|
#496
22-08-2010, 06:21 AM
|
||||
|
||||
رد: أدب الرحلات
المؤتمر الأول ( من أعجب ماسمعت )
متفهمش ايه اللى جاب سيرة النت والرقابة عليه واحنا فى القطار فقال احدهم / النت طبعا متراقب الثانى / مين قال كده دى ملايين الاجهزة فى العالم كله هيراقبو ايه والا ايه ثالث / مواقع معينة لما بتدخلها بيطلب منك تكتب مجموعة ارقام وحروف ده بيراقبك وبيشوفك هتعمل ايه وبيبعت لك ملف تجسس غالبا الجهاز مش بيكتشفه ويشوفو بتعمل ايه ونظرا لانى تعلمت عدم الجدال بلا دليل وهذا الكلام يعتبر من نوعية الكلام المرسل واذا سالت احدهم / جبت الكلام ده منين فسيقول لك الاجابة المخرسة(بضم الميم وسكون الخاء وكسر الراء) لك / اللى بيعمل الكلام ده اخويا او واحد صاحبى او انا بشتغل هناك هناك فين بس ابقى انت روح هناك وهتلاقينى (على رأى عادل أمام ) وصراحة هذه المناقشة لم اعرها (ابدى لها او اعطيها ) اى اهتمام لولا تدخل احد الركاب بالشرح المقنع لدرجة انى كنت فاغرا فاهى من فرط الدهشة ( لغة عربية فصحى ولذلك هنترجم يعنى فاتح بوءى على آخره من كتر الذهول) وهذا الراكب قال بالحرف الواحد / طبعا كل جهاز كومبيوتر فى الدنيا مراقب والاتصالات كلها على مستوى العالم العربى والاسلامى غالبا وامريكا تقريبا مراقبة فقلت /انا عارف الكلام ده وبدور علي كيفيته من زمان ومحدش ادانى اجابة شافيه مقنعة فقال / اقول لك انا ملحوظة هذا الكلام منذ اكثر من 6 سنوات ربما اصبح قديما الأن قول ياعم جابر (على رأى الأبنودى) فقال / شوف .........كل جهاز له حاجة اسمها عنوان الآى بى او الآى بى أدريس وبعدين عن طريق هذا الآى بى ادريس بيتراقب كل جهاز كومبيوتر فى العالم ازاى هنا الكلام الجديد قول فقال / كل دولة يتم تقسيمها الى عدة ولايات او محافظات وكل محافظة الى عدة احياء وكل حى الى مجموعة مربعات سكنية وكل مربع سكنى مراقب عن طريق جهاز معين يتم توصيله بعدة شاشاات كل منها يتابع الجهاز اى جهاز حين يتم فتحه ودخوله الى النت عن طريق الأى بى ادريس ولو قلنا حى الزيتون مثلا يتم تقسيمه الى عدة مربعات كل مربع منها يتم رقابته وتوصيل اجهزته بجهاز رئيسى عن طريق الشركة المقدمة للخدمة وهناك شخص يتابع كل هذه الاجهزة ويتنقل بينها ويعرف كل جهاز داخل على اى موقع بالتحديد وعند ملاحظة اى رسائل غريبة او كلام غير مفهوم يتم وضعه تحت المراقبة ولذلك اذا ذهبت الى سايبر مثلا وهو لايعرفك سيطلب منك بطاقتك ويقيد بياناتها فى دفتر او يطلب صورتهاويدون رقم الجهاز الذى جلست عليه طب ليه لان الاجهزة مراقبة واذا حدث شىء من خلال جهاز منها فأول رد سيواجه رجال المباحث وانا مالى ده زبون كان قاعد واستعمل الجهاز ومشى ولذلك لابد من بيانات البطاقة(فعلا هناك واقعة حدثت فى المغرب بعد هذه القصة بسنتين تقريبا داخل سايبر وحين