رابطه مالكي بيجو 305

[spare parts]

السلام عليكم

الموضوع ده كويس جدا ان مالكى ال 305 متجمعين هنا
انا معايا 305 و لانسر كريستاله و اتجننت قبل كدا و كنت ناوى ابيع ال 305 بس بصراحه العربيه دى ممتازه جدا و قطع غيارها موجوده جديد و استيراد بس لازم تدوخ عليها شويه بس هاتلاقى كل الانت عاوزه انا لفييت يومين كاملين فى كل حته عشان اشتريلها مارش جديد و فى الاخر لقيته لانى صلحت القديم كتير جدا و كل ما اصلحه يشتغل معايه كام شهر و اصلحه تانى لغايه ما اشتريت الجديد ب 450 فرنساوى و لقيت الاستيراد ب 250 و على فكره العربيه دى قطع غيار غاليه بالنسبه لانها عربيه قديمه بس العربيه دى بتستحمل جامد جدا عن العربيات الحديثه و مش خساره فيها المصروف نهائى اهم حاجه تكون حالتها كويسه و لما تيجى تغير فيها حاجه اشترى الجديد الاصلى ايا كان سعره لان لو صرفت على قطع الغيار صح هاتعيش معاك و مشاكلها هاتقل معاك .

[maikelfathy]

المشاركة الأصلية كتبت بواسطة mishoooonline اولا واخيرا اهم حاجة لازم تعرفها مش اي حد يشتغل فى العربية دي انا معايا 305 gl موديل 79 ممتازة بقطع فى الشهر بيها تقريبا متوسط 1500-2000 ك مبتقولش لا وسعات بسافر بيها القاهرة التانك بيكفينى رايح جاي بالنسبة للحرارة اكتر من حاجة 1- التاكيهات ممكن تكون عاوزة تتنضف 2- كهرباء الاسبراتير 3- سلك ملمس 4- بوبينة 5- مؤشر الحرارة نفسة بايظ 6- رادتير مصدي او بيسرب 7- لو متاخر في غيار الزيت الماتور انت عاوز واحد بيفهم فيها وهتلاقي العربية ممتازة جدا معاك انت لو من اسكندرية ممكن نتقابل ونشوف العربية محتاجة اي واساعدك باذن الله بس اهم حاجة موديل العربية كام..... بالنسبة للعافشة متجبش حاجة استعمال لانها بتبوظ بسرعة او متلحمش لانها بردو بتبوظ بسرعة وده عن خبرة مش شرط السرعة علشان العفشة تبوظ المهم انت بتاخد المطبات ازاى .. حنين ولا بترزع العربية اتاكد من الجلب لانها الاساس بالنسبة للمارش لو بايظ - لو ترس ... يتغير اما لو حاجة اكبر ترمي وتجيب واحد جديد مش استعمال

شكراً لتعبك و ردك عليه ولكن اللى انت متعرفوش انى مبركبس حد كتير فى العربيه 99% انا لوحدى او انا و المدام فقط لو فى مشوار اما بالنسبة للمطبات انا مبجريش مبخدش المطب على السريع و كمان بخد المطبات الكبيرة بميل و كمان انا طريق شغلى حافظ المطبات اللى فيه عارف الأسفلت كويس جداً فين بالظبط مشعارف اعمل معاهه ايه دانا غيرت طقم الكهربه و ظابط التكيهات و الريداتير مبقلوش سنتين و نضفته برده و الموبينا غيرتها و جبت وحده بوش جديدة و الزيت و الفلتر جديد وبستعمل زيت موبيل xhp بغيره كل 2500 إلى 3000 مبيعديش ال3000 مشى بى حتى الكربراتير رحت بها نظف و الراجل قلى انه كويس جداً و ده كله و مبتشتغلش الصبح انا خلاص قربت اولع فى نفسى اجى من الشعل ادوره تدور اجى اخرج بيها بالليل تدور

[asd_ask2001]

