انقذوا الناس من الــ M11

[walidelmorsi]

حملة منظمة اية دى عربيات زى النيلة والله انا نسيبى جاب واحدة زيرو من المصرية من ساعة لما اشتراها وهو كل يوم يروح يمضى فى التوكيل مع الموظفين لمدة شهرين وبعد كدة بعها بخسارة 8 الف جنية وشكر ربنا انها غارت فى داهية

[Elsebily]

حمله منظمه ايه ده ناقص نقول فيه طرف تالت ضد اسبرانزا يا جماعه هي فعلا العربيات الصيني فيها مشاكل كتير وانا بعتبرها عامله زي البطيخه واللي بيشتريها بيجازف بالحظ وبصراحه انا رايي الشخصي اللي اتمني اني ملاك الصيني ميزعلوش مني فيه اني بصراحه حرام ارمي مبلغ زي 62 الف سعر ال516 مثلا في مجازفه برغم اني بسمع عن العربيه دي الوحيده في فئات الصيني كلها انها عربيه الي حد ما كويسه بس انا بصراحه مش بميل للعربيات الصيني لاني المجازفات متبقاش في مبالغ كبيره زي دي يعني وبطلب بس اخيرا من اصحاب السيارات الصيني انهم ميدافعوش عن عربياتهم الدفاع اللي باستماته ده وانهم يقولو مفيهاش مشاكل والحاجات دي لاني العربيات فعلا فيها مشاكل كتيره وياريت يتعاونو كلهم ويحددو مشاكلهم ويقدموها لكن انهم يداروا عليها عشان العربيه تبقي مستقره ويعرفو يبيعوها ده بصراحه حرام لانهم بيضرو غيرهم اللي ممكن يقتنع برأيهم وبصراحه كون اني حد يجيب عربيه زيرو ويغيرلها الحاجات اللي في التعليقات دي كلها دي في حد ذاتها كارثه دي لو عربيه مستعمله وحصلتلي فيها المشاكل دي هروح ارجعها لصاحبها تاني امال الجديده بقي صاحبها يعمل ايه
وطول ما جهاز حماية المستهلك عندنا في مصر في الغيبوبه اللي هو فيها دي اتوقع المزيد والمزيد

[osa92003]

المشاركة الأصلية كتبت بواسطة Elsebily حمله منظمه ايه ده ناقص نقول فيه طرف تالت ضد اسبرانزا يا جماعه هي فعلا العربيات الصيني فيها مشاكل كتير وانا بعتبرها عامله زي البطيخه واللي بيشتريها بيجازف بالحظ وبصراحه انا رايي الشخصي اللي اتمني اني ملاك الصيني ميزعلوش مني فيه اني بصراحه حرام ارمي مبلغ زي 62 الف سعر ال516 مثلا في مجازفه برغم اني بسمع عن العربيه دي الوحيده في فئات الصيني كلها انها عربيه الي حد ما كويسه بس انا بصراحه مش بميل للعربيات الصيني لاني المجازفات متبقاش في مبالغ كبيره زي دي يعني وبطلب بس اخيرا من اصحاب السيارات الصيني انهم ميدافعوش عن عربياتهم الدفاع اللي باستماته ده وانهم يقولو مفيهاش مشاكل والحاجات دي لاني العربيات فعلا فيها مشاكل كتيره وياريت يتعاونو كلهم ويحددو مشاكلهم ويقدموها لكن انهم يداروا عليها عشان العربيه تبقي مستقره ويعرفو يبيعوها ده بصراحه حرام لانهم بيضرو غيرهم اللي ممكن يقتنع برأيهم وبصراحه كون اني حد يجيب عربيه زيرو ويغيرلها الحاجات اللي في التعليقات دي كلها دي في حد ذاتها كارثه دي لو عربيه مستعمله وحصلتلي فيها المشاكل دي هروح ارجعها لصاحبها تاني امال الجديده بقي صاحبها يعمل ايه وطول ما جهاز حماية المستهلك عندنا في مصر في الغيبوبه اللي هو فيها دي اتوقع المزيد والمزيد