شك صاحب السايبر فى أحد الزبائن فاغلق المحل على من فيه وكانت المفاجأة ان الزبون قام بتفجير نفسه وتفجير المحل كله ) وحصلت معايا فى سايبر فى شبرا الأخطر ان هذه الشخص قال بالحرف وبدون تغيير / كل اجهزة المراقبة هذه مرتبطة ببعضها ومراقبة بواسطة جهاز رئيسى انا بفضول اعتبره هذا الرجل تطفل / طيب والرئيسى ده بيبقى فين فسكــــــــــــــــــــــ ــــــــــــــت احد الفصحاء قال/ فى المخابرات العامة طبعا وانا بفصاحتى اللى هتودينى فى داهية غالبا وفى 70 داهيه احيانا / او فى دولة تانية امريكا مثلا ووجدت انه قد احمر وجهه وبان عليه الغضب لهنيهة(بضم الهاء الأولى وفتح النون وسكون الياءوفتح الهاء الثانية / فيمتو ثانية يعنى هههههههه ولم يلاحظ تعبيرات وجهه غيرى )او ربما لاحظها الركاب وخافو ان ينطقو فقد احسو ان هذا الرجل رجلا مهما وهو احس انه تحدث اكثر من اللازم انا وقد شدنى حب المعرفة / طيب والاتصالات؟؟؟؟ فقال زيها مع فارق بسيط ان الشخص الى بيراقب المكالمات حاطط سماعات على ودنه او موصل الخطوط بمكبر صوت (سماعة خارجية) بس الشاشات ممكن تتابعها لكن هيسمع كل ده ازاى مهو كله مسجل ده اولا وثانيا كل فترة بيراقبو مجموعة خطوط معينة وبيشوفو سلوكيات صاحبها فان كان ماشى جنب الحيط او جوه الحيط فبـيـسيـبـوه فترة ويرجعو له تانى اما لو كان واحد من اللى اخترقو الحيطة وهدوها على دماغهم فـبـيـتـابعوه لحد م يمسكو دليل عليه وبعد كده يطلعو اذن النيابة بتاريخ سابق على المكالمة ويحبسوه واكبر دليل ايمن نور هو فعلا مزور لكن مين فينا مدفعش مرة رشوة او زور اى حاجة علشان يقضى مصلحة لكن لان ايمن عليه العين والنيه بعد الانتخابات اياها فجابوه عن طريق مكالماته غالبا لان واحد زى ده اكيد هيكون حريص من اجهزة التصنت وحبسوه ومقدرش ينكر واما الدليل الثانى على هذا الكلام فانت احيانا تتكلم على الخط الأرضى تسمع صوت ام كلثوم او اى اغنية شغالة وتلاقى الصوت بعيد وده معناه ان خطك حاليا مراقب بس الغبى اللى بيراقبه مفروض عنده اجهزة مانع تشويش مش مشغلها ا و بايظة ومبلغش عنها او مركبش غيرها وبينى وبينكو قلت ياواد ياخالد لو النت متراقب فعلا والجهاز العبيط بتاعى اللى انا جايبه من سنة 43 قبل الميلاد فعلا متراقب هقدر اعرفها وفعلا مكدبتش خبر وأول م دخلت البيت قلت اشمعنى قناة الجزيرة هما اجدع منى فى ايه ودور ياواد على موقع تنظيم القاعدة ودخلت جوجل وكتبت موقع تنظيم القاعدة وفضلت ادور اكتر من 5 ساعات لحد م وصلت الى موقع تنظيم القاعدة فى بلاد الرافدين بقيادة أبو مصعب الزرقاوى (فاكرينه طبعا) وانا صرخت صرخة عالية فى البيت وتصقـيـفة اومال (على رأى سيد مكاوى فى الليلة الكبيرة) لدرجة ان المدام اتهمتنى بالجنون واندهش الاولاد ساعتها وقلت بالصوت الحيانى / قـشطـة