إلى أخوتى ( حازم خضر وفادى )

[AbOnOrA]

تعليقا على كلام فادى

لكن ما انا واثق منه ان مبارك كان وطنيا, و كانت قراراته كلها من منطلق وطنى,

اصلا اصلاً لما تعتبر ان وطنك حدودة دولتك بس ده يبقى غباء وطنى ولما تبقى محصلة قراراتك تهميش دورك الدولى والاقليمى وسخط جيرانك العرب عليك ولا يبقى لك من رصيد دولى الا عطف امريكا وصداقة اسرائيل تبقى فين الوطنية بقى
ولا تقصد ان مبارك وطنى !! ده على اساس انة رئيس الحزب الوطنى برضو ؟؟

و لا ان نحمله وزر كل فاسد فى هذه البلد, فكل بلاد الدنيا فيها فساد.

لاء طبعاً مش هنحملة وزر كل فاسد هنحملة وزر 99,9% منهم بس واولهم الفاسدين من حاشيته اللى اختارهم وعينهم بنفسه

و لا حتى ان نحمله وزر ديكتاتورية النظام, و لا قمع النظام, فمبارك لم يستلم مصر من السادات جنة الديموقراطية فحولها الى دولة بوليسية,

وايه اللى منعة يحولها لجنه الديموقراطية هى 30 سنة مكانتش كفاية ؟؟
تفتكر ايه الوقت الكافى لتحول بلد زى مصر للديموقراطية ؟
ولا انت شايف ان احنا منستاهلش الديموقراطية والحرية اصلاً وحلال فينا اللى كان بيحصل ؟

بل استلم مصر دولة بوليسية و شمولية, فحولها الى دولة منفتحة,

انا مش عارف منفتحة على ايه بالظبط ولا ازاى ياريت توضح بامثلة ؟

تحسن الاقتصاد و البنية التحتية,

هو المفروض اى نظام يحقق التحسن اللى بتتكلم عليه ده لكن اللى بيحكم 30 سنة وفى ايدة كل الصلاحيات ديه ممكن يعمل نهضة اقتصادية مش بس تحسن

أصبح هناك هامش كبير من الحرية فى عهده, لا ينكره احد,

ومين قال ان الهامش ده كفاية ومين قال ان دولة زى مصر تعيش بهامش كبير ولا صغير يا اخى حتى لو اقريت بالهامش ده بس احنا شبعنا من الهوامش بقى عايزين نتنقل لنص الصفحة

دولة مستقرة امنيا.

خدعوك فقالو ..
اى استقرار وكان عندك اعتصامات واضرابات عمال من سنين بدون حل وفساد للركب حسب تقارير الشفافية وانهيار فى التعليم ونسب بطالة بتزيد واطفال شوارع وجرائم مكناش بنسمع عنها وظواهر مشوفنهاش الا فىى العصر المبارك من تحرش وبلطجة
ولا استقرار الاوضاع فى حوض النيل تقصد وتضائل شعبيه مصر عالمياً وثقلها السياسى فى المنطقة
ولا الفتن الداخلية بين مسلمين واقباط وبدو وشرطة ونوبين والدولة واهلى وزمالك وشوبير ومرتضى منصور

اذا كنت بتسمى ده استقرار يا فادى فانا مع الانفلات بصراحة

فأرجوكم لنكن حياديين, و لنذكر للرجل محاسنه.