والحاجات دي لاني العربيات فعلا فيها مشاكل كتيره
ايه هى المشاكل ؟؟؟؟؟؟ يعنى حضرتك ماعندكش العربيه بس برضه فيها مشاكل !!!
مازلت باقول ان سبحان الله كل اللى ماعندوش الاسبرنزا بيصر اصرارا على مهاجمه العربييه بالرغم من ان شى طبيعى لااى عربيه تجميع محلى ان تكون هناك مشاكل وبالرغم من ان التوكيل بيغيرها لكن الهجوم متواصل ...وبرضه دايما بيغيب عننا صاحب السياره نفسه اللى اشتراها باعتبار انه ملاك نازل من السما وبيتعامل مع العربيه بحب وحنان ؟؟؟؟ والله انا فى صيانه الالف فى توكيل ابو الفتوح لقيت واحد معاه ام 11 بيعمل صيانه الالف ...بيقولى انا جبت بالعربيه 160 وشغلت التكييف ودوست جامد فى العربيه ...باقول ليه كده لسه انت فى الالف وكان لازم براحه شويه ....قالى لا ..علشان لو فى مشاكل فى العربيه تبان وتظهر لاتعليق ...يعنى هو خرب العربيه ويقوللك لو فى مشاكل وطبعا لو حصلت حاجه فىالعربيه هيقولك ام الصينى !!!! واعتقد سيادتك ماتفتكرش شحنه الهويونداى فيرنا اللى جابت موتور بعد 2000 كيلو والباسات اللى فتيسها بيبوظ بعد شهرين ....كل دى مش مشاكل تعتبر حاجات بسيطه طالما ان العربيه مش صينى ....عجبى ولا حول ولا قوه الا بالله

[luckyman]

انا مستغرب جدا من الكلام اللى بيتقال هنا اولا لان فى عربيات زباله مليانة بالعيوب زى اللانوس اكثر عربية ذات شعبية فى مصر وبعدها الفيرنا !! كمان الاسبرانزا شغال تاكسى ما يقرب من الثلاث سنوات يعنى خدمة شاقة وهى نفس مكينة الام اا مش غريبة جدا وشغاله كمان غاز طبيعى وديما بركب تاكسيات وبسأل السائقين تقريبا الاجماع على ان اداء العربية جيد وثبات وتكيييف تمام مش غريبة ان تحصل المشاكل دى مع سائقين الملاكى !! لازم الانسان يكون موضوعى وهو بيتكلم لان الناس بتتكلم عن مشاكل عمرنا ما شفنها فى العربيات الخردة المليانة البلد زى الفيور و128 واللادا اشباه عربيات وتكنولوجيا قديمة الخ والغريب الاكتر ان كتير من ركاب الاسبرانزا كان راكب قبلها عربيات متواضعة يعنى بكل الاحوال العربية المفروض نسبيا تكون افضل لية وما يشعرش بالفرق الكبير الناس محسسنى انها كانت راكبة المانى قبل كدة بلاش نقول حمله منظمة بس الناس غير منطقية وغير موضوعيين لان فى كلام كتير سواء على الاسبرانزا او غيرها مش مضبوط اللى عايز يشارك بحقائق ياريت انما الخيال يسرح بينا بعيد دة امر غريب ومرفوض وانا على مدار سنتين ونص شايف الموضوع دة الموقع علشان نستفيد ونتبادل الخبرات والاراء بمنطقية وامانة وشكرا

[fineart607]

طب انا ركبت سيراتو بعد الأم 11 الفرق فى الوسع الداخلى بس الأم 11 كانت اثبت على الطريق واوبشن اعلى والحمد لله خلال امتلاك الأم 11 كانت معنا زى الفل ما شاء الله عليها ماعدا ماكينة الزجاج والبطارية