عاوز اسئل على العربيه هيونادى نيو اكسنت

[sam ram]

المشاركة الأصلية كتبت بواسطة mariamjacob ياريت كمان نصائح للاعتناء بالسيارة الجديدة لان انا قريت مثلا انها لا تحتاج تسخين قبل القيام صباحا والكلام ده فى الكتيب الخاص بها لكن تترك دايرة 1 دقيقة بعد اى استخدام عنيف ومش متاكدة انى فعلا اعمل كدة؟

فعلا كتيب الهيونداي بيقول ان العربيه مش محتاجه تسخين
بس هو الواحد بيدور العربيه عقبال ما يفتح الازاز و يربط الحزام و يظبط مراياته يكون فات دقيقه و يتحرك ببطء الاول لحد ما مؤشر الحراره بتبدي يتحرك و بعدها يسوق عادي جدا
اما موضوع ان العربيه تتساب دايره في حاله الاستخدام العنيف فمعتقدش ان حضرتك بتستخدمي العربيه بعنف
لكن لو حصل سواقه عنيفه ( يعني المشي على ار بي ام عالي وتغيير غيارت كتير و استخدام الفرامل بقوه) ...
فالواحد بيسيب العربيه دايره شويه علشان تهدى بالتدريج

المشاركة الأصلية كتبت بواسطة د-خيرى بسم الله الرحمن الرحيم وكل عام وانتم طيبين الا خوة المشاركين فى المنتدى رجاء تحديث اسعار السيارات حتى لو من خلال المعلومات الواردة فى ملحق السيارات بتاع الاهرام لان جريدة الاهرام بتيجى السعودية بدون ملحق السيارات وان عاوز اتابع الاسعار حتى اتخذ قرار الشراء قبل نزول الاجازة وشكرا

وحضرتك طيب يا دكتور خيري ...
ممكن حضرتك تتابع الاسعار من خلال موقع كونتاكت كارز ..
www.contactcars.com
وبتكون الاسعار فيه اكتر و اوضح من الجرايد .. لكن بتكون اسعار الوكيل بس مش الاستيراد
لو حضرتك تحب تسأل على موديلات معينه قول عليها و ان شاء الله نجيب اسعارها لحضرتك

[AHMEDCAR]

المشاركة الأصلية كتبت بواسطة sam ram فعلا كتيب الهيونداي بيقول ان العربيه مش محتاجه تسخين بس هو الواحد بيدور العربيه عقبال ما يفتح الازاز و يربط الحزام و يظبط مراياته يكون فات دقيقه و يتحرك ببطء الاول لحد ما مؤشر الحراره بتبدي يتحرك و بعدها يسوق عادي جدا اما موضوع ان العربيه تتساب دايره في حاله الاستخدام العنيف فمعتقدش ان حضرتك بتستخدمي العربيه بعنف لكن لو حصل سواقه عنيفه ( يعني المشي على ار بي ام عالي وتغيير غيارت كتير و استخدام الفرامل بقوه) ... فالواحد بيسيب العربيه دايره شويه علشان تهدى بالتدريج وحضرتك طيب يا دكتور خيري ... ممكن حضرتك تتابع الاسعار من خلال موقع كونتاكت كارز .. www.contactcars.com وبتكون الاسعار فيه اكتر و اوضح من الجرايد .. لكن بتكون اسعار الوكيل بس مش الاستيراد لو حضرتك تحب تسأل على موديلات معينه قول عليها و ان شاء الله نجيب اسعارها لحضرتك

ميه ميه يا سامح و الله

و برضو بخصوص التسخين انا بفضل انى اول ما ادور اسيب العربيى زى ما قولت من دقيقه لدقيقتين و بعد كده بتحرك و مش بخلى الار بى ام يعلى عن 2 او 2.5 بالكتير و يعد ما مؤشر الحراره يتحرك

خلاص اعيش بقى و ادوس برحتى

[mariamjacob]

الحقيقة انى معنديش مؤشر حرارة اساسا؟؟ مش شايفاه اساسا!!؟؟

[sam ram]

الموديلات الجديده زي الاكسنت و الالنترا مفيهاش مؤشر حراره ... لمبه بس...
لكن العاده ان الواحد يدور العربيه و يستنى دقيقه او اتنين خصوصا لو الصبح بدري وبالذات في الشتا ...
وبعدين يبتدي يتحرك بهدوء و سلاسه ل 3 او 4 دقايق كمان ...
يدوبك يكون الواحد طلع لطريق رئيسي سريع ودخل وسط تيارات الجري و يكون ابتدى هو كمان اعصابه تسخن من سواقه اللي حواليه !!!