|
#46
03-02-2011, 05:54 AM
|
||||
|
||||
رد: خربت..... مبروك عليكوا
مخربتش لسه بس بتوع التحرير دول لو كملو هتخرب
|
|
#47
03-02-2011, 06:52 AM
|
||||
|
||||
رد: خربت..... مبروك عليكوا
يعنى العيب دلوقتى فى المتظاهرين اللى فى التحرير ومش عيب وعار على المرتزقه اللى بيقتلوا فيهم بدون اى زنب
|
|
#48
04-02-2011, 04:38 AM
|
||||
|
||||
|
رد: خربت..... مبروك عليكوا
انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم .. الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين ومعرفش قرار الحربيه بامكانية انهم يروحوا غير لما راح عند اقارب ليه فى غمره وبيتوسل للتليفزيون انه يوصل التحرير دلوقتى ويبلغ الشباب بالقرار دا فين ناس كتير جدا عايزه تروح وخايفه من امن الدوله بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل وقال انهم قالولهم ان بكره جمعه الوداع .. وداع لمين ؟؟؟ وانهى مكالمته وهو فى حالة اعياء من كتر البكاء بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض _________________________ _________________________ ____ انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب ......... وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى حرب اباده للشباب اللى رفعوا اسم مصر فوق قوى . حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره دمهم هيروح هدر مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم يارب حافظ علينا وعلى بلدنا وابعد عنا اى شر .. اللهم اضرب الظالمين بالظالمين واخرجنا منهم سالمين يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين يارب انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه
|
|
#49
04-02-2011, 04:50 AM
|
||||
|
||||
|
رد: خربت..... مبروك عليكوا
المغادر الحقيقي
الشهيد عبدالمنعم رياض يترك الميدان باكيا فوجىء كل المتظاهرين بميدان التحرير سواء مؤيدين او معارضين بتمثال البطل الشهيد عبدالمنعم رياض يترك الميدان والدموع تتساقط من عينيه غير مصدق ما يحدث الشهيد الذي ضحى بحياته من اجل هذا الوطن والذي ضرب اروع صور البطولة وعلم العدو الصهيوني ان الوطن اغلى من الحياة وان تراب مصر المحروسة يستحق ارواحنا وحياتنا جميعا بطل حرب اكتوبر لم يصدق نفسه ان هؤلاء هم الذي ضحى بحياته هو جنوده من اجل مستقبلهم ومستقبل مصر ام الدنيا هم الذين يحطمون ويخربون بايديهم بلدهم وبلده ووطننا جميعا مصر استوقفه احد الماسكين بالاسلحة البيضاء ليسأله الي اين هو ذاهب وما سبب تلك الدموع التي تملأعينيهوهو في دهشة رد عليه البطل العظيم بأن الدهشة تتملكه هو فالكل لم يقدره حق قدره ولم يخجلوا من انفسهم وهم يتقاتلون بالاسلحة البيضاء من حوله الكل جبان ومخرب الكل مؤيد او معارض لم يكن يستحق تضحياته هو وابطال اكتوبر ان تهدمون ما ضحينا من اجله بحياتنا دون اكتراث ودون اعتبار وبايديكم انتم رد عليه وهويرمي السلح الابيض من يديه بالاسف والشعور بالخجل ولكنه له اعذاره من المهانة التي تعرض لها هو ابناء