هاحكيلكم حكاية مصر موتورز بس تكملوها معايا

[amr elsisi 1]

ارفع رأسك لفوق انت مصري
انا مصري وافتخر

[AbOnOrA]

بعد الفاصل .........
من ذكريات الايام الاخيرة فى كونتكت

حكاية سلطان الجزيرة وحال كونتكت بعد الهجرة

واسيبكم فى الفاصل مع بعض مشاركاتى العزيزة على جداً فى وكلها مرتبطة بذكريات جميلة فى كونتكت سنة 2007

وائل بس بلا عيال بلا قرف waelmagdy 29/03/2007 05:46:19 م عدد القراء : 364

[SIZE=3pt]الميعاد ان شاء الله زي ما هو والوقت زي ما هو ومن هنا ليوم الاتنين الاصوات هيا اللي هتحدد المكان وعلي راي الشاعر " طاطي طاطي راسك طاطي احنا ف بلد ديموقراطي" وعجبي وائل بس بلا عيال بلا قرف[/SIZE]

http://www.contactcars.com/Discussion/DiscussionIncludes
/show.asp?id=21878&TopicID=6&tid=21872&MesSearch=1

رخصتي اتسحبت في روكسي -- ( وائل مجدي ) waelmagdy 04/04/2007 02:42:12 م عدد القراء : 579

[SIZE=3pt]رخصتي اتسحبت من ساعة في ميدان روكسي عاملين كبسه ( ام لحمة ورز ) جمب العبودي واللي يفوت يموت :( الامناء بيسحبوا والظابط حاطط الدفاتر قدامة وشغااااااااااااااااال يونفيرسال حاولت اهرج مع الظابط قالي " طب تحب اسحبهالك عشان الفامية ولا عشان الحزام " قولتلة نقي انت قالي " هخليهالك عشان الحزام عشان متعملش فحص " كتر خيرة !! المهم فيه واحد من اخوانا البعدا ممكن يجيبهالي ب 150 جنية في ساعتين زمن بس لازم انهاردة قبل ما تبعد !؟ ولو روحت جبتها من المرور هدفع كام ؟؟ ناس قالولي 100 جنية بس ممكن تدوخ عقبال ما تيجي مش عارف اعمل ايه يا ريت لو فيه حد حرفوش في الموضوع ده ويعرف طريقة يقولي ولا اروح اجيبها قانوني بعد اسبوع وخلاص وائل مجدي ( ماشي بوصل ) نتيجة الاستفتاء (اسقاط على استفتاء الدستور 2007 ) waelmagdy 31/03/2007 03:18:15 م عدد القراء : 322 بعد الانتهاء من فرز الاصوات وتحت اشراف قضائي نزيه ( الي هو انا ) وبعد اعتبار الاصوات متعددة الاختيارات صحيحة اليكم نتيجة الاستفتاء: اجمالي الاصوات 18 صوت الاصوات الصحيحة : 12 صوت الاصوات الغير صحيحة ( بتاعة بايو ) 3 اصوات وكانت الاصوات كالتالي : 7 اصوات لربوة مدينة نصر 3 اصوات لبيت بايو 10 اصوات لملعب العبور واعتبر الرئيس الحلو المقطقط أن هذه النتيجة «جاءت تعبيرا عن تمسك اعضاء المنتدي بالمستقبل الأفضل الذي يسعى إليه». فيما رفضت أحزاب وحركات المعارضة الكونتكتيه وجماعة الإخوان المسلمين الاعتراف بنتائج هذا الاستفتاء بسبب التزوير الذي قام به بايو ومن جانبة اعتبر مرعي (بتاع العدل مش بتاع الكليمه) أن نتيجة الاقتراع أكدت «اختيار شعب المنتدي للديمقراطية طريقا وتدعيما لمكتسباته الدستورية وصيانة لأمن المنتدي وحماية حرماته». وقال «إن شعب كونتاكت أكد حرصه على المشاركة في تقرير مستقبل المنتدي واستشرافه لأهمية دوره في صنع غد يكتمل به صرح الديمقراطية وإدراكه لأهمية التعديلات الدستورية المطروحة للاستفتاء وعظم أثرها في حياته القادمة. وعلي ضوء نتيجة الاستفتاء و بناء علي ما تقدم وبعد اعتماد المستندات المقدمة من المدعو بايو ( صور جوجل ايرث ) ورقم تليفونة والاخذ بشهادة المدعو شريف المصري (sh_masry) فضلا عن تزكيه ابو السباع تقرر عقد القمة الثالثة لروساء وملوك المنتدي العام في ملعب مدينة العبور وتحت رعايه العاهل المخربي (PAYOO) .. اخيرا تعتبر القرارات الواردة في هذا الاعلان نافذة المفعول من الان وعلي الحاضر ابلاغ الغائب .. اخوكم وائل مجدي ابو (ام نحمدوه) نانا الزنانا سابقا http://www.contactcars.com/Discussio...72&MesSearch=1

