رد: محاكمة أول رئيس مصري منتخب في التاريخ بواسطة خونة الإنقلاب العسكري Trial of the first Egyptian head elected in history by traitors military coup Sisi
اولا انا مش برد عليك انا كلامى لأى شخص يريد ان يعرف ويتفكر
مشكلة الاخوان انهم لا يثقون فى احد الا الاخوان واى كلام مع اى شخص غير اخوانى مصيرة عندكم التريقة والاستهزاء والاستعباط انا كل الكلام اللى قلتة عارف مصادرة ومن فم اشخاص اقل واحد فيهم بجماعة الاخوان فى العالم انا مش بهول والكلام دة موجود على النت للى عاوز يعرف لكن انتم تربيتم على السمع والطاعة للمرشد فمن المستحيل من رابع المستحيل ان حد من الاخوان هيكون عندة ذكاء علشان يسمع من خارج الجماعة لان دة ممنوع علشان المقارنة اللى هتكون بالطبع فى غير صالح الجماعة ودليل على كلامى دكتور الخرباوى // والقيادى نبيل نعيم . مش الاتنين دول كانو اخوانيين مشهورين وانشقو عنكم ليفضحو عمايل الاخوان وفكرهم الارهابى طبعا ممكن حد اخوانى يقول لا الاتنين دول مانعرفهمش او دول ولاد تيييييت وتيييييت ودول جواسيس ودول مجانين ومخبولين ومش عارف اية من التهم الجاهزة عندكم للناس اللى زى دول واللى بيخالفوكم فى الرأى وبالطبع انتم من الاساس مش هتصدقو اى حد لانى زى ما قلتلك مش بتسمعو الا صوت المرشد مثل العبيد بالظبط
وممكن حد اخوانى يقولى لماذا لا ينصركم الله وانتم المؤمنون الموحدون الوحيدون بالبلد ؟ عاوز رد مقنع وانا عارف الرد مقدما
من يوم رابعة الاراجوز صفوت حجازى يقولك (النهاردة الجمعة بكرة السبت هيحصل حاجة يوم الاحد مرسى هيكون فى القصر ان شاء الله ) وخد من دة كتيييييييييييييير (يوم الاحد العصر مرسى راجع القصر )و(على القدس رايحين شهداء بالملايين ) ولما حصل فض ميدان رابعة هربو كلفئران وياريت يهرب للقدس اللى هى قضيتة لا رايح على ليبيا والله انا شكيت فى معلوماتى ان القدس نقلوها لليبيا واللى حلق دقنة دوجلاس واللى لبس لبس نسوان واللى صبغ شعرة واللى حط باروكة
انا اللى اعرفة ان اللى لية قضية وهدف نبيل جدا يقف يدافع عن قضيتة امام من تقولن عنهم عسكر والجيش الخائن ياعم موت واقف بكرمتك وعزتك انت بتتكلم باسم الاسلام (والاسلام منة براء)على الاقل الناس هيجيبو سيرتك بخير وهتدخل التاريخ حتى وان كنت غلطان وهيقولو لم يهرب ومات واقف وشجاع بيدافع عن قضيتة . انما اللى حصل يكسف اى رجل عندة نخوة او شرف وكبرياء كل الاخوان هربو وسابو الناس البسطاء اى قضية انتم تحملونها والله منا عارف انتم مافيش حاجة فى دماغكم غير تطبيق شرع الله كانكم عائيشين فى الصرب او روسيا او الصين
عندة اقتراح لكل اخوانى شريف ( شريف )لمو بعضكم واذهبو جاهدو فى المناطق دى هما محتاجنكم هناك وان شاء الله ترجعو منصورين دى الحالة الوحيدة اللى مافيش غيرها اللى هندعى لكم فيها غير كدة انتم خوارج بأمر مرسى لانة اول ما مسك مش كان بيقول للشعب فى التحرير (انتم اصل السلطة ومصدرها تمنحوها لمن تشاءو وتمنعوها ممن تشاءو )مش قال كدة ولا انا بفترى طب الشعب عزلك زى ماعزل مبارك تقوم تروح تجيب بلطجيتك وجماعتك الارهابية والفلسطينين المرتزقة ويعيثو فى الارض فساد وقتل فى اولادنا واخواتنا بجيشنا العظيم والشرطة
الاخوان ان شاء الله الى زوال ومصر باقية بجيشها الوطنى الشريف وشرطتها الوطنية وشعبها اللى بيفهم الاحداث ولا يسمع ولا يطيع الا لما يملية علية عقلة وضميرة
والحدق يفهم
وموضوع الرسالة الدبلوماسية انا عارف انها دباجة مش اكتر ولكن الخروف كان قبلها بفترة قال انهم احفاد القردة والخنازير ودة مسجل فى الاعلام وواضح فمش من المنطقى ابدا بعدها ترسل خطاب فية كلام حب وصداقة وتعاون واواصر محبة بين الشعبين مش دة برضو العدو الصهيونى ولا عمل معاة اتفاقية جواز عرفى وجهاد نكاح
انا فية كلام كتير اوى مقلتوش
كفاية كلام لحد كدة من الواضح انكم فى اتجاة تانى خالص والبلد فى اتجاة اخر واحنا مع البلد مكان متطروح ونفديها بأرواحنا
تحياتى ولا بلاش
التعديل الأخير تم بواسطة وائل احمد السيد ; 05-11-2013 الساعة 02:47 AM
|
