عن شراء السيارات

[a7lahamada]

بص حضرتك افهمك وجهة نظري انا مش معترض علي الصيني بس بالعقل ناخد مثلا الاسبيرانزا عربية فيها كل امكانيات الي حضرتك نفسك فيها ورفاهية ووسع وغيرة بس اية سبب رخص تمنها علشان صيني طب ما كدة اكيد في شك او قلقك صح يعني انا معايا 80 الف وعايز اجيب عربية ودي حقيقة بس انا محتار اجيب حاجة صيني فيها كل حاجة زي ما انا نفسي ولا اجيب حاجة معروفة كتير في السوق زي الهيونداي وخلافة وتكون الي حد ما مش مكتملة من الرفاهية الا العالي منها زي الالنترا ب 95 وكدة وخايف اجيب حاجة صيني واجي بعد كدة اندم اني فكرت فيها اساسا مع العلم ان السيارة عايزها تقعد معايا علي الاقل 5 سنوات بس هو دة وجهة نظري ونظرة الناس ليا هتكون راكب صيني اي كلام ويقولي ياخسارة الفلوس الي ادفعت فيها

[hazem_khidr]

انا رأيي في الحكايه دي حاجتين
اول حاجه لما بحب اركب عربيه بركب زي ما الناس بتركب
يعني ما اشتريش عربيه شاذه او غريبه علشان ما اتبهدلش في صيانتها
خصوصا ان العربيه بالنسبالي سلعه معمره مش بغيرها غير كل 10 سنين
او 5 سنين علي اسوء تقدير(دا حاليا انما زمان كانت العربيه بتقعد اكتر من كده)
تاني حاجه لما بحب اشتري بحب اجيب العربيه اللي انا مستريح فيها
يعني شكلها حلو و عاجبني(بحب العربيه يكون وشها شرس او غاضب و مش بحب العربيه المبتسمه!! وبعدين
بحب العربيه اللي زوايا حاده مش دائريه)
ركوبتها تكون مناسبه ليا و الوضعيه اللي بحبها(بحب اركب العربيه اللي قعدتها واطيه مثلا غيري مش بيحب كده)
و قوه موتورها و صوت الموتور نفسه من الحاجات اللي بتأثر في الشراء وصوتها و هيا بتسحب

لو الحاجات دي كلها اتجمعت في عربيه او علي الاقل 80% منها موجوده في عربيه واحده اشتريها
بدون ما ابص العربيه دي مصنوعه منين