الموضوع المتكامل لتعديل السيارات

[Medo Tune]

المشاركة الأصلية كتبت بواسطة mino-mino استفسار لو سمحت انا اشتريت عربية نوبيرا 2002 لكن الكاسيت بتاعها عطلان وكمان قديم كنت عايزة اركب واحد جديد وكمان كنت عايزة اركب دى فى دى اللى هو بشاشة واحدة تتركب فى شماسة الكرسى بجوار السائق ياريت تنصحنى بانواع كويسة وهل فيه جهاز يجمع بين الاتنين وبالنسبة للكاسيت هلى هحتاج اغير طقم السماعات كمان والتكلفة للحاجات دى كلها فى حدود كام وشكرا جزيلا

طبعا انا اسف علي التأخير لكن ايدي كانت محروقة جامد
انت ممكن تجيب جهاز sony بشاشة داخلية 7 بوصة وده عامل حوالي 1500 جنيه
وتجيب 2 شاشة للمخادع في الخلف بحوالي 500 جنيه
والسماعات ممكن تجيب طقم ادريان وده ب115 عليه ضمان سنة او ممكن تجيب سوني ودول ب 280
واسف تاني

[Medo Tune]

المشاركة الأصلية كتبت بواسطة cobra انا تاعبك بس كيت زى الصور الى رافعها يتكلف كام ملحوظه انا عايز اجزاء من كل واحد وش الهوند الs2000 و ظهر ال ديل سول الى معمولها كيت فيرارى ودا لينك ليها فيديو على اليوتيوب علشان الصوره صغيره اوى http://www.youtube.com/watch?v=_KsNIb_jkEU و جناب التصميم المرسوم انا عارف انى طالب طلب رخم اتحملنى انا شوفت اكتر من500 تصميم للعربيه و دا الاكتر الى عجبنى الصور فى المرفقات علشان معرفتش احطهم هنا

بالنسبة للمصنعية السمكري والرش هيبقي حوالي 4000 عشان العربية لازم هتنزل علي الصاج وتترش من جديد
يبقي باقي تمن وش الهوندا s2000 وظهر الديل سول ننزل بورسعيد او الحرفيين نشتريهم والكيت الفيراري اما نشتريه جاهز او السمكري يفصله بأيده
وخد بالك بعد الي هتعمله ده متفكرش تبيع العربية الا لشاب غاوي تعديل

[Medo Tune]

المشاركة الأصلية كتبت بواسطة driv3r بخصوص البادى كيت يا مان هيكون اوريجينال ولا شغل ايد ولا ايه نظامه وهل هيكون اربع رفارف وكبوت فقط ولا الاكصدامات والعتب معاهم وياريت تقولى طقم الاكصدامات والعتبتين الاوريجينال عاملين كام واللى هوه شغل الايد عامل كام

لو عاوز تخلي عربية موديل 50 فبريكة نخليهالك
احنا ممكن نعمل قوايم وكبوت ورفرف وكارنيرات وكبوت واكصدامات وعتب

بخصوص البودي الكيت الجاهز بيبقي بحوالي 2500 احنا ممكن نعمله باقل من كده بحوالي 50%
ومن عيوب الكيت الجاهز انه فيبر بيتكسر بسهولة
اما الي شغل الايد فبيبقي صاج ميتكسرش

[Medo Tune]

المشاركة الأصلية كتبت بواسطة fawzyyyy موضوع جامد جدا والله

انت الي اجمد يا حبيبي وشكرا

[cobra]

بالنسبة للمصنعية السمكري والرش هيبقي حوالي 4000 عشان العربية لازم هتنزل علي الصاج وتترش من جديد يبقي باقي تمن وش الهوندا s2000 وظهر الديل سول ننزل بورسعيد او الحرفيين نشتريهم والكيت الفيراري اما نشتريه جاهز او السمكري يفصله بأيده وخد بالك بعد الي هتعمله ده متفكرش تبيع العربية الا لشاب غاوي تعديل

تمن وش الهوندا s2000 وظهر الفيراري ممكن يعملو كام تقريبا ؟
وكل ده ليه مشاكل مع المرور ولا لا
معلش هتعبك تانى و ايه رايك العربيه تستاهل ولا لا و الفوانيس الى قدام والى ورا كده هتتغير ممكن سعرهم لو تعرف