شعبه في السنوات الاخيرة وترجاه ان يبقى رد البطل بان ما تعرضوا له لايمثل شيء مما تعرض له هو وابناء جيله من مهانة الستينات والهزيمة والمعتقلات وانكسار الشعب والجوع بعد النكسة ولكنهم لم يخربوا لم يهدموا مصر بل صبروا وصابروا حتى تحقق النصر بدمائهم وارواحهم استشهدنا في سبيل الوطن ولم نجعل الوطن يستشهد في سبيلنل لم نهدمه وواصل البطل لقدتحقق لكم مطالب كثيرة وديمقراطية ستتحقق وانتم لم تكمموا مثل جيلنا لم تجوعوا مثل جيلنل ولكنكم تسلمون البلد للعدو الصهيوني بايديكم اذا كانت مشكلتكم هو اخي في حرب اكتوبرالطيار حسني مبارك فسوف يرحل كما اعلنها ولكنه يخاف عليكم من انفسكم ان يترككم منقسمين لانه ادرى منكم باحوال البلاد كما انه من حقه وهو الذي خاض حروب 56 و67و73 ان لايترك ذلك الوطن الذي حارب من اجله ومن حقه ان يموت على ارضه ويدفن في ترابه الذي حارب من اجله واكمل البطل بحسرة يا شباب الفيس بوك والوجبات الجاهزة وعصر الاتصالات والتكنولوجيا لو عرفتم ما هي الحروب وما هي مهانة الهزيمة وان تعمل وتجاهد وتضحي بحياتك من اجل استعادة الارض والنصر على الاعداء لعرفتم ان من حق مبارك عليكم ومن حقكم عليه ان يستمر لبضعة شهور سوف تفيدكم معنويا واصلاحيا واقتصاديا وسوف تؤكد له ولي ولكل ابطال اكتوبر ان تضحياتهم في سبيل هذا البلد لم تضيع هباء وصمد البطل واصر على ان يترك الميدان ولن يعود قبل ان يعود له المصريون
__________________
انا لا أملكُ
جمالَ يُوسفَ ولا قوةِ مُوسي ولا كنوزِ قارون،، لكني أملكُ في قرارة نفسي مالا يملكه الآخرون
|
|
#50
04-02-2011, 05:06 AM
|
||||
|
||||
|
رد: خربت..... مبروك عليكوا
يارب سترك
بأمانة شديدة... انا كنت ناوية مكتبش اي شئ ف المنتدي عن اي حاجة حصلت بخصوص الاحداث الجارية واللي عشتها يوم بيوم...بس انا هتوقف عند يوم واحد فقط...ألا وهو الأمس.. مبدئيا انا موقفي الي حد ما محايد..مش قادرة اقنع اي شخص بالامتناع عن النزول غدا..او ألوم شخص آخر بمكوثه فبيته الأيام اللي فاتت دي تقريبا مكنش في اطباء بيروحوا من الطوارئ...ليه زمايلي فعلا من يوم الجمعة مروحوش...للاسف عددنا صغير وفيه اعداد كبير للاسف برده لم تتح لها الفرصة انها تنزل الشغل...وكالعادة..اعتدت يوميا علي رؤية مناظر المصابين..سؤاء اللي كانوا بيتساقطوا حوالينا في المظاهرات او اللي كنت بشوفهم ف استقبال القصر العيني.. بس امبارح لنا هنا وقفة...طول النهار بشوف حاجات غريبة فلشوارع..شراذم بشرية بتتحرك كالقطيع من كل مكان شايلين ورق زبالة مقطع عليه بعض الهتافات بغضالنظر اكانت مع ام ضد..دي مش قضيتي دلوقتي...الغريبة انهم كانوا كلهم من نفس الفئة تقريبا..دا بالاضافة لانذار احد جيراننا بيشتغل في مكان أمني معين وحذرنا من نزول اخويا نتيجة اوامر محددة بإبادة تامة لكل متظاهري التحرير في تمام الساعة 3 صباحا...وفعلا في الساعات الاولي من الليل..بدأت تندع زي مبيقولوا..وكل شوية تيجي حالات بلطجية فعلا من طريقتهم وسالوبهم لدرجة اني لما كنت بسالهم هم تبع مين كانوا بتلجلجوا شوية قبل ميقولوا الاسم اللي هما ناسيينه اصلا وف تمام الساعة3 ونص صباحا..