#16
|
||||
|
||||
رد: افيو ام لانوس
العربية مش شكل وامكانيات وبس لازم صيانتها تبقى سهلة وكل ماكانت صيانة العربية اسهل كل ماكانت انج ومن هنا بستبعد الافيو ويبقى الانوس وانا شخصيا حختار الفيرنا لانها موتور ومصرى بمصرى اخد الموتور الاقوى وقطع الغيار وسعر اعادة البيع واحدة يبقى الفيرنا
|
#17
|
||||
|
||||
رد: افيو ام لانوس
نصيحة لوجة الله الافيو هو اللانوس الجديد وبالتالى لا اللانوس ولا الافيو ابعد عنهم
جيب اكسنت او ريو وريح بالك |
#18
|
رد: افيو ام لانوس
طالما وصلت لمستوي ال 75 الف في اختيارك
يبقي قربت للفئه الاعلي شوف نيسان صاني او ريو او اكسنت زي ما لاكي باشا قالك ممكن حتدفع 10 آلاف زياده بس حتاخد بيها عربيه تقفيل محترم و شكل احدث و تقنيه اعلي و اسعار قطع الغيار لا تختلف كثيرا عن غيرها
__________________
حـازم خـضـر
|
#19
|
|||
|
|||
رد: افيو ام لانوس
اللانوس محركها 86 حصان و1500 سي سي .اما. الافيو محركها 84 حصان و 1500 سي سي يعني اللانوس اقوى وكمان مفيش حد اشتكى منها وانا مجربه وعارف واستهلااك البنزين كويس 6.4 لتر/100كيلو وقطع غيارها سعرها كويس وبتعيش و العربيه ناعمع و زي الفل ومش هتندم انك جبتها
|
#20
|
|||
|
|||
رد: افيو ام لانوس
انا اقولك القول الفصل ان شاء الله
لان انا كان معايا لانوس 99 زيرو كوري و بعتها و اشتريت الافيو 2006 زيرو كوري اولا : من حيث السواقة فهي هي..تاني هي هي...نفس الاحساس ونفس التقل على الارض و نفس السحب مفيش اي فرق ثانيا : من حيث العفشة فاللانوس انعم بس في مقابل ده واطية على الارض ...يعني كنت بنزل اصحابي قبل مطبات بلدنا العظيمة ... الافيو بقه عالية بس في مقابل ده ناشفة بغباء..المطبات بتخبط في عمودك الفقري في الست سنين بتوع اللانوس مسمعتش صوت من العفشة الافيو من بعد 20 الف و هاتك يا سيمفونيات ...خبط ورزع و تكة هنا و تزييقة هنا و مالهاش حل الناس كلها غلبت فيها ثالثا من جوه : الافيو بدون شك اشيك و افخم في التقفيل بدون منازع و ان كان برده كراسيها مرفوعة كده زي اللوجان ...يعني اللانوس قعدتها اريح لو بتسوق مشاوير طويلة رابعا : التوكيل هوه هواه ..كان زمان ابو الفتوح و كان احسن من منصور بكتير..و اقولك كلام في سرك لسه بيشتغل في اللانوس بس من تحت لتحت...اللانوس هتلاقي قطع غيارها عند السباك انما الافيو الله اعلم ..و انا عامة لا اسأل في هذا لاني شاب توكيلاتي مبعملش حاجة برة التوكيل خامسا : التكييف ...ست سنين في اللانوس مقربتش منه ...انما في الافيو مليته مرة في التوكيل بعد 3 سنين و كنت عايز املاه قبل ما ابيعها...و هو هواه...تاني هو هواه في الاتنين سادسا: اعادة البيع اللانوس في 3 ساعات ... وكسبت فيها على فكرة ...يعني ايه كنت شاريها ب 41 الف سنة 99 و بعتها ب49 الف سنة 2006 و ده لانه حصل طفرة جامدة في اسعار العربيات في مصر في الوقت ده اما الاخت الافيو فاتباعت في 3 ايام و خسرت فيها طبعا ..يعني كنت شاريها 2006 ب 69 الف و بعتها 2011 ب49 الف ... وده لانه كله بيقول الشكل القديم طب ما ازود الفين تلاتة و اجيب الشكل الجديد علما بان العربيتين كانوا في حالة ممتازة و الاتنين راشين بره نضافة و ولا واحدة كانت محتاجة مليم احمر لاني بعمل صيانتي حسب الجدول و زي الكتاب ما بيقول وانا زعلت على اللانوس لما مشيت...بس موش حاسس بذرة ندم على الافيو النتيجة : من غير تفكير اللانوس احسن مييت مرة اللي يقوللك العربيتين هما هما غلطان...اللانوس برقبتها على الاقل هتوفر على نفسك 9 الاف فرق انت اولى بيهم و اللانوس شكلها موش هيتغير (128 القرن الواحد و العشرين) فتهبيعها بمنتهى السهولة بس لو عايز رأيي زود 10 لاف لو تقدر و هات الريو او النيو اكسنت او حتى الصني و انت الكسبان و يارب اكون افدتك ... و عايز اسمع رأيك و تقبل سلامي
__________________
Dr.wael el7yran
التعديل الأخير تم بواسطة dr.wael7yran ; 29-08-2011 الساعة 04:31 AM |
|
|