عربية 128 موديل 77 متعدلة كاملة للبيع.

[احمد الجارحـي]

عربية 128 موديل 77 متعدلة بالكامل / 1100 CC للبيع

ندخل بقي في مواصفات العربية

- العربية مرور السلام.

- الرخصة منتهية من 08/10/2013 الضريبة مدفوعة يعني هتنقل ملكية علي أسمك مع دفع التأمين يعني حوالي 180ج.

- العربية رشة جوا و برا و تغيير اللون من أحمر إلي أخضر ميتالك وده مثبوت علي الرخصة.

- كاوتشات امامي و خلفى ساندرا تايلاندي جديد من شهر ونص انتاج 2013 مقاس 13/65/70.

- مرايات جانبية شاهين.

- صالون مودرن.

- اضافة صالون مع الابواب و ايضاً بزرار للإنارة بشكل جميل و جذاب.

- دواسات فيرنا.

- جميع كوالين الابواب و الشنطة متغيرة من شهرين.

- جميع العدادات ف التابلوه تعمل بكفائة.

- وحدة سنتر لوك.

- مساحات و موتور رش مياة مساحات.

- كاسيت يدعم USB و مخرج جاك آوديو.

- سماعتين سوني.

- 5 جنوط سبور.

- شمسية زجاج خلفي نفس لون الصالون.

- كوريك و أدوات الطوارئ و اعطال الطريق لقدر الله بالنسبة للكاوتش.

- بطارية من 5 شهور سائل مش جاف.

- طقم ديسك و اسطوانة من شهرين.

- طقم شنبر من شهرين بردوا.

- دينمو من 3 اسابيع.

- فرامل امامي و خلفي كفاءة 100%

- فرش ارضية جلد بالكامل من الداخل و راشش بلاك لمنع الباروما.

- حالة الصالون 80%.


لسه مغير من شهر ونص (سير الكاتينة و سير الدينمو و البوجيهات و فلتر الزيت و فلتر البنزين و لسه مركب كرتيرتين قدام ) يعني اللي هتكون من نصيبة انا موفر عليه تعب و لف و تركيب و شراء ف حاجات كتير.

العربية محتاجة اولاً:

- مارش لان العربية حالياً من غير مارش عشان اتحرق مني و ده سعره 150 جنية بس انا للأسف مش معايا اني اجيبه.

- العربية محتاجة دفع التأمين و قيمته 150 او 180 جنيه لنقل ملكيته لان معايا توكيل. وانا دافع الضريبة زي ما سبق و قلت لاني كنت هرخص لكن اترفضت ف الفحص قبل ما اعمل طقم الشنبر عشان الموتور و لما عملت مكانش عندي وقت لاني كنت برا القاهرة اني ارخص و لما رجعت للأسف مش معايا فلوس أرخص ولا حتي اشتري مارش. والعربية هتدور عادي بالزق لحد ما نجيب مارش لكن انا موفر عليها الاهانة من غير مارش لحد ما يجيلها نصيبها ان شاء الله.


المعاينة خير دليل زي ما بيقولوا انا بس حبيت أوفر علي المتصل كلام كتير و المعاينة بشارع عين شمس الشرقية و اتمني ان الصور و الفيديو يكونوا خير دليل عشان اوفر عليكم مشاوير.

السعر نهائي : 15 الف جنية و قابل للتفاوض البسيط جدا جدا جدا عند الجدية و نقل الملكية

و من هنا تقدر تشوف فيديو انا عملته عن كل تفاصيل العربية عشان أسهلّك انك تقرر قبل ما تضرب المشوار.

أضـغـط هُـنـا لـ مُشاهدة الفيديو عَ اليوُتيوُبّ

.

[m_elmasoudy]

ربنا يحسن سوقها .. ومش عاوز أقوللك انه خسارة تبيع بعد المصاريف دى كلها .. بس انت اكيد ليك وجهة نظر تانية طبقا لظروفك .. عموما بأشكر فيك أمانتك فى وصف العربية .. تحياتى ..

[احمد الجارحـي]

المشاركة الأصلية كتبت بواسطة m_elmasoudy ربنا يحسن سوقها .. ومش عاوز أقوللك انه خسارة تبيع بعد المصاريف دى كلها .. بس انت اكيد ليك وجهة نظر تانية طبقا لظروفك .. عموما بأشكر فيك أمانتك فى وصف العربية .. تحياتى ..

ربنا يعوض علينا بالخير و العفوا و واجب علينا كلنا كاخوات اننا نتعامل بالامانة

[Ahmed Fathi29]

موفق فى البيع ان شاء الله

[احمد الجارحـي]

اللهم آمين

Sent from my GT-N7000 using Tapatalk