بجد بلاش افتراء العربية دي زي الفل وبتعيش وتستحمل الخدمة الشاقة والسفر
مش زي الفيات التعبانة ماركة ادي زوبة زقة
انا اصحابي جايبين فيات و مبيمشوش من عند الميكانيكي ومش معني ان في واحد بيضحك عليه تبقي البيجو 305 وحشة تلاقي الميكانيكي عايز ياخدها منه ولا حاجة

[asd_ask2001]

المشاركة الأصلية كتبت بواسطة maikelfathy الربطة دى كويسه جداً بس انا اللى كاره ال305 هى معايا مطلعه عينى مفيش حد بيفهم فيها 1- الحرارة قعدت الف بيها قبل كه عشان درجة الحرارة فى الصيف بتوصل للأحمر و بعد ماروح لخمسه كل واحد يغير طقم الكهربه و اللى يظبطه مره و للى و الللى و فى الخر واحد قى الميه مبتغليش ممكن يبقى العيب فى المؤشر و ولدى قلى فى صباع مقياس الحرارة يمكن يكون هوه ده اللى باظ من الاخر انا زهقت منها و ماشى بيها بقالى سنتين كده لان انا مشويرى كلها مسفات قليلة و اخرهه نصف ساعة او ساعة . 2- العفشه انا مبجريش بيها و اخرى بيها ثمانين مبقرص عليها و فى الاخر القى الحديدة اللى مسكه الميزان بتاع العربيه بيبقى فى اثنين واحده لقتها مشروخة و مسكه من نحية واحدة اعملهه و شهرين و القى العربيه بترزع من كل حته قدام قولت خلاص العفشه باظت اروح لعفشجى يقولى امال النحيه التانيه فين معاك دى مش موجوده خالص بنزل يبص عليها ميلقيش اى اثر حتى لمساميرهاو حاجه تقرف . 3- بعد مكانت مبتشتغلش الصبح ولفيت بارده على اكثر من 8 مكنيكيه كل واحد قرفنى بتخلفه فى الاخر واحد جمبنات ميكانيكى بيفهم قلى دى الموبينه حرارى بوش عشان كده لما تبرد الصبح مبتشتغلش مش هتلقيها جديدة روح هات مستعمله . 4- بعد ده كله و بعد كمان معملت المرش عشان هوه قلى ابقى اعمل المرش عشان صوته غريب و عملت المرش و قعدت 6 شهور و اكتر مفيش مشكله رجعت الهبل تان تشتغل عادى و تيجى مثلا فى اشارة او زحمه لو طفت منك متشتغلش مفيش صوت حتى للمرش و تتزق و قرف و فى الخر اوصل البيت اطفيها و اشغلها كذا مره تشتغل و ثانى يوم و اسبوع و ممكن لو حد جه يركب معايا اجى اشغل بقى و خرجين و لبس كويس و اشغل مفيش صووووووت انضف اوشيط اطنطط حوليها و ابهدل نفسى و لازم ازقها تدور اطفيها قدام الناس و ادورها تانى فى نفس الوقت تشتغل عادى عربيه غبيه غبيه غبيه غبييييييييه . ياريت لو حد يعرف المشكله دى يقولى على حلها انا خلاص اتخنقت منها حد يقول حل المشكله دى الله يباركلوكم .

مش عارف لية شامم ريحة البطارية والدينامو في كل اللي بيحصللك دة علي العموم غيرهم هم اللي فاضلين يمكن تستريح

[a7mdaly]

السلام عليكم انا عايز اعرف معلومات عن البيجو 305 من حيث قطع الغيار متوفرة ولا لا و اسعارها ايه يعني مثلا الكبالين بكام و المساعدين و اسطوانة الدبرياج و الفتيس و الماتور بتاعها بكام لو استيراد اصل انا كان معايا 128 موديل 1987 و بعتها و عايز اجيب حاجة كويسة مع العلم اني بسافر كل شهر بني سويف و بسافر كل سنة مرسى مطروح وشغلي في المطار و انا ساكن في فيصل يعني بعمل كل يوم حوال 80كم رايح جاي و عايز عربية بتستحمل السفر و الشغل ده كله
و سؤال تاني ايهما افضل الفيات 128 و لا البيجو 305 ولو فيه حاجة احسن من الاتنين ياريت حد يقولي و شكرا