ياابو خالد ويبقو يورونى شطارتهم بقى وامعانا فى التجربة فضلت على الموقع اكتر من 3 ساعات ونزلت فيلم من عليه مدته ساعة الا ربع اسمه (ويجا)طبعا غير الفيلم العبيط بتاعنا اللى هنا وانما ويجا ده اسم حركى لبطل عراقى حير الامريكان وخوفهم لدرجة ان محافظة بعقوبة على مااعتقد كان لايجروء جندى امريكى يخرج من دبابته ابدا هيا ومحافظة تانية مش فاكرها اعتقد البصرة اللى هما مركز نشاط هذا البطل وفعلا ورونى شطارتهم وفوجئت بجهاز الكومبيوتر بعد 3 ساعات على الموقع اصبح تـقــيـل ثم فوجئت بالشاشة مش مستقرة عمالة ترقص وفهمت ان ده فيروس من نوعية الدودة فـقـفـلت بسرعة قبل م يسيطر على باقى الجهاز وقلت / وايه يعنى طظ فيهم ننزل ويندوز جديد وبفتح لقيت شاشة سودا ةحاولت انزل ويندوز ولا بارتيشن واضح ولا الهارد واضح ولا اى حاجة اتصلت بواحد حبيبى ف جه وقال هو النور قطع و جه بسرعة قلت لأ ازاى الهارد ده واخد باد سيكتور قوى وربنا يستر ويتصلح وفوجئت بعدها بكام يوم بيبلغنى الخبر السعيد عايزين هارد جديد ليه الهارد طار واشتريت هارد 80 جيجا ب700 جنيه (وقتها طبعا) وكانت تجربة قاسية كلفتنى 700 جنيه من قوت العيال اااااه ه ه نسيت اقول لكم نظرا للقيمة الكبيرة لهذا الكلام نزلت ورا الشخص اللى شرحه ومشيت جنبه كـأ ن دى محطتى ونازل معاه وسأ لته / بس كلامك ده مرسل جبته منين فرمى قنبلة ف وشى وقال وبكل هدوء/ انا واحد من اللى بيراقبو الناس على شاشات الكومبيوتر ومشى التعديل الأخير تم بواسطة خالدخليفة ; 22-08-2010 الساعة 06:31 AM 
|
|
#497
22-08-2010, 07:28 AM
|
||||
|
||||
|
رد: أدب الرحلات
المؤتمر الثانى (قيمة مصر)
هذه المرة كنا فى القطار الأسبانى المتجه الى الاسكندرية ولاحظت شخص خليجى يناقش عمال البوفيه وموظفى القطار ولاحظت الجدية فى الكلام فقلت ياواد قرب منهم يمكن تتعلم حاجة لكن فوجئت بهذا الشخص الخليجى يقول/ انتو اللى عملتو معاهدة السلام مع اليهود وحطيتو ايديكم فى ايديهم وضربتو وحدة العرب ورميتو القضية الفلسطينية فى الزبالة وفوجئت بردود اخواننا موظفى القطار واحنا هنعمل للعرب ايه م انتو سايبيننا نحارب لحد م الحرب خلتنا شحتنا ومش لاقيين اللقمة والريس قال مفيش حرب واللى عايز يحارب يروح يحارب هو ويورينا شطارته (كانت نغمة طلعلنا فيها فترة من الفترات سيادة اللواء ولما احرجوه بتوع الاخوان المسلمين وجابوله توقيعات اكتر من مليون شاب عايز يحارب اليهود مقالهاش تانى) الرجل الخليجى / كيف مفيش حرب هنسيب اليهود فى فلسطين ومين يحارب غير مصر انتو كتير احد الموظفين / الحرب عايزة مصاريف هنجيب منين ادفعو واحنا نحارب (للاسف جاهل وقالها من هو أجهل منه بعد بسنوات وهو الشاويش احمد عز لافض فوه ومات حاسدوه) وكأننا شوية مرتزقة اوجيش للايجار وانا مصبرتش ايه