ايوه طبعاً .. انت قول بس واحنا هنقول وراك

[hazem_khidr]

كلمة اخيرة وموجزة لجماعة اسفين يا ريس ... نعتذر عن احترام ارائكم

ما شاء الله
قمه الديموقراطيه و قمه احترام رأي الغير

[samirayad]

المشاركة الأصلية كتبت بواسطة AboNoRa انا لى تحفظات كتير على الموضوع نفسه وبعض التعليقات بس خلينا فى المهم احنا مش بنحكم على مبارك كبشر اخطاء واصاب بشر ديه لنفسه ولعيلته ولربنا ملناش دعوة احنا احنا بنحكم عليه كرئيس كمسئول سياسى اول كمدير للبلد ده مش بس كده ده رئيس من نوعة يعتبر هو الكل فى الكل فى كل حاجة فى البلد وبالتالى مسئوليتة اكبر من اى رئيس فى نظام ديموقراطى طيب لو قولنا انه حتى مدير شركة مش رئيس كل المؤسسات ديه الف باء ادارة ان غلطة مساعدينك وفريق عملك لازم انت تتحملها فبالسياسة وعلم الادارة هو غلطان من ساسة لراسة وبلاش كلام هلامى ملوش معنى طيب حتى لو بالهجايص هنتكلم الرئيس ده شخص مؤتمن على املاك ومقدرات شعب احنا الشعب بقى لما نلاقيه كوش بحاشيته على كل خير وبلانا بكل فساد وشر وخلا زمانا بين العصور هو الامر يبقى لازم نقولة لاء كفاية انت وحاشيتك واعوانك والمنتفعين من نظامك والمسبحين بحمد فجرك وطغيانك تحفظى التانى عن تكرار كلمة احترم رائى احترم رائى هو انا لما اختلف معاك ابقى مش بحترم رائيك وحتى لو محترمتش رايك ورفضة بالكلية طالماً ممنعتكش من حرية التعبير او فرضت عليك رائ بالقوة فانت فى مناخ ديموقراطى مكناش نحلم بيه ايام النظام اللى كنت بتدافع عنه اللى جد بس ان محدش يقدر دلوقتى يجبر حد على راى او يعتقلة ويسحلة على موقف او كلمة كلمة اخيرة وموجزة لجماعة اسفين يا ريس ... نعتذر عن احترام ارائكم

فكرتنى بعادل إمام

وهو بيشتغل محامى فى فيلم

خللى بالك من جيرانك

كان بيترافع فى المحكمه وحب يخلص نفسه

قال إيه عادل إمام

ماذا أقول ....وأى شىء يقال ....بعد كل ماقيل

وهل هناك أفضل مماقيل

[فادى]

وهضربلك مثال برضه يا أستاذ : فادى لو جينا لمنتدى زى مصر موتورز ده مين المسئول الأول والأخير فيه ............؟ صاحبه الأساسى أى أبو نورا نفترض بأه أبو نورا ساب كل مشرف يعمل إللى هو عاوزه ( حسب مزاجه وأهواءه الشخصيه ) المشرف الفلانى مش عاجبه سمير عياد قوم إيه يروق سمير عياد بأنذارين أو تلاته أو إيقاف بدأ سمير عياد يحس بالظلم من القرارات إللى بيتخذها ( هذا المشرف ) قام زهق من المنتدى ده وقال فى نفسه أنا هوجع دماغى ليه فى مكان صاحبه مكبر دماغه وسايب الحبل على الغارب لكل وزير ( مشرف ) يعمل زى ماهو عاوز فى الشعب ( الأعضاء ) وراح كمان أبو نورا جايبلك أسلام إبنه وعاوز يورثه المنتدى بالرغم إن إسلام لسه قدامه كتير أوى على مايبقى راجل مخضرم وأهل لهذا المنصب ( زى أبوه ) --------------------------- النتيجه المتوقعه واحده واحده هتبص تلاقى مصر موتورز تحول إلى مكان غير مستساغ للأعضاء ( أى الشعب ) بذمتك بأه يبقى مين السبب فى الوضع المتردى الذى وصل له مصر موتورز أكيد أبو نورا لأنه كبر دماغه ولم يتعايش مع الشعب ( الأعضاء )

مثال المنتدى لا ينطبق كثيرا على حالة الدولة فهى أكثر تعقيدا بالتأكيد,
لكن هل يجب على ابو نورا ان يطرد كل مشرف يحوم حوله شبهات فساد و استغلال سلطات؟!
أم انه يجب ان يتقصى الحقائق و الوقائع اولا؟
القضاء على الفساد ليس مهمة مبارك, مبارك ليس قاضيا و لا نيابة, هذه مهمة القضاء,
كل الدول فى العالم بها فساد, هل نحمل اوباما الفساد فى الولايات المتحدة مثلا؟!
للأسف فان صحف المعارضة قد اوهمتنا ان مصر هى مرتع للفاسدين, تقارير صحفية معظمها مفبرك عن فساد فلان و علان و الصفقة السرية بتاعة مش عارف ايه و أى هبل دون دليل و لا مستندات.
و خاصة جريدة الدستور و ابراهيم عيسى التى كانت لا تترك مسئولا الا و تتهمه بالفساد بدون دليل واضح حتى مبارك و عائلته كانوا يتهمون فى اعراضهم و شرفهم دون حسيب و لا رقيب, حتى اننى قرأت مرة مقالا يتحدث عن اصابة جمال مبارك بالضعف الجنسى و انه تزوج فقط لذر الرماد فى العيون! فأيا كان هذا الانسان هل يجوز اتهام رجل بالضعف الجنسى؟ حتى لو كان كذلك فهل يصح نشر ذلك على صفحات الجرائد؟!
و كانت الدولة تترك هؤلاء كى لا يقال انها تكمم الافواه و تحبس الصحفيين.
الحقيقة ان اى عدد يومى او اسبوعى من هذه الجريدة كان يكفى لادخاله السجن بتهمه السب و القذف.
الفساد كان موجودا فى مصر مثلما هو موجود فى العالم كله, و فى النهاية الكلمة للقضاء, فلا يجوز ان نتهم شخصا بالباطل دون دليل و اسانيد.

و القرأن الكريم يقول

يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين

[attef1]

المشاركة الأصلية كتبت بواسطة فادى مثال المنتدى لا ينطبق كثيرا على حالة الدولة فهى أكثر تعقيدا بالتأكيد, لكن هل يجب على ابو نورا ان يطرد كل مشرف يحوم حوله شبهات فساد و استغلال سلطات؟! أم انه يجب ان يتقصى الحقائق و الوقائع اولا؟ القضاء على الفساد ليس مهمة مبارك, مبارك ليس قاضيا و لا نيابة, هذه مهمة القضاء, كل الدول فى العالم بها فساد, هل نحمل اوباما الفساد فى الولايات المتحدة مثلا؟! للأسف فان صحف المعارضة قد اوهمتنا ان مصر هى مرتع للفاسدين, تقارير صحفية معظمها مفبرك عن فساد فلان و علان و الصفقة السرية بتاعة مش عارف ايه و أى هبل دون دليل و لا مستندات. و خاصة جريدة الدستور و ابراهيم عيسى التى كانت لا تترك مسئولا الا و تتهمه بالفساد بدون دليل واضح حتى مبارك و عائلته كانوا يتهمون فى اعراضهم و شرفهم دون حسيب و لا رقيب, حتى اننى قرأت مرة مقالا يتحدث عن اصابة جمال مبارك بالضعف الجنسى و انه تزوج فقط لذر الرماد فى العيون! فأيا كان هذا الانسان هل يجوز اتهام رجل بالضعف الجنسى؟ حتى لو كان كذلك فهل يصح نشر ذلك على صفحات الجرائد؟! و كانت الدولة تترك هؤلاء كى لا يقال انها تكمم الافواه و تحبس الصحفيين. الحقيقة ان اى عدد يومى او اسبوعى من هذه الجريدة كان يكفى لادخاله السجن بتهمه السب و القذف. الفساد كان موجودا فى مصر مثلما هو موجود فى العالم كله, و فى النهاية الكلمة للقضاء, فلا يجوز ان نتهم شخصا بالباطل دون دليل و اسانيد. و القرأن الكريم يقول يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين

حضرتك راجل محترم