[AbOnOrA]

مرحلة ما بعد كونتكت كارز
مابين سلطان جزيرة كونتكت واستاذ الاساتذة

طبعاً الكلام اللى ناقله عن كونتكت موجود هناك على العام نفس الايميلات بنفس كل حاجة فانا متعديتش على حد وان فى كلام الناس ومقارنتة بالفعل وتبدل الاراء والنوايا من 6 سنين لدوقتى ومن خطة العمل ومشاركتنا الاولى للواقع اللى وصلناله واللى كان بيختلف فى التطبيق كل يوم اكتر عن الخطة والمبادىء اللى اتحطت

وبدون الخوض فى تفاصيل الخلافات فى الادارة حصل انى كتبت موضوع هناك بعنوان
(ابونورا خارج ادارة المنتدى )
وكتبت فيه اعتذار لطيف للناس عن دورى فى ادارة نايل كادمين مع استمرارى فى العمل على تطوير الموقع للوصول بيه للصورة المرتجاة فى البداية واللى تليق بأسم مصر وبس

وكانت ديه بداية الخلافات الاكبر واللى انتهت بحذف عضويتى تماماً من نايل وحذف اى ذكر لاسمى هناك وبالطبع اى فضل او حق ادبى فانا بعتذر عن عدم توفر اى روابط لى هناك ولا داعى لخوض فى التفاصيل لان علاقتى الحقيقة بالمنتدى كانت انتهت فعلاً فى الوقت ده

وفى المقابل كان فيه لسه ناس قليلة جداً بتخش كونتكت كارز بعد ما هجرناه وبقت كل مشاركتنا وتوجه الناس لنايل وكان هناك واحد مسمى نفسه سلطان الجزيرة
وكانت معتبر كونتكت جزيرة مهجورة بيشارك فيها ويكلم نفسه حتى ساعات من الملل والخنقة وخاصة بعد ما اطرد هو كمان من نايل

وبعدها تم اقصاء او طرد ناس كتير من نايل فى حملة تطهير عرقى كلهم خرجو اما قرفانين من المنتديات وسنينها ويمكن النت كلها واما زى سلطان الجزيرة

وانا مكنتش متقبل انى استسلم بكده خاصة وانا شايف افكارى (حسب وجهه نظرى) يساء استخدمها وكنت ساعتها معنديش غير فكرة وليدة المفروض انها كانت مكملة للمنتدى كمجلة اخبارية
فضيفت عليها سوفت وير منتدى وكان اسمها اوتو ماسترز او اساتذة السيارات

لكن صادفنى مشاكل كتير فى الموقع ده وربنا مكتبلوش النجاح على مدى شهور طويلة مسجلش فيه اكتر من 100 عضو وساعتها حسيت ان خلاص مفيش فايدة

كان عزائى ان افكار الناس ومنها افكارى ساهمت فى خير للناس واللى عند ربنا مبيروحش
وكانت شايف رفاق الكفاح المقدس بيستلمو واحد ورا التانى
مابين اللى رضى يفضل فى نايل حفاظاً على شعبيتة ومشى حالك
وبين اللى كره النت والعمل الجماعى كله
وبين اللى بقى بيكلم نفسه

وفعلاً كنت بدأت استلم لحد ما حصلت حاجة مكنتش ممكن اتخيلها ابداً


بعد الفاصل ........

من المحنة الى الاصرار على الفكرة

[سهر الجنزوري]

اوعي تخش تنام . انت تقعد تكتب لحد ما تروح تصلي
لانك شوقتني جدا للقصة

[سهر الجنزوري]