اسئله المبتدئين ..عفوا ممنوع الفتى :)))

[Eman92]

ممكن اعرف ايه هي انواع البنزين وتانك العربية بياخد اد ايه لاني الصراحة معرفش اى حاجة ف الموضوع دا غير ان فى بنزين 80 و 90 انما معرفش اى حاجة تنية


وشكرا

[magdy_c_c]

المشاركة الأصلية كتبت بواسطة Eman92 ممكن اعرف ايه هي انواع البنزين وتانك العربية بياخد اد ايه لاني الصراحة معرفش اى حاجة ف الموضوع دا غير ان فى بنزين 80 و 90 انما معرفش اى حاجة تنية وشكرا

بصى هو فى بنزين 80 و بنزين 90 و بنزين 92 و بنزين 95 ده عامة ً
و لكن ممكن الـ 80 ما يكونش متوفر أوى
و لكل عربية استخداماتها
يعنى مثلا الـ 128 و البولونيز و الريجاتا و ال131 و ال 132 و الشاهين
و بعض الأنواع القديمة من المرسيدس ممكن يستخدموا بنزين 80 بشرط ان العربية تكون مضبوطة على بنزين 80
فى بعض الأنواع القديمة من اللانوس باردوا ممكن تبقى مضبوطة على الـ 80
و طبعا ً كل السيارات الحديثة بتبقى مضبوطة على بنزين 90 و بعضها على بنزين
95 وده بيبقى واضح جدا ً فى كتالوج كل سيارة
و معروف طبعا ً نوع السيارة الفلانية ينصح باستخدام بنزين كذا
و طبعا ً كل سيارة بيبقى لها سعة معينة فى تانك البنزين
فى تانك بياخد 40 لتر و فى تانك بياخد 45 لتر و فى 50 لتر
و العربيات الجيب و الكلام ده فى بعضها بياخد لغاية 96 لتر و هكذا
و على العموم حضرتك ممكن تقولى عربيتك ايه و انا اقول لك ايه البنزين اللى بينصح باستخدامه معاها و كمان اقول لك حجم تانك البنزين عندك اد ايه
و كمان لو عربيتك مش حديثة أوى و عاوزة توفرى بنزين اكتبى لى بس نوع و موديل السيارة
و انا اقول لك ممكن الاسبراتير بتاعها يتظبط على ايه

[Eman92]

شكرااااااااااااا .. انا لسه بتعلم حاليا كنت بس عيزة ابقى عرفة الموضوع دا لاني معرفش عنه حاجة
واكيد لما العربية تيجي عن قريب ان شاء الله هدوشكو اسئلة عنها
ربنا يجازيكم كل خير يا رب

[magdy_c_c]

طيب يا ست الكل مبرووووووووووووووووووك مقدما
:GR OWIN~12:

[CARDIO]

I am glad to see the post i started is in continue by the great members of masr motors .. go on