حصلت المجزرة..اعذروني ف الكلمة بس هي مجزرة بكل المقاييس...وكأن واحدة دخلت علي عشة فراخ ودبحت فيهم كلهم...لكم أن تتخيلوا عربية اسعاف كانت بتدخل بمعدل كل دقيقتين بتلات اربع حالات...وقبل متوصل لباب الخروج كانت بتدخل غيرها..سيل من الحالات المصابة باحترافية شديدة سواء بطعنات مؤدية الي الوفاة..او برصاص او بتهشيم تام للرأس تقريبا الحالات مخرجتش من الاطار دا غير بعض الرصاص الحي في الاقدام...طول الليل مشتمتش غير ريحة الدم ومشفتش غير لون الدم...دم مختلط..وتضاربت الافكار..مبقيناش عارفين دا دم شبابنا الظاهر ولا دم البلطجية القذر...اللي خلقتهم ظروفنا اللي بنعيشها برده اقسم بالله انا كان قلبي بيتقطع علي كل شاب ..كل أمل ,,كل نور فقدته اسره هيفضل الحزن مخيم ف بيتها للأبد... شباب دفعهم الحماس..وربما ساقهم التهور...او ع الاقل كلمة حماس منا ننطقها بدون قصد..تحمل شاب زي دا حياته جثث ملقاة ومغظاه باعلام مصر..عشان ايه؟؟؟ ولا عشان مين الله يخليكم دا حرمة دم المسلم اعظم عند الله من هدم الكعبة الله يخليكم دي اقل نقطه هتنزل من اصغر شاب هتقتل اسرة باكلها الله يخليكم متخلوش شوية كلاب يلاقوا فريسة سهلة يدبحوا فيها مقابل حفنة اموال واي اللي هناخده؟؟ شهادة؟؟معتقدش.. مواجهة قوة غاشمة بدون تجهيز وتنظيم هننول عليها شهادة...ايا كانت القوة دي جيش شرطة بلطجية مع ضد الله يخليك ياللي ماسك ريموت كنترول بتراقب وراه قنوات التليفزيون بشوية امتعاض وطقطقة اسنان..وتعرف ان اللي مات مات واللي عاش عاش وفاالخر تاخد ولادك ف حضنك وتنام افتكر ان اي كلمة قلتها قدام اي حد وشجعته علي الانتحار دمه فرقبتك والله لو تشوفوا منازر الشباب وحنا بنتعامل معاهم مجهول 1 مجهول 2 مجهول 3 والاعددا عمالة تتزايد..لدرجة لا تحصي لو تشوفوا حرقة قلب اب ماسك صورة ابنه وعماله يعيك ويقولي مش لاقيه من تلات تيام وعاوز ادور فلجثث هتعرفوا احنا نقصد ايه لو تعرفوا يعني اي موظفمش عارف يأكل ولاده بسبب التمادي اللي بقي سخيف بالمنظر دا.... لو تشوفوا بعض الاطباء اللي نزلوا التحرير فمستشفي ميداني..وبعد شوية يرجعلنا طبيب زميلنا مضروب رصاصة ف دراعه تتسببله فعاهة مستديمة...وكل ذنبه انه أدي واجبه ف وقت الناس محتاجاه فيه لو فكرت اد ايه كل واحد مننا بيعاني كل يوم خناق مع اهله عشان يقدر ينزل من بيتهم يشوف شغله لو فكرت فكل دا لحظة واحدة اعتقد موقفنا هيتغير شباب مصر اللي نزلوا يوم الغضب وكملوا ثورتهم احسبهم عند الله من خيرة شباب مصر..وعشان كدا مش عاوزة اضحي بيهم واملي فيهم كبير دم صاحب اخويا اللي مات ولسه دمه علي بنطلونه مش عوزاه يروح هدروالموضوع يتدنس بالمنظر دا الانجاز اللي عملناه الايام للي فاتت وهيبقي ذكري محفورة لانتفاضة مصرية مش عوزاها تتبدل بمذبحة جديدة خلص الكلام منقول ..........كفاية مظاهرات ياجماعة درءا للفتن وحفظا للدماء وتجنبا لخراب دولتنا
__________________
لا إله إلا أنت سبحانك إني كنت من الظالمين م/محمد
|
 |
|
|