الكلام الفارغ ده وطلبت واحدد شاى ب2 جنيه وقتها لكى اجلس وسطهم وقلت / اولا جيش مصر مش جيش للايجار اللى يدفع له يحارب يعنى معنى كده لو فى خناقة بين الهند وباكستان ييجو يدفعو لنا واحنا نروح نحارب ثانيا مسئولية مصر وان كان تخاذل فيها قياداتها فمش معنى كده انها تخلت عن دورها والراجل الخليجى حس انه انتصر عليهم والتفت له وقلت /انت عندك كام سنة فقال / 31 يعنى من الشباب اللى فاهم ان تاريخ مصر يبدأ من زيارة السادات للقدس (للاسف معظم الخليجيين لما تكلمه يقوللك الكلمتين دول ) فقال باستخفاف / أظن هتقول التاريخ الفرعونى واحنا فراعنة والكلام ده لكن ده تاريخ عمره 7000 سنة قديم/ خلاص ذكريات اصبح ماضى بعيد ومش هيرجع تانى وهنا كاد عمال القطار ان يفتكو به وصوتهم ارتفع فقلت /اصبروا ياجماعة فقال / انتو بتزعلو من الحقيقة يامصريين انتو كده مش بتحبو تشوفو الحقيقة وقررت ان ألقن هذا الجاهل درسا فى التاريخ لن ينساه ابدا فقلت / انت منين فقال وهو منتفخ / من السعودية بلد الاسلام فقلت / مين قال كده فاندهش الجميع واسترسلت شوف يابنى ان كنت مش عارف قول مش عارف لكن تـأ لف اى كلام ده قمة الجهل وسكت الجميع بما فيهم هو واكملت حديثى انا مش هتفاخر بتاريخنا كفراعنة لكن هتفاخر بتاريخنا كمسلمين فرد باستهزاء/ وايش تاريخكم كمسلمين لولا عمرو بن العاص لبقيت مصر الى الأن دولة غير مسلمة فقلت / بطل جهل شوية واتعلم تسمع علشان تتعلم فقال بزهق / قول فقلت / مامن نبى ولارسول الا وله علاقة بمصر كيف اقول لك سيدنا ابراهيم تزوج 2 منهم واحدة مصرية المصرية دى انجبت نبى وهو سيدنا اسماعيل وكل المسلمين فى العالم بما فيهم انت بيحتفلو كل سنة بنجاة ابن المصرية من الذبح (عيد الأضحى) وسيدنا النبى محمد عليه الصلاة والسلام حفيد سيدنا اسماعيل ابن المصرية اى ان النبى محمد حفيد هاجر المصرية سينا ادريس مصرى سيدنا موسى مصرى ومن الزقازيق كمان سيدنا عيسى ولد فى فلسطين وجاء صغيرا الى مصرومشت به امه مسافة كبيرة من فلسطين الى سيناء الى بلبيس فى الشرقية الى المطرية فى القاهرة ثم مجرى العيون ثم محافظة المنيا ثم استقرت فى اسيوط وعاش وتربى هناك ثم عاد الى فلسطين سيدنا يونس مصرى سيدنا يوسف كان وزير المالية والتموين بمصر ايام ان كانت مصر بتصرف على العالم كله بما فيهم عندكم نحن لانفخر بفرعون موسى ولكن نفخر بفرعون يوسف فهو اللذى قربه اليه وجعله وزيرا وسيدنا يوسف لن يكون وزير لدولة تحارب الاسلام فقال /الاسلام جاء على يد النبى محمد هذا قمة الجهل فسيدنا يعقوب قال لبنيه والايه فى سورة البقرة(ماتعبدون من بعدى قالو نعبد الهك واله ابائك الهاواحدا ونحن له مسلمون ) ودعاء سيدنا ابراهيم وتقوله فى بداية الصلاة دائما(وجهت وجهى للذى فطر السموات والارض حنيفا مسلما ) كل الانبياء