك أنت بس احذف

الرسالة الثانية

مرحب مشرفنا ..... بقلك شوف :
في عضو قاعدلي كل موضوع يرد عليا ويهيني
قدام الأعضاء ... لو ماسكتوش هعمل حاجه محصلتش..
واقلبلكم المنتدى .. وقد اعذر من بنجر ..

الرسالة الثالثة

ياااأبو الشبااااااااااااب ألحقني ...
كل ماأدخل المنتدى يطلعني بره ... ومش راضي يدخلني
ايه الحكاية شكل كدة الدخول .. بقا بفلوس


الرسالة الرابعة

مشرفنا ... ممكن لو سمحت تعدل اسمي
من الحلوة الى ملكة جمال المنتديات

مصدقه نفسها ..




الرسالة الخامسة

هاي يا سكر ... يارب تكون مبسوط ..
بصراحة شخصيتك عاجباني ولك هيببة في المنتدى
بس ياريت يعني اذا عملت موضوع تثبتهولي ..
على فكرة انا زعلانة محدش بيثبتلي مواضيعي ليه ..


وانا مال اهلى انا .. محدش بيثبتلك مواضيعك
متغورى انتى والمنتدى ..
( دا رده طبعآ )



الرسالة السادسة

يا عم هقلك على حاجة : مش هسلم عليك
ولا حاجة انت أصلاُ ماتستاهلش .. كل ما اعمل موضوع
تحذفهولي .. عجيبة والله ...


الرسالة السابعة

مساك زي الفل يا سوبر ستار المنتدى ..
بصراحة انا مكسوف منك عايز أطلب طلب بسيط ..
يعني انا عايز اعرف ازاي المشرف بيتعامل مع المواضيع
و ايه الطريقة يعني بالعربي الفصيح ..
عايز الباسوورد بتاعتك اذا تكرمت ..
(ماهو دا اللى ناقص)




الرسالة الثامنة

يا اخي انت زودتها ... شايف نفسك علينا
وكل مانكلمك ما تديناش وش .. يا اخي الاشراف مش
ملك ... اختشي على دمك بقى .. قال مشرف قاال ..
انت أصلاً وظيفتك انك تخدمنا ..

اقولك : روح هاتلي واحد شاااي

صحيح الى ميعرفش يقول عدس

الرسالة التاسعة

حبيب قلبى... ازيك حبي .. ؟؟
انا نفسى ابقى مشرف زيك وباسرع وقت..
واذا لزم الامر تعرفني عالادارة وملكش دعوة ..

الرسالة العاشرة
لو سمحت والنبى يا سعاده الباشا
فيه بنت موجوده على المنتدى
ياريت تبقى تبعتلى ايميلها على ايميلى وليك الحلاوة طبعا

( ليه يعنى قالولك عليا أريال المنتدي )



الرساله الحادى عشر
(من المشرف العام)

السلام عليكم ..الاحظ كثرة الشكاوي
من الأعضاء وكثرة المشاكل أرجوا تهدئة الأمور بأسرع وقت ..
وان تفعل أي شي لمصلحة المنتدى ... وشكرا ..


يتبع الجزء الثاني

الحلقة الثانية


مدير عام المنتدى :
يا فتاح يا عليم يا رزاق يا كريم ..
أصبحنا وصبح الملك لله..
شغلانة ما يعلم بيها إلا ربنا..
إيدك معايا يا عم المشرف علشان نفتح المنتدى
الساعة داخلة على سبعة والنهار شقشق ..




المدير العام : على فكرة يا جماعة مشرف القسم اياه
ده زهقنى من عيشتى .. أنا مش ملاحق عليه ..
ده تشوفولكم صرفه معاه ..


المراقب : أنا رأيى إن المشرف ده نعامله معاملة فاقد الأهلية


المشرف : علي فكرة انا اعرف مشرفيين
مثقفين زيادة عن النسب المسموح بيها فى المنتدى..
كلام فى الدين شوية والسياسة شوية والإرهاب شوية
والقذافي شوية والاثار شويه ومبارك شويه
والمطبخ شويه لما الضغط ابتدى يعلى عليا..
انتم عارفين العنيين مفتحة علينا الأيام دى..
وعشان يلبسونا السلطنية .. تلاقيهم فجأة
نقلوا ع الاستراحه وتجارب الاعضاء والمقابلات علشان ننسى الكلام التقيل ..

المدير العام : أنا شايف إن أخطرالموجودين على الإطلاق
مرمر ..
عاملة ركن لسلطة بابا غنوج
فى باب المطبخ .. وسببت للاعضاء مشاكل في المعده




مرمر : اناضد العنف فى الحوار ياجماعة ..
مش كل ما نختلف مع واحد فى الرأى ننتف ريشه..
خلينا نتحاور معاهم حوار راقى يا نقنعهم يا نقنعهم ..!!



المشرف: يا مرمرمعلش مع إحترامى ..
فيه كام واحد جايين جداد هنا ..
محتاجين شوية ترصيص وظبط زوايا
سيبوا الحكايه دى عليا ..

المدير العام : كفايه بقى كده ..
واقفلوا المنتدى النهاردة للصيانة ..

مراحل حب البنات
,,,
,,,
,,,
,,,
,,,
,,,
الابتدائي: تحب التلميذ المجتهد

الاعدادي: تحب الطالب الحلو

الثانوية: رزين ودايما وحده ..هادي يعني

في الجامعة: تحبه يكون غنى

بعد الجامعة : أي واحد بيشتغل وعنده شقه وبيدخل فلوس حتى لو كان شبه القرد

ما بعد الثلاثين: تحب القرد شخصياً المهم مكتوب في بطاقته ذكر وخلاص





أحنا أسفين يا صلاح

[koashraf]

'طبعاً هو الاشراف بالساهل ..لازم تكد وتعمل باصرار عشان تنجح كمشرف...

[nktis]