التسجيلات من الاسلكى الخاص بالشرطة فى الاسكندرية

[akerima]

انا شايف بالعكس التسجيل بيدين الداخلية اكثر من تبرئتها - دا فيه اعتراف باستخدام الرصاص الحي في التعامل مع المتظاهرين ودا برضة دليل من تخبط الداخلية وضعفها حتي قبل قيام الثورة

انا من رايي ان مهاجمة الاقسام جت بعد ضرب الداخلية للمتظاهرين واحساس المتظاهرين بالتغلب علي افراد الداخلية فالمهاجمة جت نتيجة لرد فعل غاضب علي الافراد اللي كانوا بيهاجموهم ودا رد فعل طبيعي علي طريقة تعامل الداخلية معاهم

في النهاية طريقة تعامل الداخلية مع مواطنين عزل كانت نتيجتها سيئة جدا علي علي منشاتهم اللي هي المفروض مملوكة للشعب لكن الداخلية عمرها ما حسست المواطن العادي بانها بتاعتة والمفروض يحافظ عليها فكانت دي النتيجة

[AKRAM_BMW]

ان التسجيل بيدين الداخلية اكثر من تبرئتها - دا فيه اعتراف باستخدام الرصاص الحي في التعامل مع المتظاهرين و هذا الواضح من التسجيل

و معى الاسف التسجيلات غير مفبركة دى مسجلة من خلال ضابط فى ادارة النجدة بالاسكندرية دون ذاكر اسماء

و على العموم شكرا لك من شارك بالموضوع

[AKRAM_BMW]

المشاركة الأصلية كتبت بواسطة Payoo للأسف التسجيلات دي متفبركه ومش حقيقية أولا التسجيلات دي عاوزه تقول إن ظباط الشرطه كانوا بيدافعوا عن نفسهم ضد الشعب إللي كان معاه رشاشات وأسلحة وزخائر بيهاجموا بيها القسم و عاوز يقول غن الظباط القتله كانوا في حالة شرعية للدفاع عن النفس ضد المسلحين الإرهابيين (إللي هما الشعب) ثانيا لا يوجد نظام تسجيل صوتي للإشارات اللاسلكية في الداخلية ثاثا هناك خطأ في الفيديو الثاني يثبت أن هذا التسجيل مفبرك تماما و من صنع القتلة الذين يحاكموا الآن أماما القضاء

ارجوا منك التركيز فى سماع التسجيلات قبل التسرع فى الحكم عليه

و مع العلم التسجيل تم من خلال ضابط بادارة النجدة بوسيلة معينة غير خاصة بالداخلية

اسمع منى انا

معى تحياتى
أكرم الاسكندرانى

[Payoo]

المشاركة الأصلية كتبت بواسطة AKRAM_BMW ارجوا منك التركيز فى سماع التسجيلات قبل التسرع فى الحكم عليه و مع العلم التسجيل تم من خلال ضابط بادارة النجدة بوسيلة معينة غير خاصة بالداخلية اسمع منى انا معى تحياتى أكرم الاسكندرانى

خلاص يا أكرم أنا مصدقك
لكن ده برضه مش معناه إن الكلام إللي بيتقال في التسجيل ده صحيح
يعني الظباط إللي بتبلغ النجده عن طريق اللاسلكي بيبالغوا و بكذبوا عشان ياخدوا تصريح بقتل الناس المتجمهرين حول القسم

فهمتني ؟
يعني لو حتى التسجيل حقيقي فمش بالضرورة إن يكون البلاغ حقيقي

[luckyman]

متفبرك حتى لو مش متفبرك ملهوش مصداقية على صحتة مفيش داعى لتداول الامور دى علشان ما نعملش نفس دور الاعلام اللى ضلل الناس وعن قصد ومعظم القنوات الخاصةالمملوكة لاصحاب الاحزاب والاموال