كانو مسلمين ونكمل تاريخ مصر حتى سيدنا النبى (عليه افضل الصلاة وازكى السلام)اوصى بالمصريين فى حديث وبأقباط مصر فى حديث اخر وحين اهديت له جارية من مدينة بنها ومعها كمية كبيرة من العسل (ولذلك سميت بنها العسل) وكانت هذه الجارية هى السيدة مارية القبطية ولكرامة وعلو منزلة المصريين عند النبى تزوجها ولم تبقى جارية بل صاحبة منزل الامام السيوطى جاء من المغرب ابن 10 سنوات وعاش وتربى وتعلم واصبح له درس علم كبير وعالما كبير وصاحب مؤلفات كبيرة فى التفسير والفقه فى مصر وفى اسيوط تحديد ا ولذلك سمى السيوطى الامام الشافعى ولد فى فلسطين ولكنه كان عالما كبير ومؤلفاته كلها الفها وهو فى مصر صلاح الدين الايوبى حرر فلسطين قائدا للجيش المصرى التتار وهولاكو الرهيب تم هزيمتهم فى مصر رغم ان مجرد ذكر اسم هولاكو كانو يثير الرعب فى بلاد كاملة استسلمت بمجرد ذكر اسمه لويس التاسع صاحب الصولات والجولات فى اوروبا وكان مجرد ذكر اسمه يعنى ايضا اثارة الرعب فى قلوب الجيوش الاخرى ويكفى ان تعلم ان المسافة بين دمياط والمنصورة (65 كيلو) كانت غارقة فى الدماء من كثرة القتلى و تمت هزيمته فى مكان سمى تيمنا بهذا النصروهو مدينة المنصورة بل وحبسوه واهانوه نظرا لكثرة الدماء مابين المنصورة ودمياط وكانو يجلدونه من الصباح الى المساء ثم يتسلمه جلاد اخر يجلد فيه بلا توقف حتى يوافق على دفع دية كل هؤلاء القتلى بعد عد الجثث طبعا وفوقها اضعافا مضاعفة لكى لايفكر فى مصر مرة اخرى وبعد اكثر من شهر من الجلد المتواصل ليلا ونهار بلانوم وافق على الدية ولم يوافق على التنازل عن عرش فرنسا فجلدوه حتى كتب وثيقة تنازله الامام ابن حجر العسقلانى مؤلف كتاب فتح البارى فى شرح صحيح البخارى كان مقيما ويتعلم بمصر ثم السلطان عبد الحميد آخر الرجال المحترمين حين قال له اليهود فى عام 1913 على م اعتقد سندفع لك 20 مليون دولار وتترك لنا فلسطين فقال وهل هى ملكى حتى اخذ مقابلا لها وقتلوه فى عام 1914 هذا هو التاريخ الاسلامى لمصر ولذلك تعجب المتنبى على شعب مصر هذا الشعب العظيم القوى منارة العلم يحكمه رجل اسود قبيح ذو شفاه (شفايف) غليظة ومخيفة ورجله مقشفة ومشققة وكل شق فيها كان كبيراحتى انه كان يمشى حافيا لعدم وجود احذية على مقاسه فقال بيت الشعر الشهير وكم ذا بمصر من المضحكات ولكنه ضحك كالبكا (البكاء) ثم من تشريف الله سبحانه وتعالى لمصر لم يخلو جزء فى القرآن من قصة سيدنا موسى وفرعون وهى كلها بمصر سورة الطور على اسم جبل الطور بمصر اقسم الله فى كتابه العزير وقال والتين والزيتو ن وطور سنين (طور سيناء) ذكر اسم مصر صراحة فى القرآن 3 مرات منهم مرة حين وصفها الله بالأمن لكل من يدخلها وقال ( ادخلو مصر ان شاء الله آمنين) ثم بعد هذه المحاضرة شبه الطويلة قلت له / ان كنت تريد