![قديم](samael3arbflat/statusicon/post_old.gif)
29-10-2012, 12:54 PM
|
هواياتي: Kung Fu - Reading
|
|
تاريخ التسجيل: Nov 2011
الموقع: القاهرة
المشاركات: 1,488
|
|
رد: نقل الملكية عشان تنجز فى يومين بس (مرور السلام)
يلااااااااااااااااااااااا ااااااااااهوي ده انا كنت ناوي اخلص في اسكودا فابيا 2002 بعد العيد كل سنه و انتم طيبين بس بعد اللي حضرتك كاتبه و الرصه المحترمه ديه بلاها عربيه يلااااااااااااااااااااااا هوي كل ده ورق و اجرائات عشان عربيه ب30 الف
|
للأسف الإجراءات هيا هيا سواء العربية بـ 30 ألف و لا حتى بـ 10 آلاف. سياسة المرور عندنا فى مصر= خلى الأزمة تزيد و لمّ فلوس على أد ما تقدر.
يعنى هدفهم مش تيسير حركة المرور و السلامة و الأمان و الـ .... كلام فاضى. هدفهم يحطلك عشر مطبات ورا بعض (كلها مطبات ميرى و بين كل مطب و التانى 3 متر. ليه يا عم ؟ - أمل و نتانه) أقصد أمن و متانه!![Shyy](images/smilies/shyy.gif)
و الرادار اللى بيحطوه بعد البوابات بـ 10 كيلو و بعده كمين تحصيل. قال يعنى كده شايفين شغلهم.
كله كوم و المخالفات العشوائية و تغيير الأرقام و الحروف فى وصل المخالفه علشان الأمين (قفش). و تروح تشوف مخالفاتك تلاقى (مخالفة تحميل زائد و أطوال و بروز و تعطيل حركة المرور و تجاوز السرعة المقررة و السير عكس الإتجاه - يوم 25 يناير 2011, بعد الثورة بخمس دقايق. مكان المخالفة فى ميدان التحرير) يعنى ممكن تكون أنت إللى قتلت الثوار!!!
كله كوم و الضرائب و الدمغات و (التأمين الإجبارى) و الطفاية و العاكس و الإسعافات و الإكراميات علشان الطابور الطويييل إللى مش هيخلص .... منهم لله.
لما أنت كارهانا أوى كده يا مصر ... ليه جبتينا من الأول ؟؟؟
|