|
ثورة الحرية 25 يناير ساحة ثورة الحرية 25 يناير تحوى كل الموضوعات المتعلقة باﻷحداث التى مرت و تمر بها مصر الغالية منذ هذا اليوم و حتى اﻵن ... و هى ساحة الحوار السياسى الراقى و المسئول |
![]() |
|
أدوات الموضوع |
#46
|
|||
|
|||
![]()
هي الفكره مش في مين والا مين لأن الناس النضيفة كتير و كتير ، ولكن الموضوع ( القضاء على الفساد على الرشوه على ولاد الحرام !!!! ) وانا لا افضل على الاطلاق ان الحكومه تبقى مقتصرة على حزب معين ، لابد وان تكون من جميع الاطياف ويفضل ان يكون الرئيس مستقل لا ينتمى لاي نوع من الاحزاب ( عشان ما يجبش حبايبة ويقعدهم على حجره في السلطة ) ،،،،، السلطه بوضع الضمه على حرف السين وليس الفتحة. ولازم واتمنى ان تكون الانتخابات حره نزيهه (( حلم لابد تحقيقه والا يبقا كل اللي فات زي قلته والمأساه تتكرر )) والحمد لله ان بقا في صحوه عند الناس ، الكبير والصغير والاهم ان نخبة هذا الوطن الغالي من مفكرين وسياسيين ومستشارين اللي كان حقهم مهضوم في تحقيق العدالة والمراقبة على الدولة واللي كان دورهم مهمش وملغي وكأنهم ( بيدنو في مالطة) واللي بيفتح بوقه كان بيتركن وبياخد شلوت لفوق واللي كان بيقول كلمة حق كان بيتخرس وما تسمعش عنه حاجة بعد كده ، وكل ده عشان خاطر المصالح العليا اللي في ايادي ناس معدودة يحركوها كيفما شاءو . بلدنا اللي لازم يمسكها ناس خبره مخضرمه لان بلدنا كبيره والمصالح الحكوميه مش بسيطه ومعقدة مش اي حد يديرها ، مش عاوزين شباب صغير مع احترامي يعني الناس الكبيره اللي عمرها معدي حتى ال 70 مش حتعزق بالفاس بنفسها ،، هم يديروا واللي تحتهم هم اللي يمسكو الفاس ،،،، عاوزين ناس عدت على جميع مصالح البلد ناس فاهم طبيعة الوطن وطبيعة شعبه ناس عارفه كل موارد البلد اللي ضايعه واللي كنا في ظل عقود فاتت مش قادرين نستخرجها من ارضنا وبالجبر ، ولا نستخدمها ومفروض علينا بالقوة نفضل متخلفين ومستعمرين فكريا وماديا عشان نفضل نمد ادينا لمن ليهم مصالح في اننا نفضل متأخرين ، عاوزين ناس تقول لاااا مصلحة بلدي فوق كل اعتبار محتاجين حد يستعمل كل موارد بلدنا ويبقا قررنا من راسنا ، مش من راس غيرنا زي المقوله المشهورة (( اللي أكله مش من فاسة ،،، كلمتة مش من راسة )) بالعربي محتاجين حد نزيه يخاف على تراب بلدنا وثرواته محتاجين نبقا كلنا شعب قبل حكومه نخاف على بلدنا ونبقى ايد وحده واللي ان شاء الله ابتدى يحصل ولمسناه في الفتره اللي فاتت كلنا ومش محتاجة تفصيل كتير كان زمان كل من على وسطع نجمة ، بياخد كتف ويقعد في بيتهم لازم كل واحد من دول ودورهم آن أوانه دلوقتي ويظهر من جديد لانهم كتير وعملو للبلد كتير وللأسف ما كملوش !!!! في رأيي الشخصي عمرو موسى والجنزوري الاتنين داخليا وخارجيا افتقدناهم جدا الفتره اللي فاتت دي ، ياريت يرجعو على الساحة تاني ، ومش بس دول في غيرهم كتير بس للأسف نورهم انطفى ومش كتير اللي يسمع عنهم ، واسف للأطالة ، لكن بجد الواحد كل يوم في الايام اللي فاتت كان دمه بيتحرق اكتر من اللي قبله على الخبايا اللي كانت غايبة عننا كلنا ،،، لان بلدنا والله مليانا خيرات تغطينا وتغطي اللي حوالينا كمان ، ومليانه ناس عندها دماغ ومخ يفكر للأمه كلها مش بس لبلدنا ((( زي ما نضفو بلاد تانية كتيره وخلوهم يبقو افضل مننا بعقود من الازمنة ))) دورهم جه يلبو نداء الوطن لانه محتاجلهم وبشدة ، وكفايا بقا للسرقات ونهب البلد ومحاربة المفكرين والعلماء كان زمنا دولة بالموارد المادية والبشرية اللي فيها من أفضل دول العالم وأكتر !! كفايا العلماء ومش عاوزين نقلب المواجع اللي طفشو بعلمهم بره لما شافو التخلف هنا واللي اعترضو طريقهم وما عرفوش يسجلو حتى اختراعاتهم وابتكارتهم ، وياريتك يا زويل تمسك البحث العلمي وتتبنى ولاده. والله بلدنا احسن بلد وحنشوف بإذن الله قريب جدا جدا لان التغيير جه خلاص وربنا أراده ... والحمد لله رب العالمين |
#47
|
|||
|
|||
![]()
انا نفسى يكون احدى هذه الشخصيات
احمد زويل كمال الجنزورى جودت الملط عمرو موسى حمدى قنديل
__________________
مهندس مصطفى سالم |
#48
|
||||
|
||||
![]()
المهم انه يكون رجل مش عسكرى ومش ظابط جيش ووطنى ومخلص للبلد والشعب
|
#49
|
||||
|
||||
![]()
مؤيد رائى استاذ بدر كل عام وانت بخير بمناسبة المولد النبوى الشريف
__________________
|
#50
|
||||
|
||||
![]()
أنا شخصياً أرشح اللواء/ عبد السلام المحجوب محافظ الإسكندرية السابق فعلاً شخص متواضع جداً و خدوم و إستطاع أن يتعامل مع الواقع المرير من رشوة و محسوبيات ووظفها لخدمة الصالح العام و تطورت الإسكندرية جداً فى عهده و عندما زادت شعبيته تم تنصيبه وزيراً لوزارة غريبة إسمها (التنمية المحلية) اللى تقريباً لسه كانوا بيفكروا يخلوها تعمل إيه ... المهم إن الراجل ده بقى بره دائرة الضوء يعاب عليه من وجهة نظرى أنه كان عضو فى الحزب الوطنى ... ولكن ربما كان أجبر على ذلك ياريت اللى عنده أى سلبيات عن الراجل ده يقوللى
__________________
Mohamed Elhasafy Abo Farida
|
![]() |
|
|