بتحب السواقة بسرعة ؟؟

[khaled_1993m]

مشكووووووووور يا باشا علي المجهود ده أنا كمان بحب السرعة اوي و بجد استافدت كتيير من الموضوع ده

[2010m]

يا جماعة احسن مكان للجري و الامركة سوق السيارات2 دة انا بشوف شباب بيأمركو بالعبيط هناك

[tom_gr]

طيب معلش ممكن سؤال لكل محبى السرعة ؟
وارجو الاجابة
انت راجل عربيتك صباح الثبات والقوة والتحكم والسرعة والامان
انت راجل سواق ماهر واجدع من مليون سواق وواد عفريت سواقة وحافظ كل الحفر والمطبات وكل حاجة فى الشارع
تمام كده ؟
نيجى بقى للسؤال
بعد ما حفظت ونفذت كل سبل الامان الى كل الاصدقاء قالوها قبل كده
وانت ماشى بسرعتك الى انت تحبها فاجاة لقيت واحد اقل ما يقال عنه انه حمار غلط اى غلطه غير متوقعه كسر عليك جامد - وقف مرة واحدة - بيفاديك من اليمين اخد يوترن على سرعه عالية والعربية زحفت منه - واحد بيعدى طريق سريع ومش عارف طلعلك منين مع ان المكان ده مافيهوش ناس اساسا
ممكن تقولولى هاتتصرف ازاى ؟

مستحيلللللللللللللللللللل للللللللللللللللللللللللل لل هاتنجوا وتطلع سالم انت ومن معك ومن حولك بمهارتك وحفظك للطريق واتباعك لوسائل الامان
لانك ببساطة ماشى بسرعة
ارجوا الاهتمام بالسرعات المقررة من المرور لان السرعات دى متحددة على اساسا ثقافة الشعب وليس على امان العربية او الطرق
اللهم احفظنا جميعا

[tom_gr]

وعاوز اقلكم حاجة والله
امبارح وانا مروح الساعه 1 بليل
عديت ادام قسم
لقيت عربية ميكروباص التويوتا الجديد اجرة كفر الشيخ بتاع السفر متشال على كساحة وواقف ادام القسم والناس كتير اوى بره

انا قلت حادثة ببص على العربية لقيت العربية اكنها نزلت فى حمام دم ومعجونة خالص
ايه رايكم وزنب الناس الى ماتت دى ايه بسبب فرد واحد بس ربنا يرحمه بقى مش عاوز اشتم فيه


النهاردة الصبح وانا رايح الشغل وماشى على الطريق السريع
لقيت عربية مقطورة واقفة وواخده حارتين بالعرض عديت من جنبها لقيتها عاجنيت عربية ميكروباس برضه تويوتا انما بتاع سياحه

قولولى بقى

استفدنا ايه من السرعه
سيبكم من خسارة المال والعربيات وكل ده مع انها اسمها مصيبة برضه

هل اى واحد يستحمل فكرة انه هو الى نزل نهر الدم ده من انسان ؟؟؟
هل يستحمل فكرة انه يتم اطفال
او رمل ستات
او صياع اسره بكاملها لانها كانت تعتمد على فرد واحد بس الى هو
المرحوم الى نت قتلته بدون قصد

ياجماعة وحدوا الله وصلوا على البنى وارجوكم الى عاوز سرعه يروح فى الصحرا ويطير براحته

والله موضوع شيق و جميل و واقعي جدا

انا بجد عندي السرعه دي زي كبايه الشاي الي تظبط دماغي لو مشربتهاش دماغي تصدع ولو مشيت براحه في اي طريق سريع احس ان عايز اولع في نفسي

بس بنفس الوقت بحط في اعتباراتي كل الي قولته يا ابونورا لان بجد ده الي مفروض يحصل لان الواحد شاف حوادث كتير الحمد لله محصلتش معايا غير حادثه و احده و بسبب غلطه ترلا وانا كنت الضحيه وعلي سرعه 80
يعني الحوار مش حوار بطئ

الخميس الي فات بقي حصل معايا مواقف طريفه جدا

كنت مسافر من طنطا للاسكندريه وماشي علي 140 و معايا الوالده و عمتي و بنت عمتي يعني طقم ستات و انا الي سايق
وهما دودودودو ههههههههههه مش مركزين انا ماشي علي كام ولا حسين لان العربيه ماشاء الله ثبات روعه
المهم اطلقت رادار فبعدي علي لجنه الظابت وقفني ففتحت الشباك بيقولي رخصك انت ملقوط رادار علي سرعه140
فاستهبلت و بقوله انا فنزل براسه شاف والدتي قاعده جمبي فراح باصص للعربيه تاني و للرقم وراح قعد يفكر كده و يبص لوالدتي بقوله في حاجه بيقولي لا اكيد في غلطه و راح معديني
ههههههههههههههههههههههههه ه
بجد ضحكنا ضحك بعدها


وتاني موقف بس كان اكشن
كنا راجعين من كارفور و داخلين علي الكورنيش فطريق كارفور في كوبري و بعد نزلته مباشره ملف حاد جدا وكنت ماشي علي 130 وفي نزلته بهدي عشان الملف المهم وصلت 110 افاجئ بسواق ربنا يسامحه تاكسي راح واقف مره واحده
يعني ولا ينفع افرمل ولا ينفع هاند ولا حتي ارعش فرامل
اخت الملف بغرزه بشعه بجد ربنا يسامحه و الحمد لله ربنا سترها

علي قد ما الموقف فيه اكشن و اثاره علي قد ما كان بشع و خطر و علي قد طبعا ما اخت كلام حلو من الركاب الي معايا
ههههههههههههههههه

السرعه داء وملهاش كبير و مش مقياس الي بيمشي بسرعه ربنا بيسلمه
ده قضاء و قدر

وتقبلو تحياتي