مين نازل يوم 30|6 ؟؟؟؟؟

[memo59]

المشاركة الأصلية كتبت بواسطة tham1010 الناس اللى بتقول ان مرسى الرئيس الشرعى للبلاد. هل معنى شرعى انه لا يتم الاطاحة بيه؟ إذا كان الامر هكذا فلماذا اطحتم بمبارك ( انا ضدد مبارك)؟ ألم يكن هو الرئيس المنتحب؟ هتقول الانتخابات بتاع مبارك مزورة. هقول لك لو الشعب كله كان نزل ايام مبارك الانتخابات ووقف نفس الوقفة امام لجان الانتخاب زى ايام انتخابات الرئاسة بعد الثورة مش كان هيبقى فى تزوير ولكن الناس مش كانت بتنزل. انا كنت بروح كل مرة وكانت اللجان خاوية ومجرد شوية ناس من الحزب الوطنى اللى كانت بتنتخب. واحد هيقولى هنعرف نشيل مرسى بانتخابات حرة نزية بعد اربع سنوات. اقول له ومين يضمن ان اللى كان بيحصل فى عهد مبارك مش يحصل فى عهد مرسى. على الاقل ايام مبارك كان الناس بتحارب لبقاءه علشان المصلحة. اما الان فالناس بتحارب لبقاء مرسى لاسباب اخرى بعيدة عن السياسة. الاخوان خرجوا من القمقم ومش نوين يرجعوا تانى للصفوف الخلفية. والايام ستثبت هذا، الرئيس القادم لمصر اخوانى والذى بعده اخوانى والسياسة ستبقى واحدة وستبقى نغمه انه الرئيس المتدين يصبر بيها الناس نفسها على اختيار مرسى.. انا متأكد ان كل اللى قال انه مش نازل علشان استقرار مصر من جواه عارف ان الرئيس مرسى هو اسؤ شئ حدث لمصر. الرجل عندما لا يستطيع العيش مع امرأه بيطلقها ويبحث عن غيرها، بينما الناس تريد لمرسى ان يستمر كابس على نفس مصر ومطلع روحها بقراراته المهتزه المرتعشة وشخصيته الغير حازمة. اعطيكم مثل اخر لما واحد بيودى ابنه درس خصوصى وبعد حصتين ثلاثة تجد ان ابنك مش مستجيب مع هذا المدرس والمدرس مش على قدر مناسب من الكفاءه بتسحب الولد من عندة وتروح لمدرس تانى، لماذا لم نقل نصبر على المدرس ونعطية فرصة لاننا تعاقدنا معه فى بداية العام وهو المنتخب بين كل المدرسين. لا تصبر لان هذا مستقبل ابنك،

[nktis]

المشاركة الأصلية كتبت بواسطة حسام نوبيرا سلملى علىطائر النهضه

[silverlite]

شربه الاخوان !

احسن حاجه حصلت ان الاخوان وصلوا اخير الى الحكم ...و فشلوا فشلا زريعا لم يكن اكثر المتشأمين يتوقعه !!
الشعب المصرى شرب شربه الاخوان و جرب و عاش سنه من الكوارث..
لن يجروء احد بعد ذلك ان يقول ان الاخوان لم يأخذوا فرصتهم
و هذه هى الفائده الكبرى ..
شربه و شربناها و كان لازم نشربها عشان نخلص من خرافه المشروع الاسلامى
- و الاسلام منهم برىء- للاخوان و الاسلاميين
تصحيح المسار و العوده للثوره هو الطريق الوحيد للخلاص
و الثوره ستنتصر لان هذا الشعب العظيم يستحق ان يعيش بكرامه و حريه على ارضه
و لا يتسول حقوقه من اهل السلطه -على اختلاف اشكالهم -
من مبارك لمرسى يا قلب لا تحزن !!

الطريق واضح و لا تراجع
الثوره مستمره

[Hany Wagdy]

انا مع النزول يوم 30/6
عشان بحب اولادى وعايز لهم مستقبل افضل خاصة بعد حكومة اثبتت فشلها و مع ذلك يتمسك بها النظام عشان مصلحته والنظام يلقى باللوم على المعارضة فهل المعارضة نظمت لهم اعتصامات تمنعهم انهم يشيلوا اكوام الزبالة اللى مالية الشوارع .
جميع المؤشرات تدل على ضعف النظام واضعاف قوة مصر يوم بعد يوم امام اضعف الدول . ان شاء الله ربنا هيكرمنا بعد مرسى لان كلنا عايزين الخير و ربنا ان شاء الله هيرزقنا بالقوى اللى يقدر يقود مصر و يحقق لنا اللى نتوقعه و كل التيارات اللى بتخوفنا من يوم 30 و اللى ناوية تنظم تظاهرات يوم 28 كلها مجموعات قليلة و بيهولوا الامور عشان يضعفوا عزيمتنا و بيعتمدوا انهم يغسلوا عقل البسطاء و يوجهوهم و يستفيدوا من عددهم وبصراحة موش بعد ثورة و حياة صعبة عشناها و بنعيشها و كل المنحنيات تتجه لاسفل نستحمل كمان 3 سنينن من عمرنا . الواحد لما بيسافر بره بيصعب عليه الوضع اللى احنا وصلنا ليه بجد كده كفاية .

[silverlite]