حلقة نقاش حول الاستفتاء القادم عن التعديلات الدستورية

[سلامة 1983]

والله ياجدعان انا شايف ان الجيش هو اللى لغبط الدنيا كدة وخلى الواحد محتار بين نعم ولأ ، لأن كان المفروض ان لجنة التعديلات لما تنهى اعمالها ان يحصل حوار مجتمعى واسع بين القوى السياسية كلها وبالتالى ممكن نعدل اى مادة قبل منرفعها للمجلس الاعلى للقوات المسلحة وغلط الجيش فى الحتة ديه انه مدعاش لكدة ومشمعقول اللجنة هتقول للجيش انا هاطرح تعديلاتى على الناس من غير ما يوافق على كدة ، فاللجنة عملت اللى عليها ورفعت التعديلات للجيش والمفروض هو كان يعمل حوار مع الكل قبل ما يحدد ميعاد الاستفتاء عشان على الاقل يبقى فيه توافق وطنى ناحيتها ، اما الغلط التانى للجيش فهو انه كان المفروض يسمى التعديلات ديه اعلان دستور مؤقت عشان الناس تتطمن ان دستور 71 مش راجع تانى وكمان كلمة تعديلات بتفكرنا بذكريات سيئة وانا عشان ده كله هاقول نعم عشان الجيش ( مع احترامى لدوره الوطنى ) ميحكمش اكتر من 6 شهور عشان الطريقة المبهمة ديه اللى بيدير بيها البلد
عامة ربنا يهدى كل مواطن مصرى لما فيه الخير

[سمارت وير]

المشاركة الأصلية كتبت بواسطة سلامة 1983 وانا عشان ده كله هاقول نعم عشان الجيش ( مع احترامى لدوره الوطنى ) ميحكمش اكتر من 6 شهور عامة ربنا يهدى كل مواطن مصرى لما فيه الخير

و هي دي خلاصة ما أتمناه أنا أيضاً ... نعم للدستور المؤقت ( التعديل الدستوري )

[pointer]

لو عاوز تعرف ايه اللي ها يحصل لو قلت نعم او لا ادخل هنا
http://www.masrmotors.com/vb/showthread.php?t=49846