ان تمسح تاريخ مصر باستيكة فانت كما يريد ان يجعل ايام الاسبوع 6 او يجعل شهر رمضان قبل شهر شعبان هذا تخريف اما انت وابائك فلولاان ارسل الله النبى صلى الله عليه وسلم نفسه وجعل البيت الحرام عندكم ماكان لكم وزن ولاسعر وفوجئت بموظفين القطار فى مظاهرة كبيرة الله أكبر الله اكبر الله اكبر تحيا مصر تحيا مصر وجات مباحث القطار ورئيس القطار وتجمهر الناس واحس صاحبنا بالهزيمة وفى سيدى جابر قال لى / والله يااخى طول عمرى اقول هذا الكلام وما كان حدا (حد) يرد عليا حتى اننى اقتنعت بيه ولكنك فتحت عينى على امور انا اعرفها ولكن من كثرة ترديد كلام غلط نسيتها افحمتنى يااستاذ قلت له / اقول لك حاجة بعيد عنهم فقال / قول كلنا مسلمين اما مصرى وسعودى وليبى وكويتى والكلام الفارغ ده فدى دعوى الجاهلية اللى قال عليها النبى (صلى الله عليه وسلم ) دعوها فانها منتنة فبص وضحك وقال / 2 / صفر يادى الكووووورة وضحكنا ومشينا التعديل الأخير تم بواسطة خالدخليفة ; 22-08-2010 الساعة 07:40 AM
|
|
#498
22-08-2010, 07:45 AM
|
||||
|
||||
|
رد: أدب الرحلات
بمناسبة تاريخ مصر من اعجب النكت التى سمعتها وضحكت عليها حتى دمعت عيناى (سخسخت من الضحك
كنا نتكلم فى القطار عن الامام الشافعى ومؤلفه (كتابه الذى ألفه ) العظيم فى الفقه الشافعى وهو من اعظم كتب الفقه على الاطلاق وهو كتاب الأم وبينما نتحدث عنه وجدت رجلا كبيرا وسأ لته بهزار / انت تعرف الأما م الشافعى ياعم الحاج فقال بجدية / طبعا انا اتطاهرت فيه زمان وانفجر كل من سمعوه فى الضحك (فهو يقصد مسجد الامام الشافعى بالبساتين وكانو يجرون عملية الختان (الطهارة بداخله من اكثر من 50 سنة)
|
|
#499
22-08-2010, 09:57 AM
|
||||
|
||||
|
رد: أدب الرحلات
أنا بحب المؤتمرات و "المناظرات" والحاجات ديه جدا, علشان بتدى للواحد فرصة أنه يعرف وجهات نظر غيره ويتناقش معاهم ويصحح غلطاتهم.
بس حضرتك فى ردك على المسافر الخليجى, بصراحة أنا شكيت فى نفسى, الرد المكتوب فوق بيمر بأكثر من حقبة زمنية, وفيه معلومات وتواريخ عديدة متهيألى صعب تتحفظ الا من شخص عاشق للتاريخ أو حضرتك أضفتها للموضوع دلوقتى, وأنا أستفدت من المعلومات دى اوى, شكلى هاضطر أراجع على معلوماتى التاريخية تانى. وحكاية الأمام الشافعى بصراحة تضحك وتزعل, هو فيه حد كده دلوقتى؟ و أبوس أيدك يا خالد باشا بلاش شرح معانى الكلمات ده, مش للدرجة دى يعنى هننسى اللغة, وشكلى ها أضطر أرد على حضرتك بالفصحى بعد كده. رافقتك( فعل بمعنى صحبتك) السلامة فى موضوعك المبجل(صفة بمعنى العظيم المميز  )
__________________
|
|
#500
22-08-2010, 01:06 PM
|
||||
|
||||
رد: أدب الرحلات
معلش اصل دماغه صعيدي
__________________
ولا نقول إلا ما يرضي ربنا إنا لله و إنا إليه راجعون
|
 |
|
|
.
