يخرب بيت الانفلات الامني اللي عملته الثورة!!! البلد راحت!!!

[nktis]

اضافه احب اضيفها وللاسف لم يسعفني الوقت امبارح...
الثوره كشفت معادن المصريين والحمد لله ما اكثر المعدن الاصيل...
قبل الثوره تعرضت من واقع عملي لنصابين من ضمن عصابات نصب وسرقات من مركز الدلنجات بس الحمدلله العبد لله واعي وصاحي لو الف زبون موجود....
بعد الثوره يطفوا المعدن الخفيف غير الاصيل وده شيء طبيعي وبرده من واقع تعاملي مع القسم بكل من فيه ...الشرطه فيها كتير كويس والفساد مش في الظباط ...الفساد في امناء الشرطه ربنا يولع فيهم....
كانوا عندنا فارضين اتاوات علي المحالات وشفتهم بياخدوا فلوس من الخلق ومكدبش عليكم كانوا بيجولي وفاكين نفسهم ابن اللي بارم ديله وكنت باديهم فوق دماغهم وحبايه زرقا في الاخر..

[MmFFoR]

يعنوا برضه بياخدوا المعلوم - حباية زرقا على عين قط على شريط تيمو

[nktis]

الكلام ده قبل الثوره انما من بعد الثوره هربوا والشريف منهم هو اللي استني...

[طارق السحت]

المشاركة الأصلية كتبت بواسطة dieseltrucker ماشي يا استاذ طارق هقرا المقال وبعد كده نتكلم بس انا مش شايف اي شخصنه في كلامي عن هيكل الشخصنه اللي انا فاهمها ان اقول على فلان ذو الاتجاه السياسي اسيب سياسته واتكلم عن شخصه انا اتكلمت على سياسته اللي انا متمسك بما قلته ده راجل بيدش سياسته هيا الدش هل انا قلت ده مشيه بطال او متجوز مين او عنده مشاريع ايه او اي حاجه تانيه انا اتكلمت عن طريقته في معالجة قضيه ما ومعلش لما واحد يكتب ويقول عندي معلومات ومصادر وبعدين يطلع يقول اصل الناس هيا اللي فهمت غلط يبقى ايه ؟ ما هوا يا اما نكون اد الكلام يا مانقولوش وبرضه مازلت مصمم انه اكل عيش لهم كلهم وكله توزيع ادوار الصحفي من دول كان زمان بيدور على جرنان حكومي يكتب فيه يلاقيه كومبليت يقلب معارضه ومش معنى كلامي ان كل الكتاب في مصر كده فيه ناس محترمه مش واخداها مهنه واكل عيش وليهم مصادر دخل تانيه ف مش فارقه معاه يكتب النهارده ولا مايكتبش مش هايجوع لو ما كتبش ولما بيكتب بيكون ليه مراجع وبيدقق في كلامه انمااللي مشغلين نفسهم مكن هما دول اللي باقصدهم معلش اذا كنت طولت شويه

اولا: اشكرك على الرد
ثانيا: انا لما قلت شخصنه اقصد ان تكون واخد منه موقف مسبق وده اللى حسيته من كلامك(مش متجوز مين وأخلاقه ايه)
ثالثا:انا مستنى لما تقرأ المقالات وتقولى رايك فيه ايه وسوف احترمه مهما كان ( لان هيكل ليس نبى يجب ان نتفق عليه) وشكرا مقدما

[alymonir]

المشاركة الأصلية كتبت بواسطة mmffor بص يا نقيب محمد - مع احترامي لابونورا و رايه - و مع احترامي للجميع - لكن موضوع ان واحد يموت ده امر وارد جدا في اي عمل 1- في الموقع عندي فني كهربائي عادي خالص من الوقفة في الشمسجالة هبوط - و شوية تعب وديناه المستشفى مات هناك!!! ايام ما الداخلية هما اللي قاعدين في التكييف و بينزلوا التشريفات بس!!! 2- كنا بنصب خرسانه الساعة 1 بالليل و فورمجي خرسانة العرق لعب تحت رجليه راح وقع على ام رأسه جاله نزيف في المخ و مات تاني يوم الصبح في المستشفى!!! ايام ما كان ضباط النبتشيات بيزوغوا و بيناموا في التكييف في بيتهم مش حتى في مكاتبهم!!! يا نقيب محمد انا ليا صولات و جولات مع بتوع الداخلية انت لا تتخيلها جايز بحكم وظيفتك في الجيش لكن فعلا بداية بالعساكر بتوع الداخلية مثلا و ما فيهم من كم التلامة و الجهل و اللا مبالاه - مرورا بعناصر امناء الشرطة و هم في اعتقادي هم السبب الاول لفساد جهاز شرطة الامن العام و المرور - و توجها لكبار ضباط الشرطة - بصراحة انا اعتقد ان 60 - 70 % من صغار ضباط الشرطة اشخاص تملأهم الحماسة و الاخلاص في العمل لكن النصائح المسمومة لكبار امناء الشرطة لهم و اضطهاد كبار رجال الشرطة لاي ضابط صغير يظهر النزاهة و الشرف يقوم بتحويل الجميع الى شياطين قبل الوصول الى درجة رائد ده رأيي من تعامل شخصي غزير و من حتى صداقات متعددة لصغار الضباط و كبارهم و طبعا احتكاك يومي مع مجرمي جهاز الشرطة من عناصر امناء الشرطة الذين لا اكن لهم اي احترام الخلاصة - سواءا عملك يتطلب الوقوف في الشمس او على سقالة او الوقوف في كمين الموت امر وارد جدا حتى لو مش بتشتغل و يا دوب بتعدي الشارع و لما قلت انهم يترموا في الزبالة طبعا لازم تفهم انه تعبير مجازي الغرض منه انهم لازم كلهم يتغيروا و يتم اعادة تأهيلهم من كل الجهات و افكرك بتقرير رفض الفيفا ان مصر تعمل كاس العالم: السبب الامني اولا لان الشرطة في مصر جهاز كبير الحجم قليل الفاعلية لو كل قسم شرطة بدل ما يبقى فيه 10 امناء شرطة و 10 ضباط و 40 عسكري - يبقى في 4 عناصر دورية + 10 افراد قوات خاصة + الاداريين طبعا و 6 عساكر لاصطحاب المطلوبين و المأمور بدل 60 يبقوا 20 بس فاعلين و فاهمين شغلهم مش لو لاقى خناقة يقف يتفرج - و لو لاقى بلطجية بيضربوا واحد يقولك و موتوه ساعتها نقبض على القاتل!!! و لو واحد راحلهم قالهم موبايلي او حتى عربيتي اتسرقت يقولولوا ربنا يعوض عليك!!!

كلام موزون جدا يا أستاذ ممفور
و ان كنت اتفق مع النقيب محمد في اني لا أحب هذا السينارست بلال فضل و من